هايا :

بنات عندي سؤال في عجينة البيتزا او المعجنات عموما مفروض انه تلزء في الايد وتشد عملت كذا عجينة مرة للدوناتس وامبارح لللبتزا وبتطلع بنفس الشكل دايما حاسة انها ناقصة دقيق هو الحمد لله بتنفش وبيطلع طعمها حلو بس برده حاسة ان فيها حاجة مش مزبوطة عجينة البيتزا اللي عملتها 2 كوب دقيق - 1 كوب دقيق درة - 3 ملعق لبن بودرة - 1/4 كوب زيت - 1/2 كوب ماء دافئ - خميرة - بيكنج بودر - ملح - 3 ملاعق سكر وشوية البهارات بتاعة البيتزا زعتر ونعناع ناشف وروز ماري افيدوني امبارح عملت فرخة مشوية بس طلعت تحفة جدا ابؤوا جربوها بصل وثوم وطماطم مبشورين وملعقة صلصة كبيرة وملعقتين صوص صويا وليمون معصور ومعلقتين خل وملح وفلفل وقرفة وبهار لحم وزعتر (انا مدمناه بصراحة) ورشة كمون مطحون ونص ملعقة سكر ونقعتها ساعتين في الخلطة وبعدين غطيت الصينية بورق فويل ودخلتها الفرن ولما استوت ولعت فحمة وطفيتها في شوية زيت وحطيتها في الصينية وغطتها تاني طلعت روعة انا كل مرة بشويها في الشواية بتاعة الفرن اللي بتلف دي بتتطلع لحمتها ناشفة المرة دي طلعت طرية جدا يمكن عشان متغطية ومن كام يوم جربت الفراخ الايراني اللي بقمر الدين وطلعت لطيفة برده وطبعا مكنش عندي زعفران حطيت شوية كركم وقلت لماما عليها طبعا امي بتحب تعمل الحاجة مزبوطة نزلت فتح الله تشتري زعفران لاقت الكيلو بـ 20.000 ج ده الاسباني والصيني ب10.000 ج الحمد لله رخيص راحت اشترتلي جرام وقالتلي كفاية عليكي كدة :hahaha:

بنات عندي سؤال في عجينة البيتزا او المعجنات عموما مفروض انه تلزء في الايد وتشد عملت كذا عجينة مرة...