صديقتي قالت لي عن سالفتها

مرحبا اخوات
هذه صديقتي عزيزه علي قبل كم سنة تخرجت من الجامعه طبعا عاشت بفراغ كبير خصوصا انها ما تطلع ولا تروح ولا تجي وما كان يتقدم لها احد نهائي وبس جالسه تتفرج على ها العالم الكل ينخطب ويتزوج طبعا ما كانت تبين لاحد انها متضايقه كانت تبدو قويه ابوها ماشاء الله ملتزم والكل يحبه تقول ابوي الله يسامحه كل ما شافني متضايقه من شي سواء اتهاوش مع اخواتي او ابغى اروح لشي او كنت مكتئبه من الدوره يقول لي ما احد تقدم لك لا تحطين حرتك وغضبك على غيرك انا والله ما عندي استعداد اروح ادور لك زوج تقول كل مره يسمعني ها الكلام الي زي السكين وانا اصلا مو معصبه عشان ابي اتزوج مره دخل وشافني اتناقر مع اخوي وطبعا قال لي ها الكلام المعتاد قلت له يا ابوي من قالك اني كل ما شفتني متضايقه تحسبني اتضايق عشان ابي رجال وبعدين انا ما طلبت منك تدور لي زوج وقلت بنفسي هذاك تسعى بتزويج بنات الأقارب يعني ابوي من النوع الي يمسك الواحد مع اليد الي تعوره تقول واجمع أرقام خطابات من النت واتصل على اكبر عدد مو الهدف اني ابي اتزوج عن طريقهم لا ابي فقط الناس تتصل تخطب قدام ابوي ويشوف اني مطلوبه يعني الي سويته ردت فعل وابرد حرتي ومن ضمن الخطابات وحده اسمها ام فلان تقول ما نسيت صوتها واسلوبها كنت اسولف معها تقول وتركت الخطابات خمس سنين او اكثر ونسيت موضوع الزواج وكنت ألوم نفسي كيف سويت كذا اروح اتصل على خطابات كل وحده تذلني يا اني كنت غبيه وابوي توفى الله يرحمه ويحلله على كل كلمه ذلني فيها ونسيت الموضوع وكبرت وأصبح الزواج اخر همي وتوظفت في قطاع خاص وفي يوم من الايام امي قالت لي ان فيه ناس يبون يخطبونك عن طريق صديقة عمتك يصيرون جيرانها ولدهم منفصل ام الولد اسمها ام فلان وصوتها واسلوبها نفس ذيك الخطابه الي كنت اكلمها خالتي من اول ما شفتها وانا حاسه انها ذيك الخطابه الان انا تزوجت بس موضوع ام زوجي مسبب لي احراج خصوصا ان ام زوجي مو من النوع الي هين