اتمنى احد يوجهني ويساعدني :(

مساء الخير حبيبتي، في رجيم قرات عنه صباح هذا اليوم هو مفيد جدا بصراحة هو عبارة عن 4 مراحل اسمه رجيم اتكنز، قرات عنه في موقع يسمي كن مميز وهو موقع فعلا جميل جدا و مفيد، هو شرحه طويل جدا لكن انصحك تبحثي في جوجل عن " رجيم اتكنز موقع كن مميز " وربي يوفقك و تخسري وزنك

الله يسعدك حبيبتي ويجزاك خير ع مرور
فعلا ممتاز هذاالرجيم وعن تجربه اسبوع ٤ كيلو نزلت
ولكن رجعته دبل للاسف
مشكلته لازم التزاااااااااام تاااااام
لان اي تخبيص لو قليل جدا يوقف الحرق لمده ٣ ايام ويجيب نتايج عكسيه وهي زياده بالوزن
لانه معتمد على البروتين والدهون بشكل كبيييير
انا مشاكتي اساسا التخبيص
فماينفع نهائي☹️
ممكن اذا التزمت بعدين استمر عليه

مرورك اسعدني ياجميله شكرا لك

وعليكم السلام والرحمه..


ياقلبي كلنا مرينا بحالة فتور وملل واحباط وكسل..
واللي حولك يا يحبطونك او يخربون نظامك الغذائي
غير المسؤوليات من بيت وزوج وأطفال..
بس تبقى إرادتنا قوية ورغبتنا لتحقيق هدفنا أقوى..
والا ماكان أحد وصل لهدفه...
والدليل لقوة إرادتك ورغبتك.. تأنيب الضمير اللي تحسين فيه..
ولا تنسين انجازك وفرحتك بخسارة الـ10 كيلو..
هذا أكبر دافع لاستمرارك..
لكذا اعتبري هالفترة اللي مريتي فيها استراحة محارب
فشدي حيلك وبأقرب وقت ابدي من جديد ..
ونصحية مني لا تشاركين أحد خططك وأهدافك بالأخص الأشخاص السلبيين.


نجي الحين لنظامك الغذائي..يبي له شوية تعديل..
لازم تضيفين لوجباتك كربوهيدرات معقدة مثل منتجات الدقيق الأسمر
والنخالة والشوفان والرز الأسمر..إلخ
لأنها تنظم نسبة السكر في الدم وتمد جسمك بالطاقة وتحسسك بالشبع لساعات طويلة
وتمنع الامساك.
والسكر يا سكر انتبهي منه قللي كميته بالتدريج أو استبدليه بسكر ستيفيانا.
اما المكسرات اختاري النيه منها
والبسكويت والحلا والتمر لا تستهينين فيهم ولا تكثرين منهم
أو خليك في المضمون واحسبي عدد سعراتهم.
والعشاء عادي كلي أي مصدر بروتين صحي مع كربوهيدرات معقدة وخضار


وتبين أصدمك بمعلومة ..
البروستد لأربع قطع فيه ما يقارب 1000 سعرة حرارية وكمية عالية من الصوديوم
"تجنبيه"


واعتمدي في نظامك الغذائي ..
أكبر حصـة في وجباتك للبروتين بعده الخضار بعده الكربوهيدرات
وحاولي تكون وجباتك الخفيفة صحية أكثر .


وبالنسبة للكرش حلها الرياضة ..
تمارين الكارديو من 5-6 أيام في الأسبوع من 30 لـ45 دقيقة
وبمجهود بين المرتفع والمنخفض.
وتمارين مقاومة تستهدفين فيها عضلات البطن لـ3 أيام في الأسبوع يوم وترك
لكن تأكدي أنه ماعندك انفصال عضلي لأن لها تمارين خاصة
لحتى ما يتفاقم الانفصال ويوصل لمرحلة الفتق
وهذا الموضوع ان شاء الله بيفيدك..
https://www.hawaaworld.com/%D8...

عارفه شفت نظامك مره مافيه خبز او رز عشان كذا مسبب لك احباط ومأثر على نفسيتك
كولي مع البيض ع الاقل حبه توست ومع الدجاج ٤ ملاعق رز بعد الطبخ
جسمك محتاج الطاقه وبنفس الوقت انتي ماتكثرين نشويات لإ بس تعطين الجسم حاجته
كذا مايتعكر مزاجك ويأثر على نفسيتك وبرضو تنحفين !

الله ينحفك ي عمري
من غير شر