ياحياتي ياسوسو والله ذكرتيني بحالي لما وصلت ل94 :(
كرهت نفسي وكرهت كل شي بالدنيا حتى دوامي تركته ولا عاد ابي اروح لاحد ولا ابي اشوف احد:icon36:
غير الثقل والخمووول بس اتسدح حتى الجلسه ماعاد اتحملها :confused:
بس كنت دااااااااااااايم ادعي ربي لدرجه ابكي وانا ساجده وادعي من كل قلبي ان ربي يرزقني الاراده عشان انحف
وكل ماشفت قريباتي كلهم مثل عمري بس يبانون تو بال17 وال18 وانا كاني مره وعندي 5 اطفال :29:
وبشهر 12 قررت ابدا وشديت ع نفسي ونفضت الغبار عن الت السير
وتوكلت ع ربي
والحمدلله كنت 94 والان 79 بديت
بتاريخ 14 / 12 / 1433 هـ
واستمريت لحد بداية شهر 2 بعدها فترات انقطاع وارجع ورجعت بشهر 5 من جديد ونزلت تقريبا 4 ونص كيلو
مشكلتي بيوم الاوف اخربها خخخخخخخ وازيد كيلو او كييلو ونص
وحاطه لنفسي بعد شهرين لحد ما اوصل لوزني اللي اتمناااهـ من 60 الى 64 وياااااااااارب يسااااعدني
والله احس بفترات ملل وتعب بس لااااااااااازم اكمل ابي اكوووون بالعيد غيييييييييرررررررر اكون انسانه ثااانيه
قبل اسبوعين تقريبا كان في مناسبه وكل قرايبنا شافوني وانا دوووباااا
واتفاجاو فيني مررررررررهـ والكل عيونهم طاايره واللى تقول ماشاء الله ماعرفت ومبينه اصغررررر من كل اللي بعمري :04::35:
كتبت لك معاناتي واصراري وان شاء الله اكون شجعتك ولو ششوي
وترا الكلام السلبي والاحباااااط هو اللي يخلينا نرجع ورااا
شجعي نفسك وقولي لنفسك داايم انك تقدرين وتذكري الحساااد اذا شافوك نحفتي بيموتون قهرررر
اثبتي للكل انك قوووووويه وتقدرين تحققين حلمك وعليك بالرياااضه وربي يوووووووفق
والله انا نفسي تتقطع واسمن ..سبحان الله اذواق الناس تختلف ناس تبي تسمن وناس تبي تنحف ..شوفي يااختي انا قعدت فتره تعبانه من اللوز المهم كنت اشرب مويه دافيه ع الريق مع عصير ليمون واقعد ساعتين بعدين اكل والله والله نحفت اكثر من قبل بكثير بس مااثر على بشرتي يارب اكون افدتك وافدت غيرك ولا تقهري نفسك ياقلبي والله والله اني بدعيلك انتي وكل وحده تتمنى النحف بسفري لجده يارب تنحفون من غير شر وتنبسطون بحياتكم وياااااااااااارب تنحفين من غير شر وتتزوجين وتجين تبشرينا ...تكفين ادعيلي ربي يفرج همي ويرزقني الزوج الصالح ويوفقني باختباراتي
بنات كلامكم حلو ويشجع بس انا بديت افكر انه سمنتي بلاء ومرض وبيلازمني حتى الموت لاني ضعيفه وغبيه وماعندي قوة بشخصيتي وقراراتي........
