انخنقت معاد اقدر

ياجماعه لي ٢٠ سنه بشقه مساحتها ١٠ في ١٥ مكونه من ٣ غرف وحمام ومطبخ صغير ٢ ونص في ٣ وعندى ٤ اطفال والشقه ملك لابو زوجى في عماره مساحتها ١٠ في ١٥ متخيلين وانا بالدور الثانى تحت في غرفتين لما كبرو عيال قبل ١٠ سنوات وضاقت على قلت لزوجى ناخذ الغرفتين اللى تحت نخليها ضيوف وفوق غرفه لى وغرفه لعيالى والثالثه جلستنا بالقوه وافق واخذناها يادوب شميت نفسي مع ان والله يوم يجونى ضيوف اتعب لان المطبخ فوق لكن احاول اجيب كل شي جاهز وانزل كل شي اخفف من التعب اهم شي سار عندى مكان للضيوف نضيف ومرتب والله ماكملت سنه الا اخوان زوجى بنو فوقنا دورين شقتين وكان البنى على مدار سنتين يبنون بالقطاره تبهذلت من العمال والطق ووحوسه البنى سنتين درجى انعدم ومليان تراب وحجار وعمال طالعين نازلين ويوم سكنو معاد فى خصوصيه مثل اول فى بيتى معاد سرت استقبل ضيوف لان الدرج واحد واذا بنزل تحت لازم اتغطى وصبرت وعيالى كبرو وسار لازم اعزل البنات عن الاولاد والغرف الثالثه اللى اجلس فيها خليتها للعيال معاد عندى غرفة معيشه ومافي غير سيب صغير بين الغرف لما يكونون كلهم نايمين واصحى بدري مافي مكان اجلس فيه الا بالسيب الين يصحون واجلس عندهم ماعندى مكان للغسيل والكوي ننشر الغسيل في نفس الغرف الى ينامون فيها عيالى وجاتنى حساسيه من الصابون نفسي اصحى من نومى اجلس بصالتى واشغل تلفزيون كل وقتى بالسيب ذا كانى شغاله والان لي ٢٠ سنه واكثر شاب شعري وقلبي سار يوجعنى من الهم نفسي اصلح وارتب كل شي قديم ومكسر اكتب وانا ابكى والله وزوجى بارد موضف حكوى وعليه ديون من عرفته وقبل سنه وعدنى يشتري شقه تمليك ونطلع والموضوع كل ماله يطول يقول لما تخلص اقصادى وكل ماقلت قربت تخلص يقول لا لسه باقي انا قلبي يوجعنى معاد اقدر اتحمل بتجنن ماخليت دعاء ولا قران ولا صدقه ولا استغفار الا سويته ومافي اي جديد ذبحنى الهم وتصاقت شعري وجههى ذبلان وشكلى سار اكبر من سنى تعبت ياعالم