همسات القلوب

لازم افتح تحقيق مع زوجي بهالموضوع
شكله يبغى يعلمني كيف اكون ست بيت اوانه فعلا مالقي حجز

على كل حال انا خلاص اتحمست للتجربه
والله يسهل لي ادعووووووووووولي

اول حاجة قبل يومين نظفي البيت ورتبي كل شي من الى

قبل بيوم سوى الحلى
3 او 4 صياني

غسلى الخضار اللي راح تستعملينهم للسلطات و قشريهم و غطيهم

اعملي تتبيلات السلطات و حطيها بالثلاجة

غسلي و قشري الخضار اللي راح تستعملينهم للصينيات

غسلى و قشري الخضار اللي راح تستعملينهم للكبسة

غسلي الرز و جهزي البهارات و رتبي كل حاجة بحيث نفس يوم العزيمة الصباح تقطعي السلطات و تجهزين صينيات الخضار او المكرونة و الكبسة

صلي الظهر و تحممي

الله يعينك

ياعمري الله يعينك والله انها مهمة صعبة خصوصا انك مو متعودة ع طبخ الذبايح!!

شوفي ..البنات ماقصروا بطرق الطبخ ..

بس انا عندي اقتراح .. اهلك ماعندهم خادمة ..؟؟ المفروض اهلك يجيون بدري مرة عشان يفزعون معاك ..

اخواتك .. او الوالدة اذا بعدها نشيطة الله يخليها لك ويخلي لي..

بعيدن حبيبتي كنسليييييي حلى السفرة اولا بررررد .. ثانيا : الاطفال بيحوسون بيتك!!

نصيحة سوي جريش شبي عليه من الفجر .. وسوي كبسة .. وحمري اللحم اذا استوى بالفرن ..

وحطي عليه لوز وصنوبر .. وغطيه بقرصان ..

بالنسبة للراس .. لازم يخلي القصاب ينظفه لك .. وعادي اطبخيه ..لحاله .. مع الكوارع ..مع بصللللل وكمووون وكثري..وشوي فلفل اسود.. وفلفل بارد .. واذا خلص ..

حطيه ع الصحن .. والمرقة حطيها ..ع السفرة بينهبلون عليها ..قبل تقديمها حطي عليها بصل اخضر ..وحطي جنبها قرصان رطبة من القراص نفس اللي حطيتي ع اللحم بالنهاية .. بينبسطووون عليها الكبار ..خصوصا اللي فيهم سكر..

.. كم ذبيحة بتحطون ؟ وهل بتحطون مفطح ولا مقطع ..؟ اشجعك ع المقطع اسهل لك ..

وبالنسبة لحلى القهوة لا تصلحين !!

جيبي صينيتن شوكولا .. فخمات .. وخلاص!!

وبعد الغاء شاهي احمر واخضر وزنجبيل .. وخلاص ..

ولازم يكون عندك الصياني الفخمة اللي بغطاء .. عشان تقديمك يصير مميز ..

وصدقيني لا تشتتين نفسك .. لأن الوقت بيضيق وتراهم اهلكم يعني يبون يشوفونك .. مو كل الوقت بالمطبخ!

وبرضو رجال وحريم..فشغلة ..! الله يعينك ..

ايه والسلطة .. سلطة خضراء عادية ..

واكيد سلفاتك واخواتك وحمواتك بيسألونك وش يسوون فخلي السلطة مهمتهم ..