الامومه خلتني احاتي وخوافه
انا عندي بنوته الله يحفضها قبل ما اتزوج واحس في الامومه كان قلبي قوي يعني اذا سمعت ان طفل مات او اتأثر تأثر بسيط ثم اقول الله يجعله شفيع ودائم احس ان موت الطفل اهون من موت الكبير وحتى إذا شفت او سمعت عن طفل انصاب اتأثر وبعد خمس دقائق انسى وكنت دائم اصلي على الجنائز الأطفال وعادي عندي لكن من بعد صار عندي بنوته وصرت ام صار قلبي رهيف وخوافه وصرت اتذكر أحداث ماضيه جدا واجلس ابكي زي اتذكر بنت عمي الي ماتت قبل خمس طعش سنه وعمرها سنه بحادث احسها كنها توها ميته ويوم موتتها تأثرت بس مو مره والطفل الفلاني الي انكب عليه حار قبل كم سنه وووووغيرها أيضا يوم طلعنا للشاليه وشفت المسبح والأطفال يسبحون حسيت بخوف وما ارتحت لان بنتي يادوبها تمشي وخفت عليها مره وحخلت داخل انا وياها والان مر شهر وانا كل ما اتذكر المسبح اخاف والوم نفسي شلون اروح ومعي بنوته حركه وصر اتذكر ولد الفلاني الي غرق في المسبح وكل ماتكبر بنتي يزيد عندي ها الخوف