حبيبتي أنا كنت متلك ..... بس مرة بنت خالتي قالتلي كلمة , و حطيتها حلقة في داني , قالتلي: تذكري دائما انه ما في نوع من أنواع الأكل رح يخلص من الدنيا, لاحقة على أكله , بس أحرمي حالك فترة محددة منه و رح ترجعي تاكلي لأنه ما رح يخلص... تذكري الشعور الرائع اللي أنا جربته (وين ما تمشي الناس تسألك وين نصك التاني) و الناس اللي ما بتعرفني مزبوط في الجامعة, ما كانت تعرفني... والله شعور رااااااااااااائع

الله يعين بس .........
مشكله العصر هاالاراده........

صدقيني يا حبيبتي انه الريجيم الأفضل للناس ضعيفة الإرادة هو تخفيف الأكل ... كلي كل شيء بس بحدود ... والله اسمعي نصيحتي لأني مجربة و ما رح تندمي ... و بكون افضل لو تمارسي رياضة ...
انا كنت أعاني من نفس مشكلتك....
و اذا احببت , بحكيلك كل يوم شو باكل بالضبط دون تحريف ...
و عنجد ردي علي , و رح تلاقي نتيجة فورية بأذن الله

بقولج تجربتي ... انا كنت كل ما اقول اني بسوي ريجيم اقعد يومين وارجع انفجع عل الاكل

لاااا والمصيبه كنت يوم اخطط اي يوم ببدا الريجيم فيه مثلا اقول السبت ببدا .. تعالي شوفيني

الخميس والجمعه اقعد اكل لين ماقول بس على اساس اني حاطه في بالي اني بنحرم من الاكل

طول فترة الريجيم ... وطبعا يومين ريجيم بالكثير اسبوع وارجع مثل اول ..

انا طبقت شي قبل فتره ونزلت عليه 10 كيلو .. وللاســــف الشديد رجعتهم في خلال 6 شهور

لأني ماحسيت بالمسؤليه وكنت أأجل واكل بفجع ..

عل العموم قررت من اسبوعين اني ما احط في بالي شي اسمه ريجيم ..

وقعدت اتخيل شكلي وانا ضعيفه خاصة ان السمن سبب لي عقده

اشوف ربيعاتي وخواتي اجسامهم حلوة ويلبسون احلى لبس وانا مثل الكوره

مافي شي على مقاسي ..

وبدون تخطيط ولا تحديد ليوم ريجيم قمت اخفف الاكل .. يعني خففت على اساس

اني ماسوي ريجيم .. يعني مثلا كل ما اشوف اكل آكل بس بكميات اقل عن اول

وشوي شوي تعودت اني اقلل اكثر واكثر لدرجه والله العظيم اني صرت ما اريد

اكل شي ابد .. طبعا انا بديت هالشي في رمضان .. كنت افطر واكل كل شي على خفيف

يعني حبة سمبوسه وحبة بيتزا وحبه فطاير واشرب لبن .. اشوف عمري اني بديت

اشبع واحط في بالي اني شبعت وخلاص ما في مكان في بطني عشان ازيد ..

واقوم من السفره وعلى الساعه 9 او 10 اشرب ماي او اكل فاكهه .. واحس عمري

شبعانه لين الساعه 1 وعقبها انام .. لان احساس الشبع يكون بعده موجود

تعرفين ليش .. لأني انا حاطه في بالي اني شبعانه ... واني مش لازم اترس بطني

اكل .. والحين احس عمري خفيفه اكثر ومعنوياتي مرتفعه .. لأني مرتاحه

وما اعاني من جوع الريجيم ... :)

ادعيلي يا حياتي اني استمر على هالوضع لين اوصل الوزن المثالي ..

وانا للحين نازله 4 كيلو خلال اسبوع ونص

ولا تنسين الرياضه لها دور قوي في سرعة نزول الوزن ...

