والله هذي الجلسة اللي توسع الخاطر ،،

وتعطيك إرادة ... بصراحة يا بنات هالنحيفات فاقعين مرارتي ،، والسوق فاقعها اكثر ،،، عمى وش ذا ؟؟

بلوزة هالتبر ،،،، وتنورة خصرها شبر ،، والمقاس الأكبر شبر ونص.. والله تتفشل الوحدة من كثر ما تشبر ،، اروح بربعة بالمحل لجيت اشبر عشان ماحد يشوفني <==== والله ماعرف مقاسي الا بالتشبير.
يوجعك قلبك لشفتي ايدينك قربت تعدي الثلاث اشبار..

وبجد صادقين من ناحية ان السمنة تعطي الوحدة أكبر من سنها ... وتخلي نفسيتها زفت ،، وتكره كل الناس
وش بالكم بعد إذا صارو كل صديقاتك كلهم نحااااااااااااااااااااااااااااف وخصر ودلع ،، والقهر اذا نزلتي السوق معهم ؟؟ انا ما ولعت ولا طرطعت الا يوم نزلت للسوق معهم ،، تخيلوا قاعدين يكاسرون راعي المحل ،، وانا جيت ام الفزعات وليتني ما جيت ،، قال لي معليش يا خاله ؟؟؟ يحسبني امهم ،،،، وااااااااااااااااااااااااااااااااااااااع ميت من القهر ودي لو الأرض انشقت وبلعتني ،، وانا بدون شعور ،،، خلخلت عظامك !! خير وش شايفني يوم تقول خاله<=== تفتن على روحها!!!!!!!!

المهم ان بعد هالموقف ،،، ومواقف غيره كثيييييييييييييييييييير ،،، يكفي ان الوحدة لصارت متزوجة مصيبة ،، والأزواج ما يرضيهم شي ،، ونانسي عجرم واليسا وطقتها ماخلو مجال لك انك تقولين لا ما يخالف مافي احسن مني بنظره ،،، الله ربي وربهم..

بعد كل هذا قرقرت ،، <=== تذكرت الببسي !!!((ما تتتوب ابد))

قررت اني اروح لدكتورة رنده برياض الهجن ،، كثير يمدحونها ،، ولا صار اختياري عليها الا عقب وحده وزنها فوق المية والثلاثين راحت لها والحين وزنها بالستينات وصار جسمها مانيكان وهي اللي كانت سمينة ولا من ايام الطفولة بعد !! وعندها بزارين بعد ماشاءالله ..

واذا رحت لها إن شاءالله وشفت من وراها نتيجة لي منكم اللي اقولكم عليها ..

بس فيه نقطة ،، اي وحده مقررة تتبع ريجيم لازم يرافقه اقل شي نصف ساعة مشي يوميا ،، لأن ريجيم بدون رياضة واهم شي المشي ما ينفع ،، حتى تقدرين تكتفين بس بالمشي كرياضة..

وإن شاءالله يارب كل وحدة كتبت بهالموضوع تنحف نحف وتلبس مقاس سمووووووووووووووووووووووووووووول.

:26:

شكلكلييييييييييطه سنكيو
والله الي قالت عن السوق صادقه الظاهر رووز صادقه ونفس الموقف الي قالها خاله بس مع اختي مو زوجي وانط عليه شايفني عجوز والرجال استحى
واختي تكركر فرحانه والمشكله اني اسمن وحده ببيت اهلي حتى ابوي ينتقدني واخويه يهزئني ويقول جت المتفخه اهي اهي والصيف الماضي رحت انا وبعلول السوق واشترالي ملابس والفشله كلو صغير ونروح نبدل ومالقيت مقاسي بعض الاشياء ويهزئني انتي منتي شايفه الي قدامك والي وراكي واقوم ارد عليه المهم وكني واثقه من نفسي وادخل الغرفه وابكي بدون لايشوف
بس مافي احساس وتصدقون اني ما بغاه يحس ان النحف علشانه ابي يحس انه ليه انا بس وهو الصدق طيب الي بتروح الاخصائيه اذا ما عليكي كلافه ترسلي ليه الرجيم بس مو اقل من 700 سعره ترى خويتك اخرطي جسمها حساس
تصدقون قبل فتره رحت عزومه لاهل زوجي في ناس ما عرفوني ولما تعرفو على شخصيتي وانا دبه وحد قالتلي كنت زي الغزال والثانيه تقول اتذكرك من قبل 6 سنوات كنت زي العارضات في زواج كنا حاضرينه بالله عليكم مو انا عديمت الاحساس
بس عن جد تجيني فتره ضيقة صدر ونكد من سبب السمنه والدوره ملخبطه والباشا عايز خلفه وانا ما ابغى الين اخس كثير ولا وش اصير فيله


