اهلين فيك يالهندية
بصراحة ما كان قصدي اتكلم على زوجك او اقول اي كلام بس قلت يمكن كان مسموح لك اشيائ هناك وهنا تغيرت ولا تفهميني غلط
وانتي في بداية كلامك ما قلتي ان الفرق بيننا وبينهم من ناحية النظافة او النظام , لكن كنت تتكلمين عن كيف كنت تتصرفين بحرية هناك صح كلامي والا لا
اما من ناحية انهم عندهم تطور وانهم منظمين اكثر منا واشياء ثانيه من هذا القبيل فهذا كلام صحيح ولكن لنعمل جاهدين من اجل تطوير من حولنا
واتمنى للجميع التوفيق وارجو ان لا تفهمين ان القصد من كلامي ان اتعرض لاحد بسب او شتم مهما كان

بعد انا ما شفت ردك الاخير الا بعد ما كتبت الرد الثاني لكن اهم شي وضحت لك ان ما قصد الشتم والسب وليس هذا من طبعي

واتمنى لك السعادة والتوفيق يارب

السلام عليكم ورحمه الله وبركاته

مشكوره اختى الهنديه على هالموضوع وترى انا متابعتكم من الاول وكثييييييييييييييييييييير عجبني الموضوع
ولاتخافين مو بس انتى اللي ملاحظه انا من قبل ماجي هنا قصدي للسكن لفتره طويله لظروف زوجي ماقصد السياحه لانها تفرق كثيييير
من قبل ماجي وانا اقول لزوجي الله يعين اذا رجعنا لاني انا من قبل ماجي لاني احب انصح يقولون شايفه نفسها كيف لو اجي من امريكا عاد شايفه نفسها ونص انا صراحه لما يهاجموني بكلامهم اسكت
والله يعين بس انا برايي انه من اصعب الامور علينا هو تدخلات الناس وامي زوري فلانه فلانه بتسلم فلانه بتيجي وياليتهم كله حب لا بيشوفون بنتنا غيرتها امريكا ولالا كنا مادرسنا ولاتعلمنا بالعكس انا اقول لزوجي اشياء كثيييييييييييييييييييييره كنت بس اقراء عنها واشوفها صور ماتوقعت انهم بهالدرجه من التطور ياخواتى يكفيكم ان هاذي البطاقه حقت الولايات اللي تحت سن 21 يعطونهم شكل غير الكبار عشان يحاولون يحدون من مستوى الادمان يعنى بنت لما تغتصب تحت 21 يعدمونه موزي السالفه اللي صارت عندنا سجنوه سنه وهي بنت صغيره واللي مو مصدقه تشوف الساحات
وانا من الاساس اشوف ان فى بمجتمعنا عادات غلط بس احنا ربانا ابوي على اننا مانصير امعه ياختى فيه اشياء تقهر مثل تتعبين تدورين لبس وغالي ولما تلبسينه مره او2 صار قديم وراحت موضه هنا لا مالاحظتو بالمولات انها تطول الموضه عندهم وفلانه قالت وفلانه سوت يعنى شى يتعب تصدقين اقول لزوجي هنا يمكن بيوم من الايام اسوق لكن هناك لا وش يفكنا من المعاكسات وهي للاسف موجوده بكل الدول العربيه وبالاخص الخليجيه مو تجي وحده تقول انه عشان شى جديد بالسعوديه لا هاذي غير سالفه العروس اللي مانزل الله بها من سلطان والله صادقه بنت الجزيره انا بس خوفي بيوم من الايام يدخلون معنا الرجال ويشوفون اللي نشوفه :16:
ومن ناحيه الزيارات انا من الحين راح اعود نفسي على الشى اللي يناسبني الحين وانا هنا تجيني مكالمات مزعجه وش تسوين وين تروحين اكيد بس بالبيت وشلون الحاله الماديه مايدرون انه فعلا غلا غلا غلا غلا بس اللي ابيه اجيبه :D تصدقون انا قليل اللي قالي تروحين وتيجين بالسلامه قصدي الناس اللي بعمري والحين يكلموني يقولو مليتي مامليتي ودي اروح اقعد هناك 5شهور بس اخاف يجون ويطلعون سالفه ثانيه متزاعله معاه مثلا
وبالاخير الله يرجعنا لديرتنا سالمين وكل واحد منا يرجع بالشى اللي راح يتمنى ياخذه ويجيبه ويوفقنا اجمعين والانسان مهما كان مايقدر يغير شى لكن البعثات هنا هالسنه كثيييييره مره انا اقول لزوجي يارب يرجعون شبابنا اخذو الزين هنا من كل النواحي مو بس شهاده وبس
صح بنات انا هنا الاحظ انه فيه اشياء غلط اشوفها لما اشوف الناس اللي من مجتمعاتنا الخليجيه ويستحي الواحد انه يقول
وسلامتكم

