بنات كنت سألتكم على طريقة البطاطس الكروكيت مين تعرف طريقتها ؟

هايا
عجبتني طريقة الفراخ الأيراني...فكرتني بأكلة مغربية بالقراصيا وكانت تحفة برضه...

اماني
انا عمري ماعملت البطاطس الكروكيه بس عملت سيرش عليها
انك تسلقي بطاطس مقشرة وتهرسيها وعليهم ملخ وفلفل وبيضة وتقومي مكوراهم وتغطسيهم بالبقسماط وتحطيها في الثلاجة عشان تمسك نفسها وبعدين تحمريها...

صباح الخير

natally

تسلمي حبيبتي من بعض ما عندكم

ROSHANA

مرسي يا جميلة علي طريقة البامية هجربها و اقولك النتيجة



فاهمة فاهمة

مرسي يا عسل علي الطريقتين للبسبوسه

ربنا يخليكي


maimnasser
شكرا حبيبتي و ان شاء الله هتعجبك جدا


****

كان عيد جوازي من كام يوم و عملت تورته

في العادي مقادير للكيكة الاسفنجية

2 كوب بيض ( حوالي 10 بيضات )
2 كوب دقيق منخول
2 كوب سكر المفروض سكر بودره بس انا كنت بستعمل السكر العادي
و كيس فانيليا
و كيس بيكنج باودر

و النتيجة كانت بطلع كويسة جدا

*****

رحت بقي ل محل درب البرابرة اللي في ميدان الجامع

لقيته بيحط حاجة كده كلها شيكولاته في علب عاملة زي علبة الزبادي

و لما سالته قالي ده جناش اشتريت علبه بحوالي 7.50 جنيه

و جبت طبعا الشيكولات الخام من عنده

و الكريم شانيه بالكيلو

و بالمرة اشتريت عجينة السابلية في اطباق كده مغلفة و زبدة المرجرين و كريم باتيسير باودر و سميد بسبوسة و اشترين محسن الكيك علبة زي بتاعت الزبادي قالي تفع 4 تورت

و اشتريت من عنده خميرة فورية تركي هو بيقول حلوة بس لسه مش جربتها

المهم في الملف اللي فات وجدت طريقة تورته اعتقد انها ل دون

6 بيضات
1 1/4 كوب دقيق
1-1/4 كوب سكر بودره
ملعقة فانيليا
و ملعقة بيكنج باورد

و لو عزاها بالشيكولاته تاخدي 2 ملعقة من الدقيق و تستبدل ب 2 ملعقة كاكام خام

****

المهم جربت الطريقة بالاكواب المعيارية

و استعملت فانيليا سائلة

و استعملت ملعقة بيكنج باودر و استعملت ملعقة صغيرة مليانة محسن الكيك

و اضفت رشة ملح علي خليط الدقيق و الكاكاو الخام

خفقت البيض الاول درجة حرارة الغرفة و معاه الفانيليا و بعد كده اضفت السكر البودره المنخول و خفقت ثم اضفت محسن الكيك

صراحة انا كنت مش عارفة احطه امتي علي الكيكة بس اتصرفت :hahaha:

المهم خفقت البيض حوالي 20 دقيقة

و بعد كده اضفت الدقيق و الكاكاو البيكنج باورد و الملح ( مخلوطين بعد النخل )ملعقة ملعقة

و انا بستعمل في الخلط الاداه الموجوده في مضرب البيض اللولبية علي اقل سرعة

لاني جربت مرة اخلط الدقيق بالبيض بالملعقة فشلت و الدقيق ترسب في القاع

المهم خلصت

و كنت مجهزة 2 صنية مقاس 24 سم

طبعا الخليط كان قليل علي 2 صنية بس انا شفت في كتير من البرامج بدل ما اعمل كيكة في صنية كبيرة اقسم الكيكة بالسكينة و احتاس

الصنية مدهونة زيت ( انا عارفة انه لابد من عدم اضافة اي مواد دهنية في قاع الصنيه لانه بيساعد علي هبوط الكيك )

بس للاسف بتضطر دائما لهذا الفعل لاني بنسي اشتري ورق زبدة :35:

المهم شفت برضو في برنامج اجنبي اننا بدل ما نبطن الصنية دهن( زيت او زبد او سمن ) و دقيق

