والله انا اللي تهزئت مو انتــــــــي
انتي بكلامك هذا حركتيني من داخـــل و حمستيني اكثر اني انحــف
لاني على وجه زواج وزني مقارب لوزنــــك ,, وحطيت نفسي بمكانك مره اكتئت وقلت معقووله يصير فيني كذا بعديــن
آآآآآآآآآآآآآآآآآآآآآه بس من الشحووم والســمنه . .

باذن الله اني لانحـــف مابي حياتي بعدين تكووون فيها حواجز وشكل جسمي يكوون عائق لــي و ينكد علي احلى لحظات العمـــر . .

الله يجزاك الف خـير صحيتني من سبآتي العميـــــــــــــــق . .

انتي ليش تحطي الكبريت جنب النار وتقولي حريقه؟؟؟؟؟؟؟؟



شوفي يا بنت الناس شيلي كل انواع المشهيات لمدة شهر ارميهم بالزباله


انا اول ما بديت دايت رميت كيتكات وه عليا وه

ورميت مارس ورميت نوتيلا وشيبس ومكسرات واي شي مشهي وخليت في البيت شابوره ولبن خالي الدسم واول ما زوجي قال ليش قلتلو اسمع لو تبغا اشتري حبه وكلها فورا كان لما يجيب معجنات اولها اكلي لقمه معاه واقوم انشغل باي شي اول ما اشوف المشهيات افتح عالم حواء ويين موضوع يعور القلب؟؟


اسبوعين وهذا الثالث وابشرك هو ياكل اصبع مارس وانا ما اشتهي اكل اصبع خيار!!


هو يشرب بيبسي وانا اشرب لبن وشمر!!


اهو ياكل بسكوت وانا استلذ بالشابوره مع النسكافيه الساده!!

اهو ياكل اكل راهي ودسم وانا اطبخه واكلي سبانخ مسلوق لا وطعمه يجنن مع لمون ولا كأني اكل احلى اكل لانو فعلا اكل لذيذذ ومفيد بطلت احب اكل الدسم والحلو ممكن تمره


قطعه صغيره جدا من اي شي حلو او ملعقة عسل كل كام يوم وراضيه عن نفسي

يكفي نفسي اللي كان بينقطع لما اطلع بيتنا او مكتبي الحين عااااااااااااااااادي ولا كاني طالعه مسافه كانت بتشق صدري في الاول


لا واللبس صرت اتجرأ واشتري وكل هذا في 3 اسابيع وبس


تخيلي لو كملت اكيد ما برجع بسمن لاني صغرت معدتي وكمان ما بيطيح شعري



حبيبتي لو تحبي نفسك فكري فيها اكثر وما تخلي احد يتمسخر عليكي

ابدي من اللحظه هذي ما تقولي بكرا كلي كثير بس غيري نظام اكلك ودخل اي شي مفيد وشوي شوي بتقللي وشوي بتصيري تقرأي السعرات على العلب وتستثني الاكل العالي السعرات من حياتك


ايش مستنيه 3 كيلو وتصير من ذوات الثلاث ارقام؟؟؟؟؟؟


ابشع احساس في الدنيا وانا مجربته صحت من قلبي لييييييييييييش


امتى بتصحي لما تروحي مع زوجك مكان ويقولو ترا ما في مقاس الوالده؟؟؟


على فكره انا زوجي مو نحيف ترا مره اوفر 160 كيلو بس هو حر ما يبغى طول ما انا استنى نبدا سوا بصير فيل دبل

بس انا ابغى البس واتكشخ

ابغى اروح بين البنات من غير ما استحي ما انكد قبل كل طلعه واجلس اقول مو فاضيه

وانا فاضيه ونفسي اطلع بس العيون المسلطه على جسمي كانها مجاهر


كلمة سمنانه ومتنتي ما ابغى اسمعها


كلمة حسافه جسمك كان روعه ما ابغى اسمعها


ابغى اسمع واو وياي وايش هذا؟؟


ابغى لما اجلس قدام الخزانه ادوري قميص نوم وتنتهي في البس بيجامه كنها بجامة جدتي!!!


ما ابغى لما اجلس احس في طبقااااااااااااااات تحتي

ما ابغى وانا انتظر في مكان اتضايق لين كان المكان مليان لاني ما اخذ راحتي بالجلسه لان اكيد كرسي واحد بنحشر فيه حشر مو اخذ راحتي


لااااااااااااااااااازم تبدي

وما تستني من احد مساعده يدك هي اللي بتساعدك جربي وشوفي وترا حاولي تقللي سهر ولو انتي جالسه على التلفزيون حاولي تعملي هوايه غير يدك بفمك

حيكي صوف

اعملي اي شي غير الاكل


يلا لين متى



كلها 3 كيلو بس وتصير فيله متحركه

قومي وارمي اللي بيدك ولا تاكليه خلاص اكل صحي

وما تزعلي والله انا قلبي عليكي مثل نفسي

الله ينحفك وتجيك الاراده من الحين

الله ينحفك من غير شر وقولى دايم انا احب نفسي عشان تشجعين للريجيم والتخفيف

انا كنت 88 والان ما شاء الله 55 تقريبا ومستحيييييييييييييل باذن الله اني ارجع ادبدب لاني قرفت من حالي زمان