السلام عليكم :)
بنات وخصوصا الموظفات وبعد غير الموظفات ماتلاحظون
ان احنا نستخسر على نفسنا كل شي غالي ؟؟؟؟ يعني ممكن نهدي
رجالنا وعيالنا واهلنا شي غالي ولما نشتري شي ندور على المناسب
والارخص ؟؟؟؟؟!!!!! طيب ليش باعتقادكم ؟؟؟ :09:
وبعدين موضوعي هو ليش كل وحده فينا سواء موظفه او غير موظفه ما
تاخذ من مصروفها او راتبها كل شهر وتخصص مبلغ معين حق نفسها ؟؟؟
تعرفون صار لي تقريبا 5 شهور مطبقه هالشي لاني حسيت بنفسي راتبي
كله يروح مصاريف على البيت والعيال وهدايا والتزامات طيب وأنا ؟؟؟
أكرف طول النهار ومب من حقي استانس وادلع نفسي شوي ؟؟؟
تعرفون والله حسيت بالتغيير وحسيت اني بالفعل دلعت نفسي على الاخييير
يعني اللي تشتكي من اهمال زوجها او عدم ملاحظته لزينتها او تقصيره
في الانفاق على جمالها واحتياجاتها طيب حاولي انك تدلعين نفسكك وتسوين
ميزانيه لك انتي وبس !!!!:30:
خلاص احس كافي عيالنا ونشتريلهم اللي يبونه واللي مايبونه ومب مقصرين
معاهم بشي وازواجنا كذلك مع انه اغلب الازواج ينسون هالناحيه يعني تلقينه
مايفكر يهدي زوجته هديه بمناسبه او بدون مناسبه !!! وزوجي من هالنوع
يعني يهديني بس لما اززززززززززززن عليه او اعتب عليه وازعل :22: تحسونها
طلعت مب من الخاطر او مالها طعم حلو لما تجي من نفسه
انزين واذا ماجات ؟؟؟؟ :( اقعد احرق بنفسي واتحسر وتاكلني الغيره لما
اشوف غيري عنده ومدلع ااااااااخر دلع ؟؟؟ طبعا لا
بصراحه صار لي هالكم شهر انانيه لنفسي اشتري وادلع نفسي اخر دلع
طبعا مانسيت عيالي وزوجي بس قللت شوي صرت افتر على الصوالين كل اول
شهر واصرف على لبسي واناقتي وجمالي والكل لاحظ هالشي :)
حطيت لي ميزانيه معينه كل شهر واصرف على قدها ونصيحتي
لكل وحده من خواتي سوي هالشي صدقيني تتغير نفسيتك وينعكس
مظهرك على مزاجك مااقول افتري ليل نهار على الصوالين لا ابدا
كل اول شهر سوي فيشيل تنظيف للوجه عميق ومنكير وبدكير
واذا متعوده تصبغين غيري صبغتك كل 3 شهور او اكثر
قصي شعرك او سوي حمامات زيت
واستغرب من بعض الخوات اللي وجوهن متروسه شعر !!! :eek:
يا خواتي الطب والعلم تطور عالجي نفسك في مراكز كثيره اللحين يعالجون
ويزيلون الشعر بالضوء وهذا احسن من الليزر ومايضر البشره ولا له اي
سلبيات وسهل عالجي نفسك معقول تعتمدين على الخيط !!! ومعروف ضرره على
البشره وزياده الشعر وفتح المسام وزياده الحبوب في الوجه !!!
لا تقولين غالي ومادري شو يعني بعض الخوات يدفعن الف او اكثر في فستان
تلبسه مره او ثلاث بالكثير وتستخسر تدفع نص هالمبلغ بجلسه ترجع لبشرتها
نعومتها وتظهر انوثتها للابد !!!
دلعو نفسكم خلو عندكم شوية انانيه ليش لا اذا بتنعكس على نفسيتك
وبالتالي على زوجك وعيالك !! :26:
شاركي في النقاش
سجلي الدخول لإضافة تعليق.
التعليقات
17- يسلمووووووو حبيبتي
والله أنك صادقة
لاااااااااااااااازم ندلع انفسنا شويه ... شويه مو واااااااااايد ... يعني ما نشطح بالمعقول - كلامك عين العقل يالغالية
وهذا إلي انه مطبقته من اول ما اشتغلت لين يومك هذا
مقسمه معاشي عدل وطبعاً لازم في نصيب منه لي :42: - بتعرفو يا بنات
ازا انتي ما اهتميتي بحالك وعملتي قيمه واهميه لنفسك في المستقبل زوجك واولادك ما رح يعرفو يعملولك اهميه
كلامك مزبوط 100 % - ماشاء الله تبارك الله
الله يسعدك ويهنيك ايوه كذا الزوجات ولابلاش
لكن بالنسبة لي حاولت كذا مره لكن تبقى الاولوية لبناتي وزوجي
اما انا مايهم هذا رائي دائما عارفة انة خطا لكن الام دائما تضحي وتتنازل
وتتغاضى وتساعد حتى اخلي نفسي اخر شئ مااحب افكر بنفسي ابدا اول افكر
بعائلتي وبعدين يجي دوري واحيان كثيرة مايجي
كلامك ياغرشوبة عين العقل الله يكملك بعقلك....والله يعطيك العافية على الموضوع العسل مثلك.... بسه شرسه بتعرفو يا بنات ازا انتي ما اهتميتي بحالك وعملتي قيمه واهميه لنفسك في المستقبل زوجك واولادك ما رح يعرفو يعملولك اهميه كلامك مزبوط 100 %
:)
خواتي
العلوية 2
درة البحرين_947
بسه شرسه
مشكورين على المرور وصح كلامكم اصلا اذا ما بدينا
من اول شي وبعز شبابنا نستانس بمعاشاتنا وندلع نفسنا
متى نستانس ؟؟؟ وبعدين منو بيدري عنا ومنو بيدلعنا ؟؟؟
خلونا نفرح شوي الوحده كله دافنه نفسها في بيتها وبين عيالها
وذابحه نفسها عشان زوجها والناس طيب وهي متى ترتاح لاتقولون لما
يكبرون العيال لانهم بيكبرون وتكبر مشاكلهم وبيكبرون وبيتزوجون
وبيلتهون بنفسهم واسره وتكون هي خلاص راحت عليها :eek:
مواضيع مشابهة
تابعي تجارب أخرى من هذا القسم.