:: موضوع مختار :: بنات عالم حواء روح القصيد تباكم في قصيده !!
بسم الله الرحمن الرحيم
طبعن ماتحطون في بالكم هاي اهدافي
اهدافي الحمدلله طيبه بس القصيده للحماس
:27:
اقول في قصيدتي
بعض النعم .... على ناسها مصيبه
ولي قلتها صادقه وعندي لكم ثبوت
مير العرب أحوالها .... ياهي غريبه
ياما تلاقي ناس ٍ من المجاعه تموت
وناس ٍ عندها توقف بلع الأكل عيبه
تجيك وتاكل .... بليا عزايـم وكروت
تاكل اصناف الأكل مابه شي تسيبه
وبالأخير تطلب بيبسي دايت وفروت
وناس ٍ لو تبلع ريقها مرتكبه مصيبه!!
مسكين حالها بليا أكل وكنها حوت
وناس لو تاكل اليابس والخضر غريبه
ماتزيد لو في بطنها مصانع بسكوت
بيني وبين الرشاقه خطوات ٍ قريبه
وهدفي اصبح كل بوه هذي البيوت
متى الوزن لي براسي ياعالم اجيبه
ومتى ألبس التنوره القصيره والبوت
ومتى اكشخ بلا ذيك زوايد المريبه ؟
ومتى اتمخطر وكني بالغزال منعوت
يابنات المسابقه الرجيم وش ابي به
رجيمات نجربها طالعه منه ومنه نفوت
به أيام على تمر ولبن اعتكف غصيبه
وبه ايام غير الماي ماذوقه لو به اموت
وايام من خل التفاح انوخز عند الطبيبه
بثلاث أبر واقول بالخاطر فداه ب سكوت
والله ياعالم حواء ياني اجيبه او اجيبه
ماعندي خيار ثالث سوى (( الموت ))
أما اني اشوف من حولي وانقهر عيبه
واتمنى واتخيل واتحلم والقلب مكبوت
يمين الله قبل الصيف وانا بنت ذيب ذيـبه
أن ماجبت الوزن ماعاد بهلـ القسم افوت
قلتها وانا روح القصيد وقولي ثقه ادريبه
اجيبها ... بعون الله الحي الذي مايموت
الكاتبة : روح القصيد
يوم الجمعه - 25-4-2008