الهندية <<<<< يقولون الخير بوجهك

خلين ابروح افرك عيوني زيييييييييين واجي اتاكد

معقوووووووووول حنيني بوه...عفوا قصدي (الجحة) ترى على ذمة الهندية هههههههههههه


منين طلعتي!!!!!!!!!!!!!!!!!!!


حيااااااااااااك اللي ماتنام عينه

اخباااااااارك واخبااااااااااااار عيالك والوالدة وكل من يعز عليك

ياقلبي انتي

وينك ووين ايام الماسنجر<<<<لا ياقلبي منيب شرهه عليك مع هاللي يشرهون بس ودي اعلمك اني فقدتك والله العظيم اني فقدتك

اشكرك يالهندية على هالموضوع

والله يجعل كل حرف بميزان حسناتك ياااااااااااارب

لزانيا
هلا بك اختي و شكرا على مرورك و اهتمامك بموضوعي
عادي اختي حصل خير
اما عن موضوع اني تكلمت عن الحريه و ما تكلمت عن النظام فا انا تكلمت عنهم كلهم .. و ترى الحريه الي اقصدها مو زي منتي فاهمه .. انا ما اقصد اني محبوسه بالبيت طول الوقت انا ما يمر على يومين من دون طلعه .. لكن اي طلعه .. طلعه لفلانه والده و لا فلانه بالمستشفى و لا اهلي يبون يزورون فلانه و يبوني اروح و لا زواج و لا عزيمه هذا غير الاربعاء و الخميس الي اما عند اهلي و اما عند اهل زوجي و الجمعه يادوب استعداد للمدارس وين اليوم الي يكون خاص للاسره الصغيره لك و لزوجك و اطفالك.. هنا بالمجتمع السعودي حياتك للمجتمع اكثر مما هي لنفسك .. تلاحظين انك تقدمين للناس اكثر مما تقدمين لاطفالك .. و طبعا لا تنسين كل مشوار انت تطلعين فيه عيالك اما مع الشغاله او عن اهلك ..مساكين ..
هنا للاسف افكر باشياء المفروض ما افكر فيها .. ايش البس وين اروح متى اجي بالي مشغول على طوول لكن مو بالاهتمام في بيتي لا لارضاء المجتمع .. المشاوير الي احتاجها لنفسي او لاطفالي دائما مؤجله ..
انا ما الومك انت تعارضيني لا .. انت ما جربتي انا قبل لا اروح لامريكا كنت مثلك عادي عايشه و مبسوطه و ما حسيت انه عندي مشكله
انتي مثلك مثل ناس كثير هنا ينتقدوني و مهما شرحت لهم يقولون ولو هذا ديرتك و المفروض انك متعوده .. صدقيني مهما قلت ما يقتنعون تدرين ليش لانه ما يحس النار الا واطيها .. و هم ما جربو ..
يمكن لو انا كتبت موضوع اول ما جيت لامريكا كنت راح اقول نفس هذا الكلام . لاني احاول اتأقلم مع نظام جديد هذا ما يعيب امريكا و لا يعيب السعوديه .. العيب فيني لاني انا الي تغيير على الجو .. و لو تلاحظين احنا الحين بالصفحه العاشره و اغلب الي دخلو مؤيدين كلامي او على الاقل ما استغربوه ... و حتى الي استغربو كان اعتراضهم انه هذا مهما كان بلدنا و لازم احنا نصلحه و نغيره ..
تدرين ليش نسبة التأييد عاليه لانهم كلهم مغتربات او كانو مغتربات .. عاشو الوضع و حتى لو ما وصفت لهم هم حاسيين ..
انت ان شاء الله اول ما تروحين لبريطانيا .. راح تحنين للسعوديه و ما راح تشوفين الي احنا نقوله الحين بس .. بعد ست شهور على الاقل راح تتعودين و بعد ما تخلصين السنتين راح تتذكرين كلامنا .. لاحظي انت راح تجلسين سنتين بس .. و انا جلست في امريكا اكثر من 8 سنوات ..كل ما تطول المده كل ما تتعودين على البلد اكثر و تفقدينه اكثر ..
الله يوفقك و ننتظر منك موضوع بعد سنتين و قولي لنا رايك ..

