لاحظتم شي..؟

@non_algmaaa


السلام عليكم ورحمه الله وبركاته..امس في موضوع سرقة المواضيع كان اغلب الردود تقول في معناها ان المواضيع التي نكتبها فضفصه وبعضها مبالغه يعني بالعربي غير حقيقه وخيال و بهارات.. وماعليهم لو انسرقت او نسخت.

رسالة للبنات التي تتحمس وتصدق ووتتضايق و تتخوف و يجيها اكتئاب من كثرة القصص الزوجيه والمشاكل نقولها اهدي بالك اغلب ترى كل شي عباره عن بهارات مشكله حسب المنطقه والوجود و قصص خياليه ليس لها وجود. وبالبعض للاسف تتاثر كمان وتصدق وتبحر بالنصيحة وتدعي وتلعن... مجرد نصيحة مثل النصايح بالمنتدى

45 تعليق 9,665 مشاهدة

4 0

شاركي في النقاش

سجلي الدخول لإضافة تعليق.

التعليقات

37

  3. @orod_zrka

    سبحان الله كل واحد مرتاح بحياته يحسب الناس مثله مرتاحه وكل واحد يكذب يحسب الناس مثله تكذب لان ما قد مر عليه مشاكل ويحسبها من الخيال
    على العموم انا نفسيتي تعبت من هالمنتدى بعد لان الكل قام يكذب الطرف الثاني مو معناته انتي مرتاحه غيرك لازم يكون مرتاح وفعلا الواحد يحتاج يفضفض ليه كل من فضفض صار كذاب وبهارات ترى كل مسلم يعرف عاقبة الكذب وعاقبة الابتلاء لاتظنين ان باقي البنات كذابات وجاهلات بالاحكام اللي شرعها ربي
    اسأل الله ان يصلح الحال والاحوال للجميع

  4. @aaoatf_trky_2

    وعليكم السلام ورحمة الله وبركاته


    في مواضيع قليله يكون الكذب واضح فيها وغالباً تكون لعضوه وحده مسجله بكذا عضويه وتألف قصص بنفس التوجه الفكري والاسلوب المثير للجدل وهذي بسهوله باقي العضوات يكشفونها لانها مرات تنسى ان قصتها التأليفيه اللي كتبتها من قبل انحذفت وترجع تكررها بعضويه ثانيه


    في عضويات تتسجل نسأل الله الشفاء لهم مرضى نفسيين وعندهم عقد ومشاكل وغير اسوياء عقلياً او جهلاء وغصب عنهم يكتبون قصص خياليه تشبع مشاعر النقص والحاجه الى الاهتمام والتعاطف اللي يحسون فيه مثل اللي تتبلى على نفسها بالمرض او الموت وهذا الشي حصل فعلياً هنا عضوه تبلت على نفسها بالموت وكشفوها وعضوه ثانيه كانت تألف قصص مأساويه ثم اعترفت انها تكذب وضميرها أنبها وقالت لهم عمرها وللاسف هي طفله قاصر تحت الـ 14 سنه ما اذكر كم بالضبط


    وهذا لا يعني ان كل المواضيع كذب وتأليف في ناس فعلاً يكتبون عن مشاكلهم على سبيل الفضفضه يعني مايبحثون عن حل بس يبون تعاطف وطبطبه وتفريغ طاقه سلبيه وفي عضوات عكسهم ما اضطرو للكلام الا محتاجين المساعده والتوجيه


    وفي جميع الاحوال يفترض مانصدق كل شي يكتب ولا نثق ثقه عمياء

  5. @hla_170

    سبحان الله الموضوع اللي كذب يجيني احساس انه فعلا كذب من تسارع الأحداث وكثرة الكلام بدون تناسق وتكرار القصه ، وعندي احساس بعد ان ذيك اللي كانت تألف رجعت الله يكفينا شرها وكذبها ... 🚶🏻‍♀️

تابعي تجارب أخرى من هذا القسم.