السلام عليكم

صباحكم نشاااااااااااااااااااااط

نبدا اولا بالردود

ام ياسر مبروووووووووووووووووط ياقلبي على النزول وان شاء الله تكون المرله الثانيه خير عليج وتتوصلين
الوزن المثالي حبيبتي الاسابيع ال3 الاول نحط الوزن اسبوع واسبوه الاسبوع الرابع نحط اخر نزول ونحط كم نزلنا
في المرحله الحين خلاص مش لازم تعيدين الجدول في المرحله الثانيه ان شاء الله الف الف مبروك النزوووول


روح الورد ممتاز انتي جيه دخلتي في المرحله الثانيه مبروووووووووك باذن الله يكون جدولج للمرحله الثانيه اجمل ان شاء الله

ميمو الف الف مبروك النزول وين الجدول يا جميله عشان اضيفج في السته للمرحله الثانيه مهمممممممم وضروري
يالله اتريا جدولج

مهووووووويه ماشاءالله روعه الجدووووووول يارب يتمم عليج وباذن الله تكون المرحله الثانيه رااااااائعه وتنقصين وتشدين وتحلوين وتكونين اجمل وحده شجعتيني على الابرو تراك بس باجلها حبتين وان شاء الله في المستقبل بعتمدها


وعليكم السلام يا ورد الايميان صباح الورررررد سلامات ما تشوفين شر تعرفين نقص شرب الماء يسبب صداع اعتمدي الماي بقووووه وان شاء الله بيروح جدولج رااااااااااااااااااااااائع واستفت منه كثيررررررررررررررررر يارب يتمم عليج
وتكون المرحله الثانيه افضل وافضل عطيتيني دافع اعتني ببشرتي اكثر كنت مركزه على الرجيموالرياضه والشعر خلونا نحطم الارقام القياسيه في المرحله الثانيه باذن الله

حلوووووومه صباح الوررررررررد بسم الله عليج لا تتكريين انا تعبانه عشان ما تاكدين الموضوع للعقل الباطن قلي عكسما تشعرين بشرط يكون ايجابي وبتتغير نفسيتج ان شاء الله يالله كتبي جدولج لل4 اسابيع لو مختصر وباذن الله ويانا في المرحله الثانيه

ممتاز يا روووح الورررررد

حتى اليوم عدد البنات في القروب 6 فقط بنات الي ما بتكتب الجدول ما بقدر اضيفها لازم اشد عليكن عشان
المرحله الثانيه تكون افضل عشان كل وحده تشوف اخطائها وتصلحهن في المرحله اليديده اترياكم



القروب الذهبي

بنات المرحله الثانيه

1_ اكومارين

2_ ام ياسر 2008

3_مليارديره بنزنس

4_ساروووووونه2014

5_ روووووح الورد

6_maha-k

بسم الله نبدأ

اليوم اول يوم فيالمرحله الثانيه

ويارب توفقنا ونوصل للوزن المثالي ونتغير باذن الله

جدول الاسبوع الاولى للمرحله الثانيه ( كل بنت تكتب جدولها يالله بنات لا تكسلن )

الرجيم :دشني دشتي دشتي بروتين بدون يوم مفتوح
والي بتعتمد دشتي لازم تحط في الحسبان اي شي خارج الرجيم لو قطعه صغيره يوقف مفعول الرجيموالحرق في الجسم 48 ساعه يعني تعب على الفاضي الي بتعتمد البروتين تمشي عليه بحذافيره او تروح لاي رجيم ثاني ممكن الرجيم يسبب امساك للبعض فيفضل اخذ بين فتره والثانيه ملينات طبيعيه ولازم نكثرمن شرب الماي والرياضه البروتين يحب الحركه ولازم تاخذين كل يوم حبة فيتامين ( ملتافيتامين ) بس لازم تقولين للصيدلي انج بسوين رجيم ويعطيج النوع الي ما يحتاج تاكلينه على اكل لان النوع هذاك يكون قوي ويباله معده مليانه ويسبب غثيان فضيع لوجود الحديد فيه بكميات عاليه

الرياضه :بعتمد المشي باذن الله على سرعه متوسطه ساعه كل يوم يعني اسرع شوي من المرحله الاولى +الزنود + القرص الدورا + زائد القفز بدون حبل ( مفعولها خطير الي تنط بالحبل احسن )

العنايه : باذن الله هالشهر ادخل البشره مع الشعر وبكون كتالي

البشره : الوجه والسيقان !! عندي مشكله في الويه بدت تطلعلي حبوب صغيره واخاف تكبر فخذت عند الطبيبه كريم احطه على الحبه ومرطب خاص للبشره الحساسه الصبح مع واقي

والسيقان حسبي الله على الحلاوه كانت يوم تكون شعره تحت البشره العب فيها لين اطلعها وصارت السيقان مب صافيه وخذت بعد عندها كريم خلطه احطها مرتين في اليوم وقالتلي اقل شي تبين النتيجه مع الاستمرار شهرين @@ الحين انا استخدم الشيفنق المكينه مب الموس ولين ازوج ان شاء الله ( وايد متفائله البنت ههههههه ) بشوفلي حل اخر ما ابا ارهق بشرتي علىالفاضي والفرق بسن الشيفنق المكينه والموس الموس يطلع حبوب تحت البشره اما المكينه لا لانه يخلي شوووووي منها فوق

