السلام عليكم ورحمه الله وبركاته
كيفكم بنات
وش اخباركم
انا عندي مشكله متعبتني حيل
انا مدرسه توضفت بعد الزواج ومن يومها وزوجي يطالبني ب2000 ريال
من الراتب بحجه ان له الحق فيه عوض عن الوقت اللي اطلع فيه وانشغل فيه عنه
مع العلم ان دوامي صباحي يعني هو في الدوام كمان
وارجع قبل مايجي واجهز الغدا عادي وكأني في البيت
والعصر لمن انام هو كمان ينام
والتحضير احضر لمن يطلع للقهوة
فمدري وش هالوقت اللي يبي اعوضه عنه؟؟؟؟
و تعب في المدرسه وفي البيت
واغراضي واحتياجاتي كلها من راتبي
حتى اللي يوصلني للمدرسه السواق مو هو وانا اللي ادفعراتبه
يعني هو خالي المسؤليه من كل شي
ويطلع متي مابغي ويلاقيني متي مابغي وفوق هذا يبي اعوضه
عن ايييييييييش ماادري!!!
صحيح يابنات له حق؟؟؟
اللي اعرفه ان الحرمه مسؤله من الرجل من اكل وشرب ولبس وعلاج وخلافه
حتي لو كانت مليونيرة
مايحق له من فلوسها ريال الا اذا كان عن طيب خاطر منها صح ولا لا؟؟
انا مرة سمعت الشيخ يقول كذا
وان النفقه علي الرجل مو هي تنفق علي نفسها
وتعطي زوجها من راتبها و كمان اجباري؟؟؟؟؟؟
اجل وش لزمتة رجال اجل!!!
صح ...فطنوني والله تعبت معه..المشكله شايف ان هو علي حق وانا علي غلط
وللمعلوميه اوضاعه الماديه ممتاااااااازة
ساعدوني الله يعافيكم
شاركي في النقاش
سجلي الدخول لإضافة تعليق.
التعليقات
125- بصراحة قاعد يلعب عليج
حاجيه بالموضوع
واذا عارض قولي له انا ونت نروح لشيخ ونشوف رايه بالموضوع - انتي حتى حاجاتك وأغراضك عليه هو ياحلوة .. لاتتهاوني فيها .. حتى الخدامة عليه هو ..
- اصلا من الواجب انه ينفق عليك مهما كان عندك من فلوس
هذا ياخذ منك !
الله يعينك - إنتي لوتقريين الموضوع مره ثانيه .. بتعرفين انه يالس يستغلج !!
اقريي الموضوع واتخيلي بنت ثانيه كاتبته مب إنتي.. وشوفي شوبيكون رايج بلي يصير ؟؟ ** المحترمة** بصراحة قاعد يلعب عليج حاجيه بالموضوع واذا عارض قولي له انا ونت نروح لشيخ ونشوف رايه بالموضوع
تسلمين ياعسل
هو مايبي نقاش هو مصمم انه علي حق؟؟
يعطيك العافيه
مواضيع مشابهة
تابعي تجارب أخرى من هذا القسم.