ترى هاذا الوزن اسمن شي وصلته بحياتي بدون حمل يعني ريت انحف وانفك من الحمل الي على صدري بدون ترهل
:26:

تصدقووون اني استانست وانا ابربر يووووووووو شي يوسع الصدر:33:

اختي الحبيبه حلم مقتول

ان شاءالله كل احلامج تكتب لها الحياه والنجاح يا رب:41:

ليش تتحسرين يا عمري...صدقيني هونيها وهي تهون...
انتي الحمدلله في بدايه الطريج....والحياه ماراح تطير...
بدل لا تفكرين انج ضيعتي حياتج....فكري بصوره ايجابيه...واكسبي وقت...
وخليكي قويه وحازمه في قرارج...يعني اذا قررتي انج تنحفين....لا تقولين راح ابدا بكره...
لأ....قولي راح ابدا من هاللحظه...وحطي في بالج انج قاعده تحافظين على صحتج وحياتج

واتبعي النظام وانتي فرحانه.......صدقيني ...انا جربتها الحين....وقسما بالله مو حاسه بالوقت
اسبوع ورا الثاني قاعد يطير:02: ولله الحمد

انا قبل كنت اقول: اوووووووه الله يعين...هذا الرجيم يجوع...وهذا يتعب...وهذا صعب وهذا وهذا...

بس الحين لأ.... يا انا ....يا الرجيم...:42: ولحد الآن ...(آنا الفايزه)بعون الواحد الاحد


اختي الجميله Rose Twin
الله يوسع خاطرج دنيا وآخره بالاعمال الصالحه يا رب :)

موفقه ان شاءالله في رجيمج....وان شاءالله تضعفين بالصحه والعافيه وتبشرينا بالعلوم الزينه

ومثل ماقلتي يا وخيتي...اهم شي المشي....للمبتدئات اول مره نص ساعه....
بس لازم مع الوقت نزيد المده عشان نشوف النتايج باسرع وقت



اختي الغاليه تومي الدلوعه

لا يضيق صدرج ولا شي....
اما بالنسبه للسوق....خل اقول لكم شغله تعطيكم الدافع انكم تنحفون...وتصير عندكم اراده...
خصوصا اذا كنتوا تنقهرون من سالفه السوق...:)

هذا الله يسلمكم روحوا تسوقوا على كيف كيفكم....واذا شفتوا موديل وبخاطركم انكم تلبسونه بس مافي المقاس:44::( لا تزعلون وانا اختكم :27:

اشتروا الموديل....وطبعا لازم يكون صغير عليكم....(بس ما يكون صغير حيل...يعني اقل بنمرتين او 3)

حلو؟؟

واذا رجعتوا البيت علقوا الفستان خارج الدولاب....او على الاقل حطيه في مكان بارز داخل الخزانه.....وصممي انج بعد فتره راح تلبسينه وانج انتي اللي راح تحلينه مو هو اللي يحليك...

واتبعي رجيم صحي...واذا وسوس لج الشيطان باللخبطه....تذكري الفستان وتذكري قيمته....

وصدقوني كلها 3 شهور بالكثير والا انتي لابسه الفستان ان شاءالله

وهكذا...كل مانحفتي ...اشتري فستان اصغر.......لين توصلين للوزن والجسم المثالي والمرغوب فيه



والا وش رايكم؟؟؟


لا تقولون مخاسير ومعرف ايش.....ولا تقولون ضاق صدرنا من السوق

انا بصراحه حاطه في بالي هالفكره من زمان.......وبكره ان شاءالله بنزل السوق عشان اطبقها:42:



ولا تنسوني بدعواتكم


سلامي للجميع

هاه يا شكليطة والله اتغربلنا باسمج كفاية واحنا اندور الحروف


تجربتي العادية البنت الرشيقة اللي مااتفكر في جسمها ابدا تزوجت الرشيقة ويابت عيال واحد وراء واحد وزاد وزن الرشيقة مرة اتسوي رجيم ومرة تترك الرجيم وتغير الاسم صارت بدل الرشيقةالخربيطة ليما وصل الوزن 86 انتبهت الخربيطة الى نفسها سوت رجيم مو وايد قاسي ومشت الى مسافات لابأس فيها ونزلت 14 كيلو في سبعة اشهر
بس هذه تجربتي اللي سهرت اعيالي وهما ينتظروني اخلص من الكتابة منها
والسلام ختام

عقبالي يارب بس مو كل ذا الوقت الين انحف ابي قبل رمضان يارب ياكريم ياقادر اني انحف بصحه :27: