كمان انا بعمل الفول المدمس بجيب نصف كيلو فول حصى وكمان اغسلة وانقية وانقعة من الصبح لحد بالليل وبعدين اشطفة واضعة فى قدرة الفول وعلية ليمون كاملة وشوية صغرين عدس وزيهم ارز وبعدين فص ثوم واحد واحدة طماطم وبعدين اضعة على نار هادئة لحد مايستوى وطلعية وحطى علية ليمون وزيت وكلى ياسلام تحفة

الله عليكى ام يوسف وعبده

اكلات مصر الجامده وحشتنى

نفس طريقتى فة الطعميه والفول بس الفول ما بحطش رز

وعاوزه اقولك ان قدره الفول بخدها معايه وانا مسافره فى مكان جديد" يعنى لو هنقل اقامتى لبلد جديد " اول حاجه بحطها بالشنطه

والفول برضو بقسمه على اكيس وبالفريزر ...لو كميه

انا حروح اعمل اللبنه واقول لكوا علي النتيجه بعدين


سلام

السلام عليكم ورحمة الله. أنا جايبلكم دلوقتي طريقى صنع السجق الشرقي




المقادير الي محتاجها بسيطة جدا.
أولاً لحم مفروم





ثانياً بهارات على ذوقك : بهارات عربية, بهارات لحم, ملح ,فلفل, كمون كسبرة, خولجان, الخ ...
ثالثاً وده هو أهم وأصعب المكونات: أمعاء خروف,أو زي ما بنقول عليه في مصر ممبار:o
وده بيجي من عند الجزار وبيكون مش نضيف شوية فإحنا بنضفة عن طريق كحتة بظهر السكين
ونقعه في الماء والخل والليمون وغسله بالماء والملح والدقيق وكل أنواع المنظفات الطبيعية لحد لما ريحتة تبقى مقبولة وشكله يبقى قريب من كدة




وبعدين نحشيها باللحم المفروم بعد ما نكون حطينا عليها البهارات وممكن لو عاوزة تضيفلها بصل أو أي منكهات اخرى براحتك بس احنا بنعملها باللحم والبهارات بس. وبعدين تقصيها بمقص اللحوم للحجم الي انتى عوزاة وتاخدي بالك انه بينكمش في السواء وبعدين تلفيه كويس من عند كل طرف وبعدين تحمريه على نار هادييييييييييية لحد لما يستوى كويس , ولما تشمي ريحتة ابقى ادعيلي
الصور على فكرة كلها منقولة من مواقع أخرى وأرجو أن ده يبقى مش ضد شروط المسابقة

السلام عليكم ورحمة الله
دلوقتي هانبدأ مع بعض خطوة خطوة
من اللبن الى السمن مرورا بالزبد والخضّ
وأخيراً وليس اخراً المرتة أو العجوزة
بسم الله
عندنا أولاً اللبن(الحليب يعني)




طبعاً احنا بنتكلم عن الحليب الطازج أو كامل الدسم ,وده لما بنغليه بيظهر عليه طبقة رقيقة هي القشدة
حتى نحصل عليها كاملة تغلي اللبن من الليل وتتركيه في الثلاجة حتى الصباح ويكون شكلها هكذا




تحطيها في علبة محكمة الغلق وتحتفظي بيها في الثلاجة وكل لما تجيبي حليب تعملي معاه نفس الموضوع لحد لما تجمع معاكي كمية كويسة
بعد كدة تاخدي كل القشطة الي جمعتيها وتعملي فيها الاتي
1-تحطيها في وعاء عميق وتحطي عليها ذرة ملح وتبدأي في خضّها , يعني تفضلي تقلبيها بيدك بشكل دائري لفترة طويلة نسبياً(طبعا ممكن تعملي ده بمعلقى خشب بس أنا بحب اعملها بايدي علشان بتنعمها جدا)




2-بعد فترة من الخض هاتبدأ القشدة تتكتل وبعدين التكتلات هتفك وتبدأ تتشكل معاك على هيئة كرة
خليكي معاها وكملي خض لحد لما تبدأ تنزل سائل شبه رائق وده الي اسمه الخض.

3-كملي تقليب لحد لما تحسي أن كرة القشطة نزلت كل السوائل الي فيها وبقت جامدة نسبيا تحت ايدك.
4-حطي عليها شوية ملح وبكدة تبقى حصلتي على الزبدة




عاوزة تحتفظي بيها كدة براحتك
أما لوعاوزة توصلي للسمن البلدي فـــ.....
5-تحطيها في حلة تيفال وتحطيها على نار هاديييييييييييية جدا جدا
وبملعقة خشب تقلبيها لحد لما الكورة دي تفك وتبدأ تتحول لسمن سائل.

6-تسيبيها لحد لما كل الكتل الي فيها تسيح ويتحول لونها للذهبي القاتم وبعدين تصفيها بمصفاة رقيقة
وتحتفظي بيها في برطمان






بالنسبة للسائل الي نزل منها سابقاً الي هو الخض
ده بيتعمل منه أحلى فطائر. بس تحطي عليه كمية مناسبة من الدقيق وتعجنيه وتفرديه وتخبزيه في الفرن مش محتاجة حتى لخميرة.

أما بالنسبة للكتل الذهبية الي فضلت في قاع الحلة بعد تصفية السمن فدي اسمها مرتة أو عجوزة
ودي بتتاكل كدة أو بتحطي عليها شوية دقيق وشوية لبن وتقلبيها على نار هادية لحد لما تتماسك
وتتجانس وطبعا تحطي الملح على حسب الرغبة.
لو أي واحدة استفادت من الطرق دي ماتبخلش بالدعاء لأبي وأمي أن ربنا يدخلهم جنته بغير حساب ولا سابقة عذاب ويغفرلهم ولنا ولسائر المسلمين أحياءاً وأمواتاً