الشعر : بستمر ان شاء الله على زيت جوز الهند +السدر جدولي كتالي

اليوم الاول :زيت جوز الهند
اليوم الثاني راحه
اليوم الثالث :سدر مع م عسل وماي
اليوم الرابع راحه
اليوم الخامس زيت

وهكذا

نظامي يوم احط الزيت على شعري البس القبعه البلاستيكيه فتره بعدين اعقها اغسل شعري بشامو وبعدين احط بلسم وبعدي عن الفروه
وبعدين احط سيروم وبعيد عن الفروه والمرحله كل ماشوف الشعر جاف وناشف بحط سيروم

نظامي يوم احط سدر احط سدر وعسل وامي على الجذوروالفروه اما الشعر الي باقيمن السدر احط كميه وافره من البلسم وخلطه زين يصير ملمه كريم واحطه على الشعر والف شعري بقبعه بلاستيكيه ما اعقها لاا يوم اخذ شور لان اذا نشف السدر ما يطلع بسهوله وما اغسله بشامبو فقط احط بلسم على الاطراف بعيد عن الفروه وبعده سيروم

وبدخل هالشهر تونك الشعر مع انه قاهرني لان يوم اتركه يسببلي تساقط فضيع وكل الشعر الي يشبمن التونك يطيح بس خلاص ما بتركه وبسال الدكتوره كيف اقدر اوقفه انا اقطعه مره وحده يمكن عشان جذيه يطيح الشعر

الدينيه : باذن الله بصوم من زمان ما صمت :( +بعتمد الاستغفار قد ما اقدر

مهما اخرى :باجر اخر يوم لتسليم الواجب لماده معينه بقعد اليوم على الباقي ان شاء الله وخلال الاسبوع هذا بحل كل الواجبات الي بقتلي ان شاء الله +عندي اغراض ابا ايبها وارتبها بكتب عنها يوم بيوم ان شاء الله .

هذا جدول الاسبوع الاول وباذن الله اطبقه بحماس يارب يارب


بنات نحن في كسل واهمال سنييييييييييييييييييييييييييين لازم ننفض هالغبار لازمنستييييييييقض يالله يا بنات حماس ونشااااااااااااط

السلام عليكم ورحمة الله وبركاته


صباحكم رضا وذكر


بدأنا الإسبوع الأول وربي ييسر لكل بنت الي تبيه


بحط خطتي في الاسبوع الأول ويارب اقدر امشي عليها عالاقل 80 بالمية


الرجيم :
مافي رجيم محدد لكني باعتمد التخفيف بشكل اكثر
لان الريجيمات ما نفعت معايه

الرياضه :
المشي كل يوم من نص ساعه لساعه على سرعات مختلفه
ورياضة العصا

العنايه :
بستمر على عنايتي الي بدأت فيها من المرحلة الاولى
سواء للبشرة او الشعر

الدينيه :
ان شاء الله اكون اكثر تقرب من ربي


مهما اخرى :
عندي كم شغله بالبيت بكملها واجهز كل شي
على نهاية الاسبوع اكون قدمت شي لنفسي ولغيري
بإذن الله






هذي خطتي للاسبوع الاول من المرحلة الثانية
والله كريم

طبعاً اليوم من بدايته خرابه ههههههههههههه
صليت الفجر
شوي الا الحرمه وصلت (تقصد الدورة الشهرية)
سويت ترمس قهوة قشر مع قررررررررررررفه
وجالسه اشرب
ومن قبلها شربت مااااااااااااااااااااااااااااااااي
والحمدلله


بيكون فطوري خفيف
وغداي خفيف بإذن الله
وعشاي اخف واخف


والله ييسر

يومياتي اليوم السبت تاريخ 1_3 _2014

بسم الله ماشاءالله

شرب ماء على الريق خليت المنبه كل ساعه يذكرني بالماي

وضع زيت على الشعر

الافطار 3 بيضات + نتفت جبنه +كوب نعناع ( احط النعناع في الكوب واضيف عليه ماي حار واشربه بعد 10 دقايق )
بنات الي بتتبعن دشتي لازم الجبنه كاملت الدسم لان قليل الدسم والخالي فيه سكر

رجيم البروتن غصب غصب غصب يطلع ريحه في الفم عشان جذيه لازم نهتم بنظافة اسنانا زييييييييييييين بعد الاكل خيط وبروش ومضمضه
ونشرب معطرات مثل النعناع والزنجبيل ووووو وناكل علوج اذا قعدنا عند حد لازم ضروري يا بنات
وانا متفائله خير ان شاء الله بدشتي

الحين بحل ان شاء الله الواجب الي باقيلي ادعولي يا بنات ربي يسهله عليها التسليم باجر ان شاء الله