السلام عليكم ممكن حد يقولي ازاي اعرف اعمل البقلاوه البيضاء الجلاش الابيض تفسي فيه اللي بناكله برا بيكون مربعات كدا بيضه وعليها فستق خفيف ياريت حد يقولي لاني نفسي اعمله لجوزي

ازيك يا امانى ويا كنزى
اللحمة المفرومة ممكن تعملة بيها كبيبة صينية يعنى اقسمى اللحمة 3 اجزاء بس يكون جزء اكتر من الاتنين التانيين
الجزء الاكتر عصجيه عادى وحطيله صنوبر لو عندك او لو معندكيش صنوبر ممكن عين جمل
الجزء التانى حطى برغل قد كمية اللحمة ولا تنقعيه ولا حاجه واضربيهم فى المفرمة لو عندك مرتين او لو معندكيس مفرمة خلى الجزار يعملهملك فى مفرمته او لو عندك الخلاط اللى بيفرم البصل وبيخلط اللحمة مع الحاجه والله مش عارفة اسمه ايه استعمليه بينفع
المهم يعنى بعد ما تخلطى اللحمة بالبرغل اقسميها نصين نص افرديه فى الصينية بعد ما تدهنيها زيت خفيف جدا لان اللحمة هتنزل زيتها وبعدين حطى طبقة اللحمة المعصجة وبعدين الطبقة الجزء الباقى من اللحمة بالبرغل ودخليها الفرن نص ساعة
هتكش شويه بس مش مهم طعمها بيبقى حلو قوى
وممكن لما تخرجيها من الفرن تعمليلها حركة الفحمة كمان هتبقى احلى

او ممكن تعملى صفيحة باللحمة وهى انك تتبلى اللحمة عادة ببصل مبشور وبهاراتك اللى انتى عايزاها وزبادى وسيبيها كام ساعة فى الثلاجة وبعدين افرديها على اى عجينة بيتزا تريحك بس اعمليها وحدات صغيرة ودخليها الفرن

وممكن تعمليها عرايس او حواوشى
تبلى اللحمة بملح وفلفل وبهار مشكل وقرفة وقطعيلها بصلة صغيرة وكماكماية وفلفلاية رومى وهاتى عيش بلدى او اى عيش يكون سميك بلاش اللبنانى الخفيف يعنى وقطعى كل رغيف نصين واحشى كل نص باللحمة بس متمليهوش قوى وبططى العيش ولفى كل نص بورق قصدير ودخليه الفرن ثلث ساعة او نص ساعة
وبالهنا والشفا

سمسمة صعب موضوع البقلاوة دى ومهما عملتيها مش هتتطلع زى الجاهز ابدا

اماني اللينك ده بتاع بنت سورية عاملة الصفيحة باللحمة والكباب السوري
http://forum.hawaaworld.com/showthread.php?t=1693736&page=4 ده الكباب المشوي

وده الصفيحة
http://forum.hawaaworld.com/showthread.php?t=1693736&page=3

منترحمش منك يا نورا

انا ان شاء الله حعمل سينبون ف عيد ميلاد جوجو يوم الاربع الجى وكلكم معزومين
انا بقول اهو
عوزه اشوف الهديا الدهب نازله ترف:hahaha:

المهم بما انى بقيت خبيره فيه وحصورهلكم ان شاء الله


دندون حبيبى
منفضلى ليه بس :( روعه الكانولينى ان شاء الله اجربه
انا حسه انه طعمه حيبقى زى الاازنيا صح ؟ والا هوا احلى
هى خطواته اسهل منها

شيمو
وحشانى يابنت والله ووحشنى دمك العسل
تعالى هناك ف المضيفه عشان نرجع اللاوضاع لمكانها الصحيح
والامن يستتب:22:

كنزى حلوه صينية الكفته وسهله اوى ميرسى يا قمر بتعجبنى دايما اكلاتك ياريت بالمره تقوليلى بتعملى صينية الجلاش بالسبانخ ازاى ؟؟
نورا بسم الله ماشاء الله عليكى افكارك تحفه كل فكره احلى من التانيه والروابط كمان حلوه اوى تسلميلى يارب
سمسمه انا كاتبه عندى مقادير البقلاوه البيضا بتاعة الشيف حسن مكوناتها سهله اوى بس المشكله فى طريقةعمايلها وهو كمان قال كده يعنى هى عباره عن دقيق وميه وشوية ملح تتعجن كويس وبعدين تتساب ترتاح وتبدأى تقطعيها وتفرديها كويس وترشى بينها نشا وتحطى كل الطبقات اللى فردتيها بينها نشا فو ق بعض وتفضلى تفرديها خالص وبعدين تحشيها مكسرات وتلفيها رول وتقطعيها وترصيها فى صينيه وتسقيها بكميه كتيره من السمن وتخبزيها على درجة حراره هاديه ولوقت محدود علشان تطلع بيضا يعنى شغلها كتير ومحتاج خبره ونوع دقيق كويس جدا وبالتالى صعب تتقنيها وتطلع زى الجاهز