السلام عليكم ازيكم يا بنات
ما شاء الله الوصفات جميله اوي
نورا ما شاء الله العزومه جميله
اماني المبطن ده انا عملته قبل كده كانت منزلاه المشرفه ام محمد هنا في المنتدي بالصور حلو فعلا يا بنات
سما سحاب
العزومه ما شاء الله يا قمر بس انا عندي تعليق بسيط اوي يارب تتقبليه ان الاصناف كتيره اوي و في نفس الوقت فيها لحوم و فراخ كتير
المنيو عاده المفروض يبقي التنويع فيه او الاصناف الاكتر اللي هي اصناف الارز و المحاشي و الباستا او اللازانيا فاهماني و اللحوم و الفراخ يبقي ممكن صنف من ده و من ده
دا مجرد راءي و تسلم ايديكي
هاروح افطر ان شاء الله يوم التلاتاء عند صاحبتي هاخد معايا ان شاء الله محشي كرنب و فراخ بالبصل و السماق و صينيه بطاطس المحشيه باللحمه المفرومه و قطايف ان شاء الله
اه صحيح
مي سلطه الربيع سهله اوي عباره عن كل الحضار بالوانه يعني طماطم فلفل خيار دره فاصوليا حمرا خس بصل احضر و الدرسينج بيبقي فرنساوي عادي بس عليه سماق علي وش السلطه و بالهنا و الشفا

ما شاء الله الاطباق رائعة



ان شاء الله هجرب المكرونة و الفراخ شكلهم تحفة بجد


يا ريت تقولي لي ايه نوع الخل البلسمك اللي بتستعمليه لان الاسواق فيها انواع كتير اوي


و انا عايزة حاجة مضمونة






يا رب يشفيكي غاليتي و ما تشوفي شر ابدا

و ان شاء الله تتطمني علي عنيكي


باذن الله تعالي و يمون خير



****

نورا


عملت العزومة بتاعته المندي


و طلعت روعه بجد و انا صورتها

بس هروح من الشغل و انزل الصور


عملت فخذ ضاني كاملة و عملت ارز بسمتي و عملت صنيه بطاطس محشية لحم مفروم


و كانت روعه


بجد لدرجة اني فؤجئت ان اخت جوزي مش بتاكل لحم ضاني

و اكلت منها من حلاوة طعمها و مفيهاش ريحة الضاني

المكونات

الفخذة شرحتها + فصوص ثوم صحيحة + ملح و فلفل اسود كتير + 2:3 م/ص ممتلئة قرفة ناعمة +2:3 م/ص ممتلئه بهارات + 1/ك كزبرة ناشفة + 1/ص حبهان مطحون + صويا صوص تقريبا 1/2 كوب


و دعك الفخذة باللتبيلة دي و عملت فيها فتحات و حطيت في الفتحات ثوم فصوص

و تركت الفخذة في التتبيلة طوال الليل من قبل الفطار ل ثاني يوم

يوم الطهي بقي

حطيت عليها 2 علبة زبادي و دعكت الفخذة كويس جدا ( الخطوة دي عملتها ماما و انا في الشغل ) لما رجعت الساعة 2 تقريبا

طبعا اتاخرت شوية

فقلت مش هتلحق تستوي في الفرن

فكرت بسرعة


لقيت جيه في دماغي طريقة منال العالم بتاعت التحمير بالسكر

في الملف بتاع رمضان

المهم انا جربت موضوع التحمير قبل كده بس في الفراخ و برضو وصفة منال العالم


رحت جبت اكبر صنيه عندي و حطيت زيت و حطيت سكر و فص مستكة

و اول ما اتحمر رحت حاطة الفخذة علي اعلي نار عندي و تحمرتها كويس جدا من الناحيتين ( و طرطشت طرشة :angry:)

و رفعتها من الصنيه

و في نفس الصنية كان بقي محروقة من التحمير

حطيت ميه حوالي 3 كوب ماء

و حطيت عليها حوالي نصف كوب خل و حطيت ورق لورا و فلفل اسود و حبهان و عود قرفة صحيح و كام حبه قرنفل

و تركت الماء يغلي كويس

و حطيت الفخدة و تركتها ساعة كاملة مع التقليب ( يعني كل جنب اخذ نصف ساعة ) و كان لسه في ميه

رحت جهزت صنية تانية

و بطنتها بورق الفويل

و كنت مجهزة بصلة شرائح تخينة و عليها ملح و فلفل اسود ( و تركتهم ساعة قبل ما استعملهم )

المهم رصيت البصل في القاع و حطيت عليه الفخذة و كنت مقطعة بطاطس مكعبات كبيرة و حطيت البطاطس

و حطيت بداخل الفخذة باقي المرق اللي نزل من اللحم و قفلت عليه بالفويل من فوق

و حطيت الفخذة في الفرن بس بحط كوب ماء ما بين الصنية و الفويل بتاع القاع

و دخلتها الفرن تقريبا ساعة و نصف في الرف اللي في الوسط و الفرن كان 180 درجة تقريبا و في الاخر فتحت عليها عشان الوجه يتحمر

و كنت مجهزة فحمة مشتعلة و حطيتها في الفخذة


و كانت خرافة

** علي فكرة انا رحت امبارح ماندرين قويدر اللي في الكربه

كان نفسي في ملبن بالقشطة


رحت لقيت زحام رهيب جدا


و دخلت المحل و يا رتني ما دخلت قلبي وجعني :(

ما شاء الله لا حول و لا قوة الا بالله

الحاجة عنده زي الفل

اشتريت كحك العيد سادة ب 35 ج كيلو

و اشتريت غريبة روعه بس مش فاكرة بكام هههههههه

و اشتريت كنافة برما بالبندق و الكيلو 59 جنيه

و اشتريت المبلبن بالقشطة خرررررررررافة تقريبا بحاجة و 30 جنيه

بصراحة مش فاكرة الاسعار اوي

من هول الموقف

بس لقيت ما شاء الله السحب عندهم علي الكنافة بطريقة رهيبة شكملها فعلا رهيب ما شاء الله


و لقيت كده كنافة وشها منعكش و محشية كريمة

سالت الراجل علي اسمها قالي كنافة عثمانلي


****

و رحت بسكو مصر عشان اشتري بسكوت النشادر

بروح المحل اللي جوه نادي هليولبيس


لقيت البسكويت ب 22ج الكيلو

الكحك السادة ب 30 ج

و المحشي عجمية ب 31ج
و المحشي ملبن ب 31 ج
و المحشي فستق تقريبا ب 39 ج

الصي براحة من زمان بطلنا نعمل كحك بقيت انا و ماما بس

ربنا يخليها ليا

و كل سنة و انتم طيبين

la rose gazak allahu khyran ,lee lea mesh sahl tetkhed3 bel shakal :)) never she is sosa
but i'll try to put cream with veggies inshaa allah

memsi,gazak allahu khyar ya 7obee,i tried not to give her food for long time ,then i put veggies but u know what she didn't eat at alllllllllllllllllllllllllllllllllllllllll :) sameet lelah tataw3

this is basbosa by my sister's way inshaa allah u will like too
هي طريقه سهله

2 كوب سميد
اكوب سكر
2كوب زبادي+ وبكوب الزبادي ضعي1 كوب لبن
نصف او ثلات ارباع الكوب سمن" ان شاء الله هعمله بزبده لاني مش عندنا سمن"
2 كبيره بيكنج بودر
ملعقه فانليا

it's a great basbosa waallahy but i made half of it and decreased the suger it was yumm yummmeeeee

لوزةماشاء الله عليكى شكل الفخده فعلا حلوة
ميمى متستنيش ميعاد الدكتور الاسبوع الجاى.. روحى للدكتور فورااااااااااااااا دى عين مش لعبة وعشان لو لاقدر الله فى حاجه تلحقيها من اولها وابقى طمنينى

صباح الخير

اماني انا في صحراء ليبيا يا قمر

وانا باعمل المبطن بس باعصج اللحمه الاول قبل الحشو وقبل ما اطفي اضيف لها الكزبره والبقدونس واقلب خفيف واحشي

لاروزا

سبانيش

نقدكم مهم عندي جدااااااا احنا مرايات لبعض المفروض بس انا هاوضح لكم

سبانيش يا قمر بالنسبه للرز هم هنا ما لهمش اوي فيه في رمضان وفعلا ما اكلوش رز اد كده

وبالنسبه للمكرونه عملت مكرونة بيتزا وعملت شاورما وسمبوسه

ولو لاحظتي يا قمر انا مثلا العرق بدل ما اعمله كله بارد عملت جزء مسلوق ومتحمر

وكمان الفراخ بدال ماكلها تكون بالكورن فليكس برده عملت الصدور في الفرن في الكيس

والدبابيس عملتها بالكورن

يعني نوعين لحمه ونوعين فراخ

وهي طبعا عزومه رجالي

وبالنسبه للمحشي كنت اتمنى اعمل محشي لكن للاسف ما وصلش عندي رمضان ده ورق عنب ولا حتى خس وجزر تخيلي هههه

حتى هتلاقوا الاطباق ما فيش فيها خس ولا جزر هههههههه

المهم انا بافرح جدا باي انتقاد منكم وارجو ان تكون ظهرت براءتي ههههههه