نعومي كامبل !!!
@naaomy_kambl_1
حضرنا للمشاهد والمشارك رافعين الراس سلام الله على الحفله وراعيها ومن فيها على وضح النقا تبنا البيوت ويحضرون الناس بيوتٍ بالشرف والعز مرفوعه مبانيها يدور الهيل وسط إركونها ووفودها جلاس وراع الكيف لأهل الكيف يأخدها ويعطيها توقد نارها وسط الرياض يعانق الأكباس ومنظم حفلها بالشعر والشعار محييها محلٍ شيدوه أهل الوفاء والطيب والنوماس هل العادات من عاداتها طالت يمانيها تسير أقلامنا في مدحهم بالحبر والقرطاس ويكفينا من التاريخ حاضرها وماضيها وعبدالله ولد مفلح مرشحنا عريب الساس طويل إذراع له كلمه وله وقفات حاميها ولا ياعتيبه الهيلا بعد مادقت الأجراس حميا والحميا بالمواقف مانخليها مواقيف الرجال أهل الوفاء بالموقف الحساس ولا يقدر على صعب المواقف غير راعيها وأختمها بذكر الله وما قلته من الهوجاس مشاركتي بعشر أبيات لأهل الحفل مهديها