لي ماكملت دراسة جاهلة ؟

تدرين وين المشكله مو في ان مامعك شهاده المشكله في شخصيتك مره ضعيفه قوي شخصيتك الي بيتكلم معك في هذا الموضوع ويتريق عليك ادخلي بعينه وسمعيه كلام مثل السم ماعمر الشهاده كانت مقياس لأخلاق شخص او عبادته او تعامله مع الناس الرسول كان أمي لايقرا ولايكتب صح ولا لا انتي مو مسويه جريمه او فضيحه عشان يعايرونك بها
قوي شخصيتك ولا تسمحي لأحد يهينك

واذا ماكملتي دراستك تعتبري جاهله مين قال الكلام هذا اصلا اللي تفتح موضوع زي هذا هيه الجاهله ومتخلفة ياما ناس معاهم شهادات جامعية وعقولهم صغيرة وتفكيرهم صغير وياما ناس مو ماكملت دراستها اميه ماتعرف لاتقرى ولا تكتب بس عقلها يوزن بلد مالو داعي التجريح اسمحيلي كمان امك عقلها صغير كيف تعززلها هيه السبب وربي حرام اللي قاعد يسير ياناس لو انا مكانك تدري ايش ارد عليها عشان تنكتم نهائيًا شفتي هذي الشهادة اللي معتزة فيها بليها واشربي مويتها خلي عندك شخصية قوية مو اي احد قالك كلام انهرتي ماعليكي ولا في احد طيب انا كملت الثانوية ولا دخلت الجامعة وكثير سؤلوني ليش ماكملتي قلت خليها بظروفها بس كلمة ورد غطاها اصلا لو فكر احد يطقطق أوقفه عند حده بعدين خليهم يتكلموا ي بختك تكسبي حسنات تاخذي حسناتهم وهم ياخذوا سيئاتك خليهم انتي عند الله ان شاءالله احسن منهم كلهم تافهين وربي.

يعني الوحمه ماصارت عائق الا لما صرتي بثاني ثانوي وباقي سنه وتخلصين !! مو عذر صراحه وأمك بعمر ١٧ سنه ماتقدر تمنعك اذا انتي مصره على إكمال تعليمك بهالزمن فعلاً اللي ماعندها شهاده جاهله ماعمري قابلت بنت وتعليمها بس ثانوي اعذريني كان البنات صاروا جامعيات وطموحات .. الوحمه مو عذر قولي ماعندك طموح وتبين تتزوجين وتصيرين ربة بيت وبس حتى ربات البيوت عندهم شهادات متى ماتطلقت او ضاق فيهم الحال طلعتها وتوظفت .. كملي تعليمك وخذي شهادتك وعزي نفسك بوظيفتك وراتبك وممتلكاتك الخاصه فيك لا تكونين بكره عاله على أهلك ..

يومها سويت اضراب عن الاكل وماخليت طريقة الا سويتها ومع كذا خلتني اترك
الوحمة ماكانت ظاهرة بس هي مسكتها
تقولي شكلك يفشل وانتي مو وجه دراسة حاربت كثير بس ماقدرت
زواج غصبتني عليه وابوي الله يرحمه يسمع لها وواقف بصفها
والان تكرر هذا الشي مع اختي الثانية بالموت كملت ثانوية والحين فاصلتها من الجامعة مع انه درجات اختي طب وصيدلة بس امي مانعتها من الجامعة