شاركي في النقاش

سجلي الدخول لإضافة تعليق.

التعليقات

61
  1. حِته من سُكر وذابت
    نبي قصص عن اخذ الميت وبرجع اعطيكم قصص صارت عندنا
    هاذي القصه قبل لااولد واجي على الدنيا كانو بس اول اخواني وخواتي الكبار كانوا شوي وينعدون على الاصابع
    بيتنا احترق حريق موحش كان في البيت اهلي ابوي دخل ينقذ الموجودين طلع امي وجدتي وعماتي باقي اختي واخوي دخل وطلعهم بس كانو اخر ناس وكانو صغار صابتهم حروق من الدرجه الاولى اختي توفت الله يرحمها وهي عمرها 6سنين الله يجعلها طير من طيور الجنه
    واخوي خلاص فقدو الامل فيه وجاء وقت الدفن وهم ينثرون التراب عليهم واحد من الموجودين يصرخ انه شاف اخوي يتحرك
    سبحان الله يحيي العظام وهي رميم
    رجع اخوي من الموت حاليا متزوج وعنده بنتين وولدين ومسمي واحده من بناته على اسم اختي الي توفت يقول انه مايقدرينساها كل ذكرياته الحلوه والمره معها الله يرحمها صار عنده فوبيا من النار مايقربها ولايدخل المطبخ عند الافران ماحد يلومه عاش موقف ماحد يتمناه لااي حد على فكره جسمه تشوه وصار محروق كامل وعايش حياته الزوجيه سعيد زوجته تموت فيه تقول تحبه بكل عيوبه
    على كثر ماخطبنا له وعلى كثر مارفضوه ربي عوضه في الاخير عوض ربي اجمل من كل شي بكيت وانا اكتب لكم القصه يالله وش قد تاثرت
  2. @nhl_14

    زهره التولين
    هاذي القصه قبل لااولد واجي على الدنيا كانو بس اول اخواني وخواتي الكبار كانوا شوي وينعدون على الاصابع بيتنا احترق حريق موحش كان في البيت اهلي ابوي دخل ينقذ الموجودين طلع امي وجدتي وعماتي باقي اختي واخوي دخل وطلعهم بس كانو اخر ناس وكانو صغا…
    سبحان الله
  3. @nhl_14

    انا اذا تحملت في جمعت حريم وهم لابسين عبايات في بيت يموت أحد من أهل البيت
    اذكر ولد حماي الله يرحمه
    وجارت أمي الله يرحمها
  4. صاحبة الموضوع
    شمس وقمر ٢٠١٩
    طيب ممكن تحكيلنا قصة اخوك اللي توفى واش سبب وفاته الله يرحمه ويجعله شفيع لامك
    الله يرحمه يارب
    ضربته سيارة وهو طالع من المدرسة
    اخوي كان حركي كثير يركض ويمش بسرعة كان اخر يوم مدرسة وبعده اجازة وشكله كان طالع متحمس وهو يقطع الشارع بسرعة ضربته سيارة مسرعة وهربت
    كان عمره ١١ سنة بس
  5. بنت خالتي
    توفى ولدها البكر وعمره ١٨ سنة بس قبل اربع سنوات بحادث سيارة
    لحد الان منهارة عليه هي وابوه وتوها والدة وسمته نفس الاسم
    بس في قصص كانت تحصل قبل شهرين من وفاته
    اول حلم شافته كانت بحديقة بيتهم تسمع زوجها يبكي و يكلم واحد مو مبين
    يقوله بس تروح هناك لا تقاطعني زورني امانة وكان يبكي وراحت تتمشى شافت جدته الله يرحمها قاعدة تضحك بوجهها
    بعدها بكم يوم شافت جدته بالحلم تحممه وتفرك جسمه وتبوس فيه وفرحانة فيه
    وقامت مخروعة وكان قلبها يحس انه في شي
    قبل الوفاة ب اسبوع شافت حلم تتهاوش مع جدته بالشارع وجدته ماسكة يده وتسحبه بالغصب من الام والاب لين خذته وبنت خالتي تصرخ بالحلم
    قبل مايموت بيومين شافت نفسها بالحلم تركض وراه وتناديه بالمطر وهو ماشي
    يوم لي توفى شافته بالحلم تقول كنت ماشية بالشوارع ودخلت البيت وقلت للخدامة وين ابني وين ابني
    اشرت لها على الطاولة ولقت كوب قهوة شاربه ووردة التفتت للنافذة لقته يطالع فيها ووجهه ابيض من الثلج ويلوح بيده كأنه الوداع
    ومات الولد بالليل كانت نايمة وتحلم بجدته تاكل عندهم صحت على جوال زوجها الساعة ١١ بالليل
    تقول انقبض قلبي يوم رديت عليه
    كان يبكي مثل الحريم وخبرها بالفاجعة
    صبح لي مات فيه شافت نفسها بالحلم ماسكة يده وهو يضحك وهي تبكي ونفس السيارة لي سوا فيها حادث كانت موجودة وقاعد داخلها واحد شيخ ووصلته لمكان والرجال يقولها لاتخافين عليه خلاص منهتم فيه
    والى الان تحلم فيه
    بعدها ب اسبوع شافته قاعدة هو وياه بحديقة وهي تطبطب عليه وهو يبكي ويبوس يديها اكثر من مرة ويطلب السماح
    هذا الحلم دخلها المستشفى تنومت فيه

تابعي تجارب أخرى من هذا القسم.