اخواتي والله دعواتكم بعد الله فكت هم وضيقه عني الله لا يبتليكم ولايفجعكم لا بالدينا ولا بالآخره حبيت اوضح اشياء لأخواتي الي انشغلو فيني وجلسو يسألون ؟ ؟ ؟ لبسي في البيت ؟ انا كنت عايشه عيشة فقر والحمدلله يعني على لبسي كان قميص (( روب )) قطن كان اغلب لبسي او تنانير طويله .. ابوي وينه ؟؟ ابوي كان يجيب اكل وشرب وماله خص في البيت مره يعني مايدري عنا لاهي وهو جدا حنون بس طبيعته كذا من طلعت على الدنيا الى الآن !! زوجي ماايدري الا عن اخوي الكبير وخالي يعني مايعرف كمان ان جدي واخواني الباقين لهم علاقه ماحبيت انزل من اخلاق اخواني كلهم وخليت المتسبب واحد الي هو تزوج بس وخالي الان في منطقه غير منطقة اهلي .. وواحد من اخواني ساكن عندي في البيت متوظف عندي وساكن وزوجي يعزه ويموت فيه من خطوبتنا والان تجيني حالات في البيت اكره اخوي وودي اطرده ويستغرب زوجي ومستحيل الان اقوله الحقيقه لأني اخاف اهز ثقتي في الانسان الي عطاني حياته وماله وعياله ومتأمني على اسراره احس اني بأهدم ثقته لو حكيت الان وفضلت السكوت ورضيت وسلمت أمري كله لرب العباد :(
اخوي الكبير .. مو عارف الى الان اني كنت صااااحيه فيه وفي عمايله ... خالي كان عارف اني بأشوف واصيح بس بساكت وكان يشوف :( الى هنا .
أمي .. والله يأنا اموت فيها لأننها الى الان مو داريه وش سوو !! على باله كنت امزح او انها رفضت تستوعب مني صحيح وكذبتني والى الان مو داريه بلي صاااار ولكن اكررهها لأنها سبب بعد الله بلي انا فيه الان .. والان وضع عائلتي تغير صارو البنات في غرف لحال ومعاملة امي لهم غير عن معاملتي ولو تجي وحده من اخواتي وتقول الي مايدخل العقل امي بسرعه تصدق وتقوم الدنيا يعني امي الان تغيرت ومحافظه بزياده وتخاف بزياده وكل ماشفت حرصها كرهتها ويجي على طرف الساني انفجر واقول الي فيني بس شايفه انه لا ماقدم ولا مأخر حاجه خليتها بقلبي !!
عياده او دكتوره نفسيه زوجي رفض من بداية زواجنا وقال انا الدكتور الي بتقولينه له قوليه لي مو عن غيره لا بس يقول خرافات مع انه متعلم ومثقف وانسان بالمره معروف في المدينه الي انا ساكنه فيها (( وكأني حسيت انه يخاف احد يشوفه يراجع عن عياه نفسيه واحتمالي من ذ الشيء اكيد فألغيت الفكره من راسي وعارفه اني مستحيل اتكلم واخرج الي فيني .. وكفايه علي فضفضت لكم واحتويتوني
زوجي الان تصالحنا ورفضت اتكلم في الموضوع كتب لي رسائل وجاب هدايا وكفتني دموعه واعتذاره فلجمني قلبي وسكت وسويت حالي اني خلاص نسيت ولا حتكلم في الموضوع وزيها زي الي راح في قلبي واحاول اتناساها
الى اخواتي هنا في المنتدى يعلم الله اني صايمه اليوم ودعيت لكم من كل قلبي انه لايوريكم مكروه ولا يبتليكم ويفجعكم لا في انفسكم ولا في من يعز عليكم ويوقف معاكم في يوم عصيب زي ماوقفتم معايا
ولكن . . لو علمت ان فضفضتي وشكواي بتأثر كذا على صداقتي في بنات معينين هنا في المنتدى والله والله والله ماكتبت وبقيت على صداقتي مع بنات اقل مايقال عنهن صاحبات خير ومعينات على الدنيا بكل خير ،، اقول لهن .. والله الذي لا اله الاهو ان ماكتبت يدي الان من مصيبتي وابتلا من الله في اختكم شادن بدون زياده واللهما فأشهد ..
واقول لبعض الأخوات حسستوني وكأني لو بأدخل عليكم بغرفه بتشمأزون وتقومون والبعض بيستفرغ !! الله لا يبتليكم وييسر اموركم ويوفقكم ولا يضيق صدوركم ولا يحملكم فوق طاقتكم يارب
وقفه اخيره ترى انا من عملي للبيت ومالي في الجمعات وجداً انطوائيه وانتم عالمي الاقي عندكم الوناسه والضحك والنصائح وكل اخت هنا تعطي من قلبها وتبتغي رضاء الله في كل شيء تكتبه فأتمنى ماتحرموني تواجدكم معايا كالعاده وان كانت مشكلتي بتأثر زي صداقتي مع بعض الاخوات اتمنى من الله اني ماكتبت ولا شكيت احس من كلام بعض الصديقات هنا وكأنه مكاني اتزعزع وماكان ظنهم فيني كذا !! طيب هذا حكمت رب العالمين وش اسوي وانا والله قلبي طيب ونيتي صافيه ومو زي مايتخيل بعض البنات ان القصه اثرت فيني بشكل سلبي او شيء لأ بالعكس :( انا غير وتعاملي مع الناس غير وقمه في الأخلاق والأحترام كلام كل من شافني والله ماامدح نفسي بس جد حزينه لأن انتم اخواتي ومستحيل مشكلتي تأثر على مستوى التعامل معايا ومعاكم .. الله لا يحرمكم الأجر ويحجبكم عن النار يارب ويجعل كل ماكتبتم في موازين اعمالكم يارب العالمين .. تقبلو خالص دعائي لكم أختكم شادن
يارب ابتليتني وصبرت ولكن طاح حيلي
متابعة النقاش، صفحة 17