واولا واخيرا التشجيع الداخلي والخارجي .. يعني شجعي نفسك وانتي تسوين

رياضه تخيلي عمرج عروس :27: او تخيلي جسمج وهو رشيق

بتتحمسين اكثر وبترتفع معنوياتج اكثر ..

وقولي لأهلك وربيعاتج يشجعونج اكثر واكثر ..

انا اذكر امي اول تقولي كل ما تنقصين 10 كيلو لج مني 2000 درهم

وطبعا هي قالت هالكلام لانها واثقه اني مابسوي شي وان ارادتي ضعيفه

لكن انا بثبت لها العكس وبخليها تتوهق وتتدفع لي 6000 درهم .. على

كل عشره كيلو انزلها :icon28: انشـــــــــــــاء الله

السلام عليكم ورحمة الله وبركاته حبيبة قلبي والله بنت جدتها والله ما شفت طلبك إلا الحين وعلى طول كتبته لك وأتمنى تستفيدين فلونه تقول إنه نزلها 60 كيلو في 3شهور وأنا والله انبسطت عليه مره وهومرييييييييييييييييييح

هذا هو الرجيم:



الافطار :

فاكهه وحده اى نوع + شريحة توست محمصه + حليب خالى الدسم


الغذاء :

قطعه وحده من صدر دجاج مشويه منزوعة الجلد + تناوا الخضروات الطاازجه + عصير الكيوى واناناس

العشاء :

نفس الفطووور بضبط


اليوم الثانى :


الفطور :

حبة خوخه كبيره + شريحة شمام + شريحة توست محمصه + حليب خالى الدسم


الغذاء :

سلطه + اضافة ملعقة مايونيز + تناول بعض الخضروات الطازجه + عصير الكيوى والاناناس


العشاااء :

شريحة بفتيك لحم او قطعة هامبوجر + عصير اناناس والكيوى


اليوم الثالث


الفطور :

5 شرايح اناناس + حبة فاكهه طازجه + شريحة توست محمصه + حليب خالى الدسم ..


الغذاء:

سلطه مكونه من قطع دجاج صدر مع خس وطماطم + شريحه وحده من الجبن خالى الدسم + عصير الكيوى والاناناس


العشاء :

بطاطه وحده مهرووسه + حليب خالى الدسم



اليوم الرابع


الفطور :

نص جريب فروت متوسطة الحجم + شريحة توست محمصه + حليب خالى الدسم


الغذاء :

سلطه فاكهه + بيضتاان مسلوقتان + عصير كيوى واناناس


العشاء :

سلطة الدجاج + 8 حبات بزالياا مطبوخه على البخار + حليب خالى الدسم


اليوم الخامس

الفطور :

3 ثمرت مشمش + حبة فاكهه اى نوع ماعدا الموز ممنوووع من الرجيم + حليب خالى الدسم


الغذاء :


سلطة توونه + تناول الخضروات الطازجه + عصير الكيوى واناناااااااس

العشاء:

حبتين كوسى محشى + حبة بطاط مهروس + عصير كيوى واناناس


اليوم السادس

الفطور :

نص شمامه + شريحة توست محمصه + حليب خالى الدسم


الغذاء :

تفاااااحه وحده + خضروات العاديه + عصير الكيوى واناناس


العشاء :

قطعتين ستيك بتلووو مشوى متبل بعصير الطماطم + حبة بطاطس مهروسه + عصير الكيوى واناناس


اليوم السابع

الفطور :

2 حبة فاكهه + شريحة توست + حليب خالى الدسم

الغذاء :

سلطه خضراااء + عصير كيوى واناااااس


العشاء :

3 حبات نقانق مشويه + بطاطه مهروسه + عصير الكيوى والاناناااااااااس ..


وتم والحمدالله وعلى الفكره تقدرين تبدلين الدجاااااج بسمك بس سمكه وحده لا غير وتكون متوسطه ومشويه بعد ... والله يووفقكم انشالله وبشرووووونا معاكم شنو يصير