ماشاء الله ... ياالله اجمعنا بالجنه..(قولوا آمين ) :)
يا سلام الدنيا كلها هنا...حتى حنيني اللي خلاص نستنا ما نشوفها بالمنتدى من راحت :) كيف الحال يا حنينيتنااااا...
الهندية .. ترا انا ما ارد انا اقرا بس... ما اعرف وش ارد... لما نرجع على خير ان شاء الله اقول لكم انطباعي...
انا اقرا واقول الله يعين على الرجوع..

امييييين
انتي صادقه يا سكره انا مثلك والله بس اقرا ما عندي خبره عن الوضع كيف بيكون الله يعين
وياهلا والله بالحنيني كله هههههه
وش اخبارك وشمسويه من طول الغيبات..
تصدقين اول كنت ادور اسمك عشان اشغل الانشوده اللي في توقيعك عن الام
تذكرينها...؟!
...........
وش اخبار يا سكره؟ وش مسويه يا حبي لك من زمااان عنك
بشريني عنك وعن الجو عندكم؟

<<<< بتطردني الهنديه قلبت موضوعها شات :D

يس بصراحه اشكرك علي هالموضوع الي اثرتيه فتحتي عيوننا علي اشياء كثيره واشكرك كل من رد تعجبني المواضيع اللي فيها نقاش جاد اياً كان نوعها..

جزاكم الله خيرا واعاننا الله علي اصلاح نفسنا ومجتمعنا لما فيه الخير والرفعه لنا ..
سلااااام

ا

حبيبتي منال
لا اتوقع انه في طريقة ردي اي شئ مخالف مجرد وجهة نظر وابين لها انه في ناس غير الي تشوفهم يعني لا تقول انا ما اتحمل ارجع للوطن
وبصراحة جالسة ارد عليها من الواقع الى انا عايشته اشوف اني اتصرف بحرية ولا احد يدخل فيني وكل الناس كذا وانا استغربت منها
وعلى فكرة انا سافرت قبل للخارج كثير يعني لا تقولين ما اعرف الناس هناك
الي اعرفه ومؤمنة فيه ان الحرمة عندهم مبهذلة وكل شي عليها
والسلام ختام
ارجو ان تتقبلي وجهة نظر الاخرين حتى وان كانت تخالف مافي نفسك

لزانيا
هلا بك اختي و مشكوره على ردك و مع ان الاخت manloa ما قصرت في توضيح الامور الا اني افضل اني اوضح انا بعض الامور ..

اولا .. لو سمحت لا تتكلمين عن زوجي بهذه الطريقه . انت ما تعرفينه و ما احب انه تجي سيرته الا في كل خير .. انا الي مشتركه و انا الي كاتبه الموضوع تبين تتكلمين عني خذي راحتك .. لكن زوجي .. لو سمحتي ما احب انك تحكمين عليه او تتهمينه بشي مو فيه .. ما احب انه زوج ييدفع ثمن مشاركاتي بالمنتدى ..

ثانيا: ترى اختلاف وجهات النظر لا يفسد للود قضيه .. يعني انا ما ازعجني من كلامك شي الا يوم تكلمتي عن زوجي .. غير كذا .. يا هلا و سهلا فيك و انا و موضوعي تحت امرك .. و بالعكس انا احب اسمع الرأي الاخر .. و هذا يثري موضوعي ..

الحين ارد على الكلام الي قلتيه ..
اختي ترا انا ما قلت ان العيشه مستحيله .. و لا كان ما شفتينا رجعنا و لا ذكرت بعض الايجابيات و لا حتى غنيت يالسعوديه .. بس خليني اعطيك مثال .. لما تتعودين تعيشين في بيت قديم ما راح تلاحظين انه قديم لكن اذا عشتي بقصر و بعدين نقلت لبيت قديم راح تطلعين في القديم الف عيب !! هل القديم مستحيل العيش فيه اكيد لا
هذا الي انا اقصده الواحد اذا تعود على الافضل يكون صعب عليه انه يرجع للي اقل منه .. لكن ممكن يرجع ..

