عزيزتى أم ريان
بالنسبة لسؤالك عن الصيادية ( و إن كانت مش من أكلاتى المفضلة)
بس هاقولك على طريقة أمى لآنها بتعملها روعة
المقادير
كيلو سمك بورى أو بياض أو هامور أو بلطى كبير منظف و مقطع قطع كبيرة و عريضة
3 بصلة كبيرة مفرومة
زيت نباتى
ملح فلفل
3 كوب رز
الطريقة
1 - نحمر البصل فى الزيت إلى أن يصبح بنى اللون نضيف حوالى 2 لتر ماء والملح و قليل من الفلفل و نترك الماء يغلى على نار هادئة مع البصل إلى أن يعطى كل لونه البنى فى الماء (يعنى حوالى ثلث ساعة)
2 - نأخذ من هذا الماء 3 أكواب و نضعها فى أناء آخر و نضيف عليها 3 أكواب رز و نطهوه بالطريقة العادية و بعد أن ينضج نسخن بعض الزيت (جداً) و نضعه على الرز و نقلب جيداً
كما أننا ممكن قبل نضج الرز بقليل نقطع بعض الفلفل الأخضر و البقدونس ونقلبهم مع الرز
3 - فى باقى الماء نضع السمك و نتركه حتى ينضج
4 - نخرج السمك من الشوربة و نصفيها من البصل
5 - نغرف الرز و من فوقه قطع السمك و نقدمه مع الشوربة المعصور عليها الليمون
أما بالنسبة للأخت marigold شكراً لذوقك و كلامل اللطيف و الله يديم الحب و المودة
أولاً فعلاً فيه أسماك غالية جداً بس كتير من أصناف المأكولات البحرية ممكن تتعمل بأنواع مختلفة من السمك
يعنى ممكن نستبدل بعض الأنواع الغالية مثل البياض و الهامور بالبلطى و السردين بس يكون كبير الحجم و إن كنت لا أحبذ السردين كبديل لأنه دقيق الأشواك و لا يصلح فيليه
أما بالنسبة للتونة و الأنشوجة و السلامون فما أكثر استخداماتهم فى الكثير من الأصناف و السلطات و العجائن و ستجدين فى كتاب الشيف رمزى العديد و العديد من هذه الوصفات
و إن لم يكن الكتاب متوفر لديك فسأكتب لك بعض الأكلات اللذيذة التى جربتها بنفسى من هذا الكتاب أو من البرامج التليفزيونية أو من تجاربى الخاصة فى هذا المجال
أما صوص السمك فمن الممكن اضافته للرز بالكارى و الجمبرى أو الكاليمارى المقلى أو الجمبرى المشوى
و أخيراً الأخت ساكنة القلوب
فألف شكرعلى سؤالك و اهتمامك و الله خليتينى أحس أن الواحد بقى له لزوم فى الدنيا و فيه ناس بتسأل عنه لما بيغيب
شوفى يا ستى
صوانى السمك لها ملاييييييييييييييييييييين الطرق
يعنى فيه ناس تضيف حلقات الطماطم و فيه ناس تضيف عصير الطماطم و الكسبرة الخضراء (كسبرية السمك)
و فيه ناس تقلى السمك ثم تعملة صينية
ة فيه ناس تضيف البطاطس و الصلصة و البقدونس
أما عن البهارات فحدثى ولا حرج
كارى- كسبرة- كمون- جنزبيل- كركم ...................
و انتى عليكى الاختيار
:34: :34: :34: :34: :34:
و الله أنا فى غاية السعادة
أنا كنت مسافرة 3 أيام و لسة واصلة من يدوب ساعة و نصف
قلت أدخل أشوف منتدانا الحبيب أيه أخباره
لقيت ماشاء الله فيه ناس عسل و سكر حست أن مشروووم مش باينة بقالها كام يوم
ربنا يخليكوا ليا يارب ولا أتحرم من سؤالكم عليا
و حبيباتى أم ريان marigold ساكنة القلوب
هعطيكم الردود بالتفصيل بعد الفاصل هاهاهاها
(أصلى هاحط حاجة فى الفرن و جايه)
سلام مؤقتاً