ساندويش الجبن البسيط و اللذيذ
===================

المقادير :

- توست
- جبن قلاصات
- طماطم مفروم ناعم
- بقدونس مفروم ناعم

الطريقة :

* نخلط الجبن مع الطماطم مع البقدونس

* ندهن التوست بالخلطه هاذي

* نضع التوست في الشواية إلي تعمل الساندويش مثلثين لغاية ما يشقر الساندويش و لما يطلع راح يكون الطعم جنااااان .....و بالعافية

ألحين راح أعطيكم فكرة حلوة لتقديم الساندويش لما يكون عندك عزومة أو عشاء عائلي ودك تسوين فناتك

الفكرة الله يسلمم (( كيكة التوست )) و هي كالتالي :

* تشترين من المخبز حبة توست كاملة مو مقطعه شرائح .

* بالسكينة الحادة تقطعين التوست إلى ثلاث شرائح بالعرض مو بالطول مثل ما هي تأتينا جاهزة أتمنى تكون الفكرة واضحة يعني مثل ما تقطعين الكيكة بالنص علشان تدهنينها بالكريمة .

* و تاخذين كل شريحة و تحطين عليها الحشوة إلي تفضلين ويا كثر الحشوات سواء من هذا الملف أو من وصفاتك الخاصة او من ابداعات الاخوات ما شاء الله عليهم .

* و بعد ما تنتهين من وضع الحشوة تحطين الطبقة إلي وراها و هكذا لغاية ما تخلصين من الطبقات و على فكرة عدد الطبقات اختياري حسب شطارتك ... بس أنا افضل ثلاث طبقات أسهل في التقطيع .

* في طريقتين للتقديم :

1. إذا كانت الحشوة باردة يفضل انك تلفينها بالنايلون او القصدير و تحطينها في الثلاجة لغاية وقت التقديم علشان يصير تقطيعها اسهل على المائدة عند التقديم .

2. إذا كانت الحشوة ساخنة يفضل انك تدهنين الوجة مثلا بالجبنة و الزبدة و تدخلينها الفرن علشان تذوب الجبنة و تعطيها مظهر جميل و تصير كأنها كيكة فعلا .

* ألحين وقت التقديم راح تحطين كيكة التوست كاملة في طبق التقديم وتقطع الشرائح بالطول هالمرة و راح تبين الحشوة الموجودة بالنصف بين الطبقات .

* اتمنى اني اكون وصلت المعلومة ... لأني ساعات ما اعرف اشرح ... بس الطريقة فعلا مميزة و حلوة اذا كان عندك ضيوف على العشاء من صديقاتك او اهلك و حابه تسوين لهم حركة جديدة .

أتمنى تعجبكم الوصفات الجديدة و إذا في اي استفسار انا حاضرة ....

ما شاء الله تبارك الله روووووعه غاليتى حبيبة امها

الله يخلى لك هى ياااااااااارب

وااصلى يا قمرررررر وفضلا وليس امرا :26: :26: :26:

الله يخليك و يبارك فيك

يا الغالية أم علاء .... يلي كلامك فيه الشفاء ..... ويبعد عنك الجفاء