انا غلطت يوم صرفتها ؟؟

الله يعينك

ماانتي غلطانه ولاشي انتي اكرمتيها كثير وهي زودها ظروفكم ربي يعلم بها وانتي مانتي متكفله فيها ولااهلك متكفلين لاتستحين وخليهاتفكر مثل ماتبي والله يسعدكم ويرزقكم من واسع فضله

لحظة ي بنااات وي راعيه الموضوع القمر...
تصدقون يمكن البنت وأهلها. (محرومين)
محروم.. يعني عنده انعام ولكنه مايتهنى فيها كأنه محروم.. عشان كذا ندعي ربي سبحانه ربي لا تجعلني فقيرا ولا محروما..
يمكن مسكينه وحنا قسينا عليها... اتذكر فيه لنا قرايب أمهاتهم موظفات ومايشترون لعيالهم شوكولاتات ولا من مطاعم واذا شافوها طارت عيونهم ماكانه عيال موظفين..
وفيه حريم غنيات جدا واملاك.. َوم ذلك مايعزمن احد ولا يصرفن ع نفسهن قد مايقدرن ويدورون عزيمه من اي احد عشان مايصرفن..
الحمدلله الذي عافانا مما ابتلاهم به وفضلنا على كثير ممن خلق تفضيلا..
وغالبا هذولا يصيرون تربو في بيوت زمان يهاوشونهم ع الريال وين راح وكل شي حسافه فيرثونه منهم..
واحتمال هي أهلها اغنيا جدا ولكن محرومين الله يعافيهم ولا يبلانا..
وشوفي وش سووا يوم عزيمه امك مع انه المفروض قدام الناس يضغطون ع نفسهم ع الاقل عشان عيالهم.. ومع كذا ماهمها وجه بنتها...
والبنت لما تعرفت بك وشافتك كريمه تحسب مايهمك ودايم هذولا يحسبون ان الحاله المرضيه عندهم هم.. مابدرون الكل مثلهم لكن يضغط ع نفسه.. فتقول سهله هم عادي عندهم..
فتجي وهي حاطه ببالها فرصتي اعيش واشبع واذوق كل اللي بنفسي.. عشان كذا تقول وش بتعشيننا كل الجيه عشان هاللقمه اصلا..
سبحان الله الاكل يصبح هاجس الإنسان لما ينحرم منه.. ولعلمك انتي بالنسبه لها فرصتها للأكل..
تراهم محرووومين
وهي جابت معها شله يمكن عشان تصير بوجه الجميع ومايبان انه لحالها
واضح ان عندها مشكله كبيره وحرمان كبير مخليها تكتك كل هذا..
ولعلمك ان شاء الله كل اللي ذاقته عندك صدقه ان شاء الله
لأنها من جد جايعه.. واهلهم حارمينهم.. وذاك اليوم اللي زرتوهم ترى اكثر شي يقدمونه شوفو اذا ماصار فيه عزيمه كيف بيقل الاكل ذاك.
ودي اقولك امسكيها وفهميها انه ياقلبي ترى مايصلح كذا والناس تفهم ومايصلح تجين وانتي ماتعزمين وانتي متقدمين مثل ماقدم ووو بس عارفه انها بتصيح وتقول اهلي حارميننا
انا اشوف انه من جواك اهم شي تعذرينها وتعرفين انهم مريضين.. وغصب عليها.. وانه اللي راح ان شاء الله صدقه لأنهم مثل الفقرا.. فلا تخربينه انك تفضحين بها. وتعرفين بخلهم مرض وأنهم يحسبون الناس ماهمهم الريال وأنهم لحالهم اللي هامهم مايدرون ان الناس يهمها بس تضغط ع نفسها..
وأهم شي لا تجيب شله معها ابدا.. امنعي التجمعات.. واذا اخذتي ماخذتي او بقى منكم اكل زين ارسليه لها او اشتري اكل بين فتره وفتره وارسليه لها واحتسبي صدقه... ترى ماتتخيلين الفرحه..
شفتي الفطاير اللي تقولين بايته بعد أهلها ترى بالنسبه لهم كنز ويمكن جلست تحرسها حراسه لايكلونها اخوانها.. عشان تضيفكم بها..

عندي قريبه تعرف وحده كذا..
مع انها مليونيره وزوجه مليونير والثانيه ع قدها حتى مطلقه
وش صارت تسوي؟
صارت زي الصدقه عليهم
اذا بقي اكل ترسله لهم
وفعلا تأكله ولا يحقرون اي شي زي الفقرا تراهم..
وماتتخيلين الفرحه لأنهم وفرو غاز العشا..
ولا تطلب منهم ولا كيس خبز لان الريال تطليعه يوجعهم..
ولا تعزم نغسها مع انها جارتهم. لان بياله الشاهي بالنسبه لهم تبذير..
واذا جت هدايا هي تهدي اقلهم اذا اهدت بعد..
هي فهمت نفسيتها وصارت تتصدق عليها ولا تشتري لها تعاملهم زي الفقرا.. وتراهم مثل الفقرا..
يعني زميلتك عامليها كذا او اي احد مثلها..
ترى لو تحطين لهم باقي غداكم بحافظه طاررو فيه .
لو تحطين ذره ولا بليله ماتتخيلين الفرحه
مو لازم مطاعم الاكل العادي يبهرهم

من اليوم ورايح تعاملي معهم مثل قريبتي وخوذي الأجر فيهم
باقي اكل عندكم ارسلوه لهم
اذا طبختو غدا زودو الرز وحطو معه لو ربع دجاجه وارسلوه
واذا اخذتو ماخذتو زودو غداكم العادي وارسلوه
تراه بالنسبه لهم عييييد
..
انتي مافهمتي شخصيته وتكلفتي بالعزيمه وقشيتي الشله تحسبينها مثلك
الحين افهمي الوضع وأبدى من جديد
اهم شي عندهم الاكل وانتي من اليوم ورايح ارسلي لها ولعلمك هي تجي عشان تاكل اذا أرسلتي لها مايحتاج تجي