السلام عليكم ورحمة الله وبركاته. .
كيف حالكم جميعا ..
خواتي ببدأ لكم قصتي مع بنتي على طول ..
ولدت بنتي وشخصو الاطباء حالاتها ان عندها ضمور في الجانب الايسر من القلب بالاضافه لوجود مشاكل في الجانب الايمن و اختفاء الوريد باﻹضافه عندها تجمع بسيط بالرأس ماأثر على حجم رأسها وتحتاج الى اشعة رنين عشان التشخيص ..
والقلب قالو لنا الدكاتره ان وضعها جدا سيء وانها بتحتاج لأكثر من عمليه وهالعمليات تلطيفيه لعمل القلب وليست علاجيه .. العمليات 3 ولها اسماء نورد وقلين و فونتان .. الدكتور الاستشاري في التخصصي نصحني بعدم اجرائها وانها تعذيب من غير فايده وانها ممكن تعيش باقي العمر على الغذاء بالانبوب وان نموها العقلي بيكون بيطئ مو مثل الطبيعين واحد الاطباء اشار الى اننا نسوي العمليه الاولى ونكتفي .. ولما رجعنا وفتحو من جديد ملفها رفضو الاطباء عمل اي شيء لها .. ماادري وش العمل ؟ ابي احد يفيدني اذا عنده نفس حالة بنتي قلبي يتقطع عليها كل ماشفتها او اذا احد نفس حالتي قالو لها الاطباء العمليات غير مجديه .. الله يوفقك كل من ترد على الموضوع ..
باﻹضافه ابي استسفر الحين عمرها 6 شهور ووزنها 4 كيلو ونص فقط هل فيه اشياء تساعدها على النمو؟ تلعب وتحرك يدينها ورجلينها وتبتسم لكن ماتسند نفسها نهائي يارب برد عليها تعبها وعلى كل طفل يمر بنفس حالتها وارحم ضعفهم واكتب لهم الصالح ياكريم ..
miab198 @miab198
عضوة جديدة
يلزم عليك تسجيل الدخول أولًا لكتابة تعليق.
مهاوي991
•
الله يشفيها لك ويفرحك بشفائها اسالي يمكن اذا كبرت يتغير الوضع مثل الصمامات بعض الموليد يكون عندهم صمام الحمدالله مع الوقت يختفي يكون طبيعي
miab198
•
مهاوي991 :
الله يشفيها لك ويفرحك بشفائها اسالي يمكن اذا كبرت يتغير الوضع مثل الصمامات بعض الموليد يكون عندهم صمام الحمدالله مع الوقت يختفي يكون طبيعيالله يشفيها لك ويفرحك بشفائها اسالي يمكن اذا كبرت يتغير الوضع مثل الصمامات بعض الموليد يكون...
آمين ياكريم الله يجزاك خير .. سألت قالو لا مايتعدل الوضع عندها الا بإجراء عمليات والحمدلله على كل حال وربي يفرحني بشفاءها
الصفحة الأخيرة
ماعندي علم بس حبيت ارفع الموضوع وادعي لها
الله يشفيها يارب ويعافيها وتشوفيها بخير