الورود النديه
هلا بك اختى و يا هلا و سهلا فيك
موضوع اللقافه بالمجتمع للاسف ظاهره متفشيه .. احس الناس يحبون يزورن علشان يشوفون وش شكل بيتك و لا وش راح تحطين لهم .. و الكل يتنافس بالاشياء الي تقدم
اما موضوع البطاقه الي للناس الي اصغر من 21 فهذا عادي مقارنه بالاشياء كثيره .. يكفيك اهتمامهم بالمعاقين و الامهات الحوامل و الي معها طفل صغير .. لهم مواقف خاصه جنب باب المول .. هذا غير اهتمامهم بالاطفال .. في كل دورة مياه طاوله للتغيير و في بعض الاحيان يوفرون لك حتى المناديل .. و لا عاد موضوع الشراء النت كل شي يجي لباب بيتك .. ما اقصد خضار و حليب و خبز من البقاله مثل السعوديه .. لا حتى الملابس و الاجهزه .. كل شي .. وش اعد وش اخلي
الله يعين بس
اما موضوع السواقه فهو فعلا كانت متعه في امريكا لا معاكسات و الناس محترمين جدا بالشوارع و لا حتى يفكرون يتعرضون لك علشان انك من جنسيته مختلفه و اذا اشتركت ب ِِAAA خلاص متى لا سمح الله ما احتجتيهم تلاقينهم مع انه و لله الحمد لاكثر من 8 سنوات ما تعطلت السياره و لا احتجتهم ,, اما بالسعوديه .. عساك تسلمين و انت مع زوجك .. مو عاد طالعه لحالك ..
.. و الله انا عايشة ايام احداث سبتمر و اطيب من الامريكان ما شفت .. ما اذونا و لا بكلمه محترمين .. بالعكس صارو يسلمون علينا اكثر من اول .. و هنا لو تشوفين تكشرية الناس تقولين اني ذابحتلهم احد :16:
اما موضوع انني احدد الزيارات فا انا احاول بس فيه اشياء لابد منها و كل شوي يطلع مشوار زياده و المكشله انه احيانا زياره وحده توهقك .. يعني وحده ولدت و زرتيها و قلت خلاص راح اقطع هذا الباب هي زارتني و انا زرتها و الحمد لله .. بعدها بفتره اختها ولدت و هم كلهم قرابيك ما تقدرين تزورين اخت و الثانيه لا .. و هكذا .. الله يعنيا و يقوينا على تغيير ما يمكن نغييره ..
مشكوره اختي على مرورك ..


حروووومه
هلا و الله و غلا ..
فركتي عيونك زيييييين
ايه ايه هذي حنيني ما غيره .. و بعدين انت ما صدقتي لا تقولين له الجحه لين هي توافق و بعدين يصير رسمي .... و لا السكوت علامة الرضى يا حنيني ... !! شكل الرد الجاي من حنيني تخاف يصير اسمه الجحه من جد

بس عاد تصدقين يا حروومه احس هذا الموضوع رجع الايام الخوالي فعلا ذكرني بايام زمان ... الله قولي امين يجبر بخاطر كل من شارك في هذا المضووع .. لما شفت جمعتكم في مضوعي دمعت عيني .. لا خلا و لا عدم