ماشاء الله يا اسماء
جوجو كملت سنة؟؟؟؟؟؟؟؟؟؟؟؟؟؟؟؟ بسم الله ما شاء الله الايام بتجرى بشكل رهيب
كل سنة وهى طيبة يا جميل
اعمليلها بقى السينابون واكتبيلنا الطريقة بالتفصيل

كنزى فى ناس بتعمل صينية الكفتة بتاعتك بنفس الطريقة بس بتحطلها زيادى مضروب فى الخلاط معاه شوية طحينة ومية بحيث تكون يادوب مغطية الكفتة وبتسيبها لغاية ما كمية السائل تقل النص تقريبا

تسلمى يا نورا
عقبال يارب تؤأمك عاجلا غير اجلا

نشرب مغاتهم الاول وبعدين ناكل تورته عيد ميلادهم من افتكساتك بقى

معندكيش طريقه لصدور الفراخ اللى هيا ساديا المجمده دى
انا علطول بعمل بيها بريانى خضار بس مليت
مفيش افتكاسه من بتوعك
مش افتكاسه اوى يعنى طبق يتعمل بصدور الدجاج

عندى طبعا يا اسماء عشان خاطر عيون جمانة
فى يا جميل تشيكن رول:
المقادير
دجاجه مخلية او صدور
وللحشوه
بصل مقطع صغير
بقدونس مفروم
معلقتين زبادى
معلقه صغيره صلصه طماطم
ملح-فلفل-كمون-زعتر-قرفه-بهارات مشكله-بهار دجاج
جبنه موتزاريلا
اخلطى الحشوه مع بعضها ماعدا الموتزاريلا
وافرديها على الفرخه
حطى فوقها الموتزاريلا<<انا استخدمت موتزاريلا قوالب
لفى الفراخ بحذر زى الروول
لفيها فى ورق فويل باحكام وانا بعد ورق الفويل لفيتها فى ورق شفاف للميكروويف
حطيها بصينيه فيها كوبايتين ميه وغطيها ودخليها فرن درجه حرارته 200 حوالى ساعه ونص لو دجاجة كاملة
بعد الساعه ونص افتحيها وده هيكون شكلها<<رشى موتزاريلا على الوش
حطيها تحت الشوايه عشان الوش يتحمر

وفى صدور الرومى او الفراخ مع صلصة الفلفل: بتاعة ميمسى
صدر ديك رومي مخلى ومنزوع الجلد حوالى 2.5 ك
2 حبة بصل شرائح
1 حبة جزر شرائح
1/2 كوب زبدة طرية
2 معلقة صغيرة توم مفروم
3 ملاعق كبيرة زيت او زبدة
1 ملعقة صغيرةمعجون طماطم
1 ملعقة كبيرة دقيق
1/2 مكعب مرقة دجاج
1 ملعقة مسطردة
1/2 كوب كريمة لبانى
2 ملعقة كبيرة فلفل اخضر او فلفل اسود حب
1 ملعقة عصير ليمون
1 ملعقة كبيرة بقدونس او ورق بصل مفروم
3 ورقات لورا - 3 حبهان
الطريقة
1- يغسل صدر الديك جيدا بالماء ثم بالدقيق ثم بالماء ويصفى . تسخن ملعقة زيت او زبدة في صينية فرن ويحمر صدر الديك على جميع الجوانب حتى يصبح لونه ذهبي يرفع من الصينية ويربط برباط سميك مثل الروست بيف
2- يمزج 1/2 كوب الزبد بمعجون الطماطم والتوم والملح والفلفل يدهن صدر الديك بالمزيج من جميع الجوانب
3- في نفس الصينية تضاف معلقة زيت او زبدة. تضاف شرائح البصل والجزر وتقلب دقيقتين على النار متوسطة ثم يضضاف صدر الديك . تغرس شوكة كبيرة في اجزاء متفرقة من الديك. ينثر ورق الاورا والحبهان والمستكة ويضاف حوالى كوب ماء دافي وتغطى الصينية بورق الومنيوم
4- يحمى الفرن الى درجة حرارة 190 مئوية. تدخل الصينية الفرن وتترك حوالى ساعة ونصف او حتى ينضج الديك. يقلب الديك من حين لاخر اثناء الطهي ويدهن بمزيج الزبد. يكشف غطاء الالومنيوم ويعاد الديك للفرن لمدة 10 دقائق يرفع الديك من الصينية ويغطى ويترك ليبرد تماما.
5- يسخن باقى الزيت او الزبد في اناء صغير فوق نار خفيفة. يضاف الدقيق ويقلب . تضاف المسطردة وتقلب جيدا. وتضاف الكريمة اللبانى ومكعب المرقة والفلفل الحب والملح و1/2 كوب ماء. يترك الصوص ليغلى ويبدا يتكاثف يرفع عن النار ويضاف عصير الليمون والبقدونس
6- يفك الرباط ويقطع صدر الديك الى شرائح بعد ما يبرد تماما وترص في طبق التقديم ويسكب الصوص فوق الشرائح , يقدم باقي الصوص في وعاء منفصل
ملحوظة
* لو عندك عزومة ممكن تعملى الصدر وتحفظيه في التلاجة قبل العزومة بيوم ونفس يوم العزومة تعملى الصوص
* نفس الصوص ممكن يستخدم روست بيف او صدور دجاج الفيلية المحمرة

وممكن تعملى شاورما فراخ

ثانكس يانورا

دخل دماغى التشكين رول

وان شاء الله اعمله