الصفحة الأخيرة
حاولت اكتب لك رساله ماضبط معي قلت خليني اكلمك هنا والكل يشوف عشان لاحد يسوي مثل ما انا سويت ويندم
انا نفسيتي مثلك تمام وازود يمكن انا مو مشكلتي اهلي بالبيت انا مشكلتي جاراتي اللي انا معهم 24 ساعه وقرايبنا
مشاء الله تبارك الرحمن الكل فيهم ياكل اكل الجن لاقوة الا بالله ولا يزيدون وربي يطلعون عالميزان ناقصيين ينحفون
وانا اقعد معاهم على طول واكل معهم واقل ووزني يزيد وربي جاني احباط وكرهت نفسي المشكله كل ماقلت بسوي دايت او تخفيف ناكل سوا احنا ويعزمونك عالقهو والعصريه وخرابيط
وانا في انتفاخ زايد
اللي يقهر وابكي عليه من جد اني قبل سنتين سويت تخفيف قوي وكنت اكل اللي نفسي فيه بس 5 لقيمات عالفطور والغدا والعشا من اي شي مطبوخ او موجود بالبيت لو مفطح
وكنت اشرب مويه 3 ليتر باليوم وامشي ساعتين ورياضه مختلفه نص ساعه وانام بدي ومن الفجر اصحى
تخيلي نزلت والله العظيم 30 كيلو انا محبطه الحين وانا اكتب
تخيلي نزلت 30 كيلو الكل صار يقول اني سويت عمليات وخرابيط وتعالي شوفي الحسد ونظرة القهر مع انه لسى ماوصلت للوزن المثالي كان باقي لي تقريبا 15 كيلوو
تخيلي وش سويت؟؟؟؟؟؟؟؟؟؟؟؟
رجعت من الوزن اللي نزلته 20 كيلو!!!!!!!!!!!!!!!!!!!!
يعني بس باقي 10 كيلو كمان وارجع زي اول قد البقره والحين قد البقره بس مو زي اول
وكل الناس يالله رجعتي سمنتي وتعالي ياتعليق
وانا نفسيتي بالحضيض واصعب منك لاني تعبت ونزلتهم بس ماحافظت رجعتهم بغباء مني كنت ازيد كل فتره نص كيلو اقول بسيطه بنزلهم بكره بس بكره ارجعهم
تدرين ليه رجعتهم لانه ماحافظت عالمشي والرياضه لو كنت حافظت عليهم كان اقلها انا واقفه على وزني المهم
حاليا انا في صراع نفسي مع نفسي
وكل يوم اقول من اليوم ويدقون جاراتي واروح معهم وارجع وانقهر لاني ماعندي احد يشغلني عنهم
حاليا افكر ارتبط مع كم بنت من المنتدى ونبدء بقروب بسيط وخصيصا وقت الاكل نكون مع بعض نقول لبعض وش نسوي ووش بناكل وبعدها اذا رحت لجاراتي او قرايبي ماجلس معهم
انا من الناس اللي احب الاكل مع الجماعه بس لازم اغير هالعاده
وش رايك نبدء سوا لو تقولين من بكره
يلا يدي بيدك وصدقيني راح نعطي بعض عزيمه ان شاء الله
ماشاء الله انا حطيت العزيمه بقلب امي حرمه كبيره ونزلت لاقوة الا بالله الحين 8 كيلو بشهر وهي تاكل اللي تباه بس ماتتعشى ولا تمشي بس مخففه حيل
وانا اطالع فيها واقول ماشاء الله صار عندها عزم احسن مني الله يتمم لها يارب وتنزل ززياده
حاليا افكر ارجع لنظامي القديم والنوم بدري والمشي بوقت محدد وش رايك نبتدي سوا ونخلص نفسنا من اللي احنا فيها وخصوصا رمضان على الابواب
خلينا اقل شي ننزل 20 كيلو قبل رمضان والله انه نقدر بعون الله
عطيني خبر انتي واي وحده تقرا كلامي ويناسبها لانه انا احتااااااااااااج احد معي يقوي عزيمتي ويكون في روح مشاركه
وربي اذن الله بيسهل لنا
واذا حابه نمشي على نظام الدكتوره اللي ينقص نص كيلو باليوم قريته وعجبني بالمنتدى او نفس نظامي الاول قرري وعطيني خبر ونبدء بسم الله
واي وحده تنزل كيلو لازم يابنات تحافظ عليها عشان لاتتحسر مثلي والله انه اكبر من قهر انك سمينه انك تنحفين وترجعينهم