اسماء بالنسبة للتشكن رول لو هتعمليه يبقى بعد ما تفكى الفويل بدل ما تحطيلها جبنة بس عشان وشها مينشفش من الشواية ممكن تدهنى الوش بمعلقة صلصة مع معلقة كاتشاب وبعدين رشى الجبنة وحبة زعتر او سماق لو عندك

بنات عندى كمية تفاح ممكن اعمل بيها ايه غير المربى ؟؟؟؟
ومعليش سؤال تانى للمره الالف مخلل الخيار بعمله كل سنه وبنسى طريقته ومكسله ادور اللى تعرف تكتبهولى بسرررررررررعه

الخيار المخلل من دون يا أماني:
كيلو خيار رفيع -2 كوب ماء -3 كوب خل - ملح ( حوالى ربع كوب) -نص راس ثوم مهروسة - 2 عود كرفس ( الورق)
ممكن شطة
وممكن قرن فلفل حامى
الطريقة
نغسل الخيار ونشق كل واحدة بالطول لحد نصها . نضع الخيار فى برطمان ونضع الثوم المهروس والكرفس والشطة او قرن الفلفل. نضع الماء والخل والملح فى حلة لحد ما يغلوا ثم نضعهم على الخيار فى البرطمان ونرجه رجه ونغطية بالغطاء كويس وحيستوى على طول

بالنسبة للتفاح ممكن تارت التفاح او ابل باى او كيكة العسل الاسود والتفاح كانت قايلاها روشانا مرة
للكيك:
¾ 1 كوب دقيق
ملح
3 بيض
¾ كوب عسل اسود
¼ كوب زيت ذرة
للحشو:
5 تفاح أخضر
2 ملعقة كبيرة زبدة
½ عصير ليمون
1 ملعقة كبيرة سكر
1 ملعقة كبيرة قرفة
2 ملعقة كبيرة نشا
الغطاء للتفاح:
2 كوب سكر بني
1 ملعقة صغيرة قرفة
1 كوب دقيق
3/1 كوب زبدة مكعبات باردة
3/2 كوب مكسرات مجروشة
الطريقة
للكيك
- يُجهز الفرن بتسخينه على درجة حرارة 180.
- ُينخل الدقيق مع الملح في وعاء.
- يُخفق البيض مع العسل الأسود والزيت في وعاء آخر بالمضرب الكهربائي أو باستخدام الFood Processor ثم يُضاف خليط الدقيق مع الاستمرار في الخفق حتى تتجانس كل المكونات.
- يدهن قالب الكيك بقليل من الدهن و يُرش بقليل من الدقيق مع التخلص من الزائد ، ثم يُصب فيه خليط الكيك.
- يُوضع القالب في الفرن السابق التجهيز لمدة 25 دقيقة ، ثم يُترك ليبرد.
للحشو
- يُقطع التفاح مكعبات صغيرة ويُوضع عليه عصير الليمون لمنع تأكسده .
- يُسخن وعاء على نار متوسطة ، ويُضاف السكر والقرفة ويُقلب قليلاً ثم تُضاف الزبدة.
- يُضاف التفاح مع الاستمرار في التقليب لمدة 5 دقائق ثم تُضاف النشا مع التقليب المستمر حتى يتكون خليط متماسك.
- تُترك جانباً لتبرد.
الغطاء للتفاح
- يُخلط السكر والقرفة مع الدقيق في وعاء.
- تُضاف الزبدة وتُفرك باليد إلى أن تنداخل تماماً مع باقي المكونات ، ثم تُضاف المكسرات.
عمل الكيكة
- تُقطع كيكة العسل إلى شرائح سمكها ½ سم .
- تُوضع شرائح الكيكة متلاصقة في قالب حراري .
- يُصب عليها خليط التفاح المطبوخ .
- يُرش من خلطة الغطاء على سطح التفاح .
- تُوضع في فرن درجة حرارته 180 درجة مئوية
او ابل كرمبل
والاحسن اعمليه عصير واشربوه او كل واحد منكم ياكل تفاحة يوميا افيد وهيخلص بسرعة
وممكن تستعمليه فى السلطات زى سلطة التركي والكول سلو بتبشرى معاها تفاحة وممكن عصير وهو عبارة عن حزمة نعناع طازة وليمون على قد عددكو ونفاح واضربيهم فى الخلاط مع مية وسكر ووقت الشرب صبى فى الكاسات وربع الكاس صبيه صودا او سفن اب
او ممكن تعملى جيلى وتقطعى فيه تفاح حتت صغيرة او ترايفل وبرضه تقطعي فيه تفاح وموز مثلا

ازيكم يابنات عاملين اية

اماني

صينية الجلاش بالسبانخ بتجيبي السبانخ سواء المجمدة او الفريش وتقطعي بصلة مكعبات صغيرة وتشوحيها مع معلقتين زيت

زيتون وفص توم صغير قوي مفروم وبعدين تضيفي السبانخ وملح وفلفل وسماق وبهرات وهي مبتخدش ثواني وتكون استوت

تجيبي الجلاش وتفردية وبين الطبقات ترشي تمسحي بزيت او سمنة وتحطي السبانخ في النص ومعاها جبنة موتزاريلا مبشورة

وتحطي بقية الطبقات والبن والبيض عادي زي الجلاش الي بالجبنة وممكن ترشي الوش بجبنة بارميزان



سندريلا

كل سنة وجوجو طيبة مستنين تقولي هتعملي اية

نورا

تعرفي طريقة ورق العنب بتاع المقبلات البارد الي بتقدم هنا والحمص انا بعملو طعمة حلو بس مابيكنش ناعم قوي زي برة

رغم اني بضربة كويس