ادخلوا بالذوق والا بدخلكم بالقوه

:23:اااااااااااااااااااااااااه من جد تعبت ادري انكم مليتوا مني كل كم شهر انزل موضوع عن ماساتي بس ايش اسوي عمري ماكنت جريئه الا معاكم اكيد علشانكم ماتعرفوني هههههههههههههه
المهم والله يا بنات انا جاتني حاله نفسيه من السمنه تعبت والله مدري متي بيجي اليوم اللي بنحف فيه وبيجي ولا لأ كل البنات نحاف وبالعبايات المخصره يتمايلون مثل الاغصان وانا تقولون برميل وسطهم شكلي صاير مثل الحريم اللي ولدوا 10 كرهت السمنه اللي خلتني قبيحه وسط بنات انا اجمل منهم هدا الزمن صار زمن الجسم مو الوجه ولا الشعر ولا اي شي الناس كلها تبغي النحف البنات كلهم نحفوا الا انا تصدقون في بنت جات الاجازه الماضيه عندنا وما قابلتها المهم هذي البنت انا كلمتها بالتلفون وسلمت عليها وقلتلها اني نحفت وصرت مثل اليسا >>>>>> كدابه اكيد
وعاهدت نفسي علي اني اسوي ريجيم وانحف نفسي علشان تشوفني بهذه الاجازه نحيفهمثل ماقلتلها المهم البنت جات الحين وانا سمينه:32::o ومدري كيف بقابلها بسمنتي وكيف بيكون لي ومجه اكلمها وهذي المره اكيد بتشوفني لان في زواج وحده نعرفها علشان كده مدري ايش اسوي وماينفع الحق نفسي لان الزواج بعد 4 ايام والمشكله اني تعقدت نفسيا من كثرما اشوف البنات بالالباس الانيقه والرشيقات لهم اختيارات متعدده للالباس لكن انا بالعافيه الاقي لبس يكون مقاسي حتي لو كان بايخ اخده لانه مقاسي عمري مالبست جينز مثل البنات الكت مالبسه الا بيني وبين نفسي من جد تعبت يا بنات انا محتاجتلكم هذي المره من جد نفسيتي تحطمت وكرهت نفسي وكرهت الشحوم اللي تحيطني مافي مره رحت مكان الا واسمع كلمه فيه مثال:امشي كثير وتحركي بالبيت او لاتشربي بيبسي او لا تاكلي حلويات او خففي اكلك او سوي ريجيم من جد ماصرت اروح مكان بسبب هدا الكلام الجارح ومارحت مكان الا وانا لابسه العبايه وما افسخها اكيد خوفا من ان الناس يشوفون الدهون والمنظر المؤذي وكل ما رحت مكان امشي وانا اغطي فخذي او بطني او يدي او المؤخره مدري اغطي ايش ولا ايش
المهم يا بنات انا محتاجه لنصايحكم وتشجيعكم ورايكم بكلامي وارجو من اي وحده قرت موضوعي ماتهمله لاني من جد متحطمه:44::44: