إلى كل وحده تقول فلانة شنو سووت و شلون ضعفت ؟؟
السلام عليكم ورحمة الله وبركاتة ...
إلى كل وحده تقول فلانة اشلون ضعفت جذي اكيد عملية اكيد ماخذه حبوب اكيد مسويه شي وما تبي تعلم ما تبي تقول ...
الممثلة الفلانية شفتو اشلون ضعفت مصيبه صابتها وتقول بعد مسويه رجيم اقص ايدي رجيم اكيد عملية اكيد مسويه شفط دهون ... الخ
صح هذا كلامكم كل ما شفتو وحده ضعفت قلتو هالكلااااااام وما تصدقون انه الرجيم والرياضة تسوي المستحيل
لا حبوب لا عمليات
تقدرين تحصلين على الرشاقة بكل سهولة عن طريق الرجيم + الرياضة
اكيد كلكم شفتو برنامج The biggest loser diet
واشلون اوزانهم اللي محد يتخيل بيوم من الأيام انهم يوصلون للرشاقة يعني اذا شفنا وحده بسوق او بأي مكان نفس اشكالهم نقول اكيد هذي بتظل جذي طول عمرهاااااااااا اشلون بتضعف او لازم تسوي عملية ما تضعف بالرجيم ...
او انتي يا المتينة تقولين انا ما يصلحلي(( الرجيم الصحي)
راح تقولين متى راح اضعف يعني اظل طول عمري اسوي رجيم وتسوين الرجيم القاسي وتنزلين 10 او 15 كيلو بشهر او شهرين بس ما راح تستمرين وراح تردين لأكلج السابق وتردين ال 15 كيلو 20 او 25 كيلو ....
من خلال هالمقدمة الطويلة حبيت اقولكم انه الرشاقة لاهي بالعمليات ولا اهيا بالحبوب لا تحطين اعذار حق نفسج ...
انا احب الكاكاو ما اقدر اسوي رجيم ...
انا احب العيش( الأرز)) ما اقدر استغني عنه اشلون اسوي رجيم...
انا احب البيتزا اشلون اسوي رجيم ...
انا احب المعكرونة اشلون اسوي رجيم ...
انا احب الكيك اشلون اسوي رجيم ....
مو كلنا نقول جذي تقدرين تاكلين كل اللي تحبينه وبنفس الوقت راح ينزل وزنج :)
الللي نبيه منكم شيين اول شي تخفيف الاكل وتخفيف حطو تحتها 10 خطوط مو خطين تخفيف وليس حرمان من الأكل وحركة قليلة ...
اكلو الي تبون واللي تحبووووووووونه بس اشويه ...
راح اقولكم على النظام اللي مشيت عليه ومن خلال خبرتي بالرجيم ومتابعتي وقرائتي للكتب سويتلي نظام ومشيت عليه ونزلت عليه حمدالله ...
اسميه نظام التخفيف أو نظام التقليل من الأكل
مع هالنظام
لا امساك ولا سقوط شعر ولا شحوب بشرة ولا احساس بالتعب ولا احساس بأنج تسوين رجيم ...
بعد اشتبون اكثر من جذي :42:
اكلي كل اللي تبين بس بكميات قليلة..
الريوق : 2 شريحة توست سواء أبيض أو اسمر عادي ما ادقق ومن ناحيتي كنت اكل الأبيض واذا مليت من التوست كنت اكل خبزة لبنانية خفيفة عادي خبز ابيض او خبز اسمر + جبن اي نوووووع جبن متوفر عندج ومو شرط قليل الدسم بس طبعاً يفضل او اكل بيض مقلي عادي او مفيوح كيفج اللي يعجبج البيض من بيضتين إلى ثلاث اسويهم بيض قرص او بيض عيون مع زيت اشويه ... او اكل فول نص علبة مع ليمون وزيت او لبنة قفشة كبيرة + كوب حليب مع سكر عادي انا احط قفشة وسط ...
الضحى : اكل فاكهة او عصير واكثر شي كنت اكل قطعة كاكاو او قطعتين من اي نوع مع قهوة تركية وسكر عادي طبعا ً ..
الغداء : سلطة + 6 قفاش عيش من غداكم العادي ( مجبوس لحم أو مجبوس دياي أو مموش لحم أو مموش ربيان أومعدس واذا غدنا معدس اسوي معاه كباب امريكانا ثنتين أوعيش طماط نسميه عيش احمر نفس الشي اسوي معاه كباب امريكانا ثنتين أو مقلوبة بطاط وفطر اكل معاه كفتة او كباب أو قبوط أومرقوق أو معكرونيةأو مرق خضرا او شبزي أو باميا ...الخ + نص كوب لبن أو عصير .
يعني من غداكم العادي بس اكل 6 قفاش مع الايدام ..
المغرب: حبة فاكهة او عصير عادي حتى اذا اشتهيت عصير مانجا اشرب عادي ...خاصة اذا كنا معزومين يقدمون عصير اخذ مانجا لاني احبه ..
العشا: نفس الريوق ...
ينزلج خلال شهر 5 كيلو وممكن اكثر وممكن اقل بس حتى لو كيلو واحد ميخالف نعمة ...
ملاحظة: اذا قللتي من الدهون ممكن تنزلين اكثر بعد :)
والشي الحلو بهالنظام انج ما ترجعين اللي ضعفتيه بسرعة :eh_s(9): وهذا المطلوووووووب والشي الثاني ما يترهل جسمج وايد نفس الرجيمات السريعة :(
ونسيت اقولكم لج يوم فري تاكلين كل اللي تبين من الصبح لي الليل ريوق غدا عشا بس بفضل بعد شهر أو شهر ونص من بداية النظام:22:
و اي سؤال بخصوص النظام او اي شي تبونه بخصوص الرجيم اختكم دموع بالخدمة
وانت الصدقه في كل كلمه كتبتها
الله يرزقك الخير والزوج الصلح وذوريه الصالحه امين