موضوع انه مجتمعي انا كذا .. و انتم مجتمعكم غير .. فا بصراحه ما ادري وش تقصدين ؟ يعني مجتمعي (اسرتي و معارفي) فقط هم الي يسرعون يالشوارع و عيالهم يفحطون .. و لا هم الي يرمون الاوساخ بالشوارع و لا هم الي يسقطون عليك اذا جيتي تحاسبين و يحاولون ياخذون دورك ؟؟ اهلي و معارفي بس هم الي مسوين كل هذه الفوضى بالديره !!! و كل اهل السعوديه مثالين .. !! اتوقع لو هذه الحال كان سمعتي عنا بالاخبار من زمان .. و كانو اهلي و معارفي منفين من زمان ..
هل تبين تقولين انه المجتمع الي انت عايشه فيه خالي من كل هذه العيوب ..
اختي لا تحسبين اني اهاجمك ,. انا مثلك قبل لا اتغرب كنت اسمع و استغرب لكن يوم عشت الواقع عرفت.. احيانا يكون الشخص عايش طوووول حياته في مكان و يتعود على اشياء معينه و تصير روتين عنده و ما يحس انه الي يسويه ممكن يتحسن او فيه طرق افضل منه .. لكن اذا جرب حياة غير عرف الفرق ..

اما موضوع اني اروح للمستشفى بتاكسي .. فا لا كنت اروح بسيارتي الخاصه يعني مو سياره زوجي ( لاني كنت اسوق) اما لو ما كان عندي سياره كان زوجي راح يوديني لانه ما يرضى اركب تكسي لا في امريكا و لا غيرها .. و ليش انا ما اسوق في السعوديه فا لانه ما فيه سواقه للحريم .. و لو فيه يمكن ما اسوق لان اوضاع المجتمع و احوال الشوارع بصراحه ما تساعد ..


و الله يهنيك بالطلعه .. و ترى ردك ما كان صدمه بالنسبه لي لاني من قريت اول سطر عرفت انك ما تغربت .. بعد سنتين اتوقع راح يتغيير رايك .


manola
هلا بك اختي و يسعدني متابعتك لموضوعي و شكرا اختي لتوضيح
لزانيا اكيد بس تجرب الغربه راح تغيير رايها .. بس انت ما نزلتي زياره ابد خلال الخمس سنوات .. لان الزياره احسها تخفف شوي من صدمة المفاجئه ..
الله يوفقك و يردك لبلادك سالمه


حنيني
هلا و الله اقول وش رايك تغيرين اسمك مدامن الشتاء راح .. سمي نفسك .. (جحه) علشان الصيف ..
اما التشره خوذي و خلي .. و الكلمه الي دايم اسمعها .. كأنك الين الحين بامريكا .. بس تصدقين التشره خف شوي فا ان شاء الله اني بالطريق السليم
اما موضوع الوالده .. فا شكلي راح استخدم طريقتك .. انا من اول ما تزوجت و انا متفقه انا و زوجي ان اي شي من جهة اهله يخلي نفسه هو الغلطان و هو الي يتحمل المسؤوليه و اي شي من جهة اهلي اكون الي مسؤوله .. يعني من تزوجت ما عمري قلت لامي زوجي رفض .. دائما اقول انا ما ابي و لا مشغوله .. لكن شكلي المفروض اغير هذه السياسه .. مع انهم احس ما راح يصدقوني لانهم تعودو .. يحسبون زوجي ما يرفض لي طلب بس انا الي ما ابي !!!
الله يعين بس يا حنيني .. و ان شاء الله نقدر نتأقلم قريبا ..

سكر
امين يارب
هلا بك .. يا احلي سكره .. مع انه متابعتك غاليه علي بس انا افرح بالمشاركات اكثر
اهم شي يا سكر انك ما تفكرين بالموضوع لاني يوم كنت بلغربه كنت افكر كثير و احس انه ما نفعني التفكير الي واجهني اشياء مختلفة تماما عن الي فكرت فيه
الله يرجعك بالسلامه

ام ريما
هلا بك اختي لا وش دعوها اطرك .. اطرد نفسي و لا اطردك ... الموضوع حلالك اختي .... (بس لا تعودينها) هههه
و ترى الشكر مو لي لا لكل العضوات الي تحمسو و كتبو عن مشارعهم و ارئهم هم الي خلو المضوع فعلا مفيد .. الله لا يحرمني منهم
مشكوره اختي على ردك و الله يردك بالسلامه ..

هلا اختي لزانيا
اسفه الظاهر انك كنت تكتبين و انا اكتب فا ما رديت على ردك الثاني
على فكرة ترى انا ما قلت انا ما تحمل ارجع للوطن ! لاني فعلا رجعت
انت لك وجة نظر الخاصه بس وجهة نظرك ما تعني التجريح فيني .. و موضوع السفر للخارج انا سافرت للخارج كثير قبل لا اجي لمريكا .. لكن التمشيه و السياحه غير عن العيشه.
عموما مشكوره على مرورك و يسعدني اهتمامك بموضوعي .