حسيت اني كبرت بسرعه

اذا كنتي راعية دعا وصدقات كثيره
فلا تخافين بإذن الله تعالى
ولكن إذا كنتي مهمله الاشيا هذي ففعلا ضيعتي عمرك
وابداي من الان بالدعا والصدقات واعمال الخير
وخوفك من الكبر استغلي بالاستعجال بالخيور
قولي كيف دخلت ال ٣٠ ماحجيت ماعتمرت مالي أوقاف ماحفظت القرآن ما دعيت لنفسي صح ما ما
لانه هذي الاشيا اللي بيدك بإذن الله تعالى تعمليه ومن اسباب تغيير الاقدار

يااختي صلي على النبي
وين اي كبرتي لسا في ربيع عمرك
يمكن الزواج تأخر عليك لكن ماهي نهاية الدنيا رزقك محفوظ ومكتوب واصبري وان شاء الله الفرج قريب والله يجبر بخاطرك
لاتقارني نفسك بغيرك كل من له ضروفه يمكن هم تزوجو قبلك لكن ربي كاتب لك سعادة اكبر
حاولي تشغلين وقتك في انجاز افتحي لك مشروع صغير
توظفي
ادخلي دورات
الله يسعدك ويرزقك ماتتمنين

السلام عليكم
كيف حالك اختي ؟
مسألة الخوف من العمر غالبا ما تشغل تفكير العديد من الناس رجال و نساء ، و لكن ما يحاول ان يفعله الناس هو شغل وقتهم عن ما يقلقهم ، ابتعدي عن التفكير في الاشياء السلبية و حاولي ان تفكري بايجابيات الأمور ...
بالنسبة لفرق العمر بين الرجل و امرأته ليست صعبة كما تتصورين ، خذي الإمور ببساطة فمن الواضح ان شكلك اصغر من عمرك ، فإذا جاء من يناسبك فلا تشغلي بالك بموضوع السن ...
تحياتي لك
دارين حسن مستشارة نفسية و زوجية

وشسالفه الحريم مع العمر
يااختي كل شي ارزاق نصيب لازم تستوعبين الي جوك اصغر منك ماربي كتبهم لك في نصيب ربي كتبه لك من لما انولدتي ببطن امك بيجيك هالنصيب بيوم وساعه محدده ماتعرفين ان ربي لمن خلق بني ادم كتب له رزقه شقي كان ام سعيد لكن اذا تبين الزواج اسعي بالاسباب واكثري الاستغفار
انا قبل كم سنه انخطبت وكنت راح اتملك وتعسر الموضوع ورفضته ووقتها زعلت بسبب مواقف الي حولي خذلوني ولكن الان احمدربي حمدلله الف مره يمكنه شر انصرف عني اوشخص مومناسب لي ويمكن لوتزوجته ماوصلت للي انافيه كان مداني اطارد ورى المشاكل واشتكي بعالم حوا
وبعدين ليش تنتظرين رجال يعيشك حياتك عيشيها انتي يااختي عيشيها انتي لاتحصرين حياتك وسعادتك بوجود زوج استمتعي بالعزوبيه عيشي خشي دورات سوي مشروع توظفي سافري
منتي شايفه حال المتزوجات بالقسم وربي كرهووووني بشي اسمه زواج صرت اشوف الزواج الوحده تطلع منه بطفل واحد يونسها ويخدمها اذا كبرت غير كذا مافي شي يحمس بالزواج ويمكن حلاوته بالتجهيزات وتحضيراته بس كلها حلاوه مؤقته الااذا ربي كتب لك ادمي ابن حلال وسخره لك تسخير وحبك من قلبه عاد هنا ممكن تسعدين وتعيشين مرتاحه وهالشي حتى ترينه رزق والارزاق بيد الله
اناقريبه من عمرك ولامره فكرت تفكيرك السلبي هذا حمدلله وش يعني ٣٠ و٤٠ شوفي الفنانات اغلبهم صاكه ال٥٠ واغلبهم تزوجو وتطلقو يعني بصراحه من رايي فكره الزواج فكره فاشله بس لازم تعيشها الانثى عشان الامومه وعشان تحس انها جربت كل شي بالحياه لكن مدري احسك حاصره دنياك بزواج ورجل يمكن يكون هالرجل سبب لتعاستك ماتشوفين الخيانات والمصايب بالقسم والي اخذ فلوسها والي خانها والي معلقها لامتزوجه ولامطلقه والي يتلفظ والي يضرب والبخيل والي والي والي يمكن ربي صرف عنك هالشي لحكمه وتوك٣٠ صغيره جدا حرام عليك تفكرين بنفسك كذا
شوفي نجوى كرم قربت ال٦٠ وكأنها قمر ١٤ ومريام فارس عمرها ٣٧ وقمه الانوثه ونانسي ٣٨ واليسا ٤٥
لالالا شيلي هالفكره اذا منتي موظفه توظفي سافري دلعي نفسك اشتري وتكشخي روحي عيادات تزبطي وحطي لك اهداف دينيه ودنيويه عيشي حياتك وراحتك وحريتك مارسي هواياتك اطبخي العبي رياضه تعرفي ع صديقات اوسوي مشروع وطووووريه اهتمي ببشرتك شعرك وقوي صلتك بربك في مليون حاجه حلوه نعيشها من غير لارجل ولازوج
وان جا الزوج المناسب وافقي وان ماجابه النصيب مابتموتين الا واستوفيتي رزقك لوربي كتب لك شي بيجيك والله لوكان عمرك ٦٠ موعاد ٣٠

الدنيا كلها فانيه ياقلبي مهما جلسنا مصيرنا نرحل
اقضيها بالطاعات والذكر وخلاص هذا اللي راح يضل
🚶🏻‍♀️