نبطنها ب دهن و بقسماط

ليه ؟؟؟ عشان ساعات لما بتخبزي الكيك و تقلبيها بتلاقي بقايا من دقيق التبطين متواجدة في الكيك و بيكون شكلها مش حلو

انا بقي جربت موضوع البقسماط ده في كل الكيكات و كان تحفة تحفة :cook:

و جربت ارش كاكاو خام علي كيكات الشيكولاته ( في تبطين الصنينه ) و كان برضو رائع

بستخدمي الكيك بدون الحاجة للتخلص من القاع بسبب ان فيه بقايا من الدقيق

و دخلت الصنية الفرن حتي النضج و الله النتيجة طلعت رائعة

تركتهم بيردو شوية


و انا شفت برضو شفت واحدة من الاخوات مش عارفة هنا و لا في منتدي تاني

قالت ان الكيكة تغطي بفوطة مندية بعد ما تطلع من الفرن بتحافظ علي انها مش تهبط

المهم انا جربت الموضوع ده و نجح برضو في الكيكة اللي في صنية واحدة لان ارتفاع الكيك وصل لحرف الصنيه قلبتها علي فوطة نظيفة رشيت عليها مياه بالبخاخة

و فعلا النتيجة كانت رائعة


بالنسبة للكيك اللي عملتها

طبعا الكمية كانت قليلة . بعد 10 دقائق و هي في الصنية ( تركتها تهدأ )

قلبتهم علي فوطة نظيفة مندية و غطتهم بفوطة نظيفة مندية و تركتهم حوالي نصف ساعة

الحشوة

و اخذت حوالي 2 كوب كريم شانيه باودر و خفقته باللبن

و في نفس الوقت اخذت مكعب و نصف من الشيكولاته الخام في حمام مائي لحد ما ذابت اضفت عليها 2 م /ك نوتيلا و قلبتهم حتي اختلطو

و اضفت الشيكولاته السايحة بعد ما هدأت شوية علي الكريمة اثناء الخفق شوية شوية

لحد ما اختلطت تماما

و دخلتها علي الثلاجة علي طول

بدأت بتجهيز الكيك وضعت اول طبقة القاع لاعلي بلون الذهبي الجميل من البقسماط

و سقيت الكيك بالسفن اب

و وضعت جزء من الكريمة و اضفت عليه حوالي 4 ملاعق من الجناش و وزعتهم بهدوء

و بشرت شيكولاته خام القليل منها

ثم اضفت الطبقة الثانية من الكيك و القاع لاعلي و سقتيها بالسفن اب و وضعت باقي الجناش ليغطي السطح تماما

و تركته حتي تماسك شوي

و اضفت الكريمة برفق و غطيت الجوانب تماما و جملت السطح بالشيكولاته المبشورة و وردات الكريمة بكيس الحلواني


و ان شاء الله غدا انزلكم صورته التورته


و ان شاء الله تكونو استفدتو من اي معلومة جيدة في طريقتي

لولو ميرسى يا جميل على الرد بس الحاهزه بتكون محسيه لحمه مفرومه ؟
لوزه تسلم ايدك ياقمر وميرسى على التوضيح ده جزاكى الله كل خير وانا جربت حاجة درب البرابر بجد تحفه خصوصا الكريم شانتيه طعمه روعه وطازه مش زى اللى فى السوبر ماركت وكمان والباسترى كريم وكنت نفسى اجرب الاورينتال كريم بس للاسف ما كنش عنده وكمان جبت من عنده جيلى التنلميع وكان عباره عن جيلى جاهز شفاف بس مش عافه ىهو بيتفك فى ميه دافيه وبعدين يستخدم ولا ايه ؟ يا ريت اللى تعرف تفيدنى
بنات عايزه اعمل تشيز كيك بارد وعندى بسكوت وزبده وعلبة جبنه فلادلفيا وكريمه وجيلاتين ممكن تقولولى على طريقه حد جربها ومضمونه ؟

صباح الخير
عندي سؤال
كان في بنت مصرية اسمها Ronii و كانت بجد فنانه و انا استفدت منها كثير قوي
بس اختفت من فترة و ما عدتش اشوف ليها مشاركات وحشتني قوي و ياريت ترجع تاني
حد يعرف عنها اي حاجة ؟ او حد يقدر يوصل ليها ترجع تتواصل معانا في المنتدى