بنتي ورسماتها المريبه

ترى المقطع الي بنتك كاتبته (it's gonna be a good life..)
مقطع من اغنيه للمغنية المعروفة بيبي ريكسا ... هي مرة مشهورة و اغانيها ضاربه بين الي يسمعون اجنبي
يعني لا تخافين ، وبالنسبه للرسوم يمكنها متأثره تأثر مؤقت بالإيمو .. الي يحبون الحزن والخرابيط


ترى كثير بمراهقتهم كانو ضايعات .. وبعدين لما كبرو عقلو .. و تزوجو و صارو أحسن أمهات . وعوضو ماضيهم


المهم بيتكم واضح انه يفتقد للحب
انتي قرري من اليوم تصيرين انسانة ثانية .. تزيدين مسؤوليتك و تبدين تعطين كل وحدة حب و حنان و عاطفة وتخلينهم يسمعونك و انتي تدعين لهم قدامهم .. وتكررين عليهم : انتم الي بترفعون راسي


خليهم يحبونك عشان يحسنون نفسهم
مو يكرهونك و يحسون ان حياتهم مالها قيمة و انهم عالهامش !
هم مراهقات يعني اسفنجة تمتص اي شيء
وانتي جبتيهم بفترة كنتي صغيره ولاهية بأمور كثير
الحين انتي ناضجة و النت ماخلى شيء ... يمديك تصيرين أحسن مربية !! مع بناتك


ودائماً ادعي لهم بصلاتك

حبيبتي طمنينا عليك شو أخبارك انتي وجوزك

ماقول غير حسبي الله وكفى الله يشغلك بنفسك وعيالك ويعين بناتك عليك اجل يجيبون المرض عقلك الي يجيب المرض

جربي ادعيلهم بصوت مسموع وهم طالعين للمدارس مثلا
قولي الله يحفظكم ويوفقكم ويجعل يومكم كله سعادة
بيحسون بحبك لهم وخوفك عليهم ،،
تكلمي معاهم عن مراهقتك بمزح واضحكي على نفسك
قوليلهم انا احبكم واخاف عليكم
تقربي منهم بالكلام الطيب وصبحيهم بدعوات حلوة هالشي بيعطيهم طاقة ايجابية كبيرة ،،

بنتك ذكرتني بنفسي كنت اسوي جروح بيدي عشان بس ابي احد يسأل عني ويهتم لي كنت احب الي تمدح فيني وترفعيني فوق بنتك الي عندها اكتئاب تبي احد يهتم لها يسأل عنها يشبعها عاطفيا ويمدها هذا الي كنت احس فيه يوم كنت بسنها وكنت اخذ مرايه مكسوره واجرح يدي عشان يسألوني وش فيه يدك ويهتمون لي بس الحسن الحمد لله مرحله وعدت