ميسون هانم :

فعلا يالهنديه فيه اشياء كثيره ودنا تتغير مثلا نكون منظمين ونحترم بعضنا البعض ونقلل من هالكماليات اللي ماجابت الا وجع الرأس اما اللي قالوا ان المجتمع قليل فيه الوسط اما متطرفين او متساهلين فالله يسامحهم فقط ينظرون لمن حولنا من دول الخليج نختلف تماما عنهم وهذا رأيته في بلاد الغربه ووالله انهم يغبوطونا على النعمه اللي حنا فيها نحترم ازواجنا نهتم بحجابنا معتزين بديننا والله انهم سووا لنا مسابقه مشتركه بين دول الخليج في اتحاد الطلبه حق الكويتين وطلعوا السعوديات جدا مثقفات وحتى وحده قالتلي وهي متحرره ياحظكم رجاجيلنا ماينعطون وجه يوم سقنا صار كل شئ على رؤسنا حتى السواق ماتخلينا عنه عشان يودي امنا العيوز ويجيب اغراض البيت !!!! لذلك رجاء من بعض الاخوات لاتطلق الكلام هكذا مثل الببغاء ولتنظر لمن حولها شوي شوي الى ان مسخ الدين والعياذ بالله وانا متغربه الان واذا رأيت من تأثرت بالغرب والله اني لاتحسر لكن السعوديات يارب لك الحمد نادر من تأثرت وهذا يدل على ماذا لكن لاندري ماذا ينتظرنا مستقبلا لان المجتمع بدأ يتأثر . اللهم اننا نعوذ بك من الفتن ماظهر منها ومابطن.

فعلا يالهنديه فيه اشياء كثيره ودنا تتغير مثلا نكون منظمين ونحترم بعضنا البعض ونقلل من...

ميسون هانم :

فعلا يالهنديه فيه اشياء كثيره ودنا تتغير مثلا نكون منظمين ونحترم بعضنا البعض ونقلل من هالكماليات اللي ماجابت الا وجع الرأس اما اللي قالوا ان المجتمع قليل فيه الوسط اما متطرفين او متساهلين فالله يسامحهم فقط ينظرون لمن حولنا من دول الخليج نختلف تماما عنهم وهذا رأيته في بلاد الغربه ووالله انهم يغبوطونا على النعمه اللي حنا فيها نحترم ازواجنا نهتم بحجابنا معتزين بديننا والله انهم سووا لنا مسابقه مشتركه بين دول الخليج في اتحاد الطلبه حق الكويتين وطلعوا السعوديات جدا مثقفات وحتى وحده قالتلي وهي متحرره ياحظكم رجاجيلنا ماينعطون وجه يوم سقنا صار كل شئ على رؤسنا حتى السواق ماتخلينا عنه عشان يودي امنا العيوز ويجيب اغراض البيت !!!! لذلك رجاء من بعض الاخوات لاتطلق الكلام هكذا مثل الببغاء ولتنظر لمن حولها شوي شوي الى ان مسخ الدين والعياذ بالله وانا متغربه الان واذا رأيت من تأثرت بالغرب والله اني لاتحسر لكن السعوديات يارب لك الحمد نادر من تأثرت وهذا يدل على ماذا لكن لاندري ماذا ينتظرنا مستقبلا لان المجتمع بدأ يتأثر . اللهم اننا نعوذ بك من الفتن ماظهر منها ومابطن.

فعلا يالهنديه فيه اشياء كثيره ودنا تتغير مثلا نكون منظمين ونحترم بعضنا البعض ونقلل من...

الهنديه :

لزانيا هلا بك اختي و شكرا على مرورك و اهتمامك بموضوعي عادي اختي حصل خير اما عن موضوع اني تكلمت عن الحريه و ما تكلمت عن النظام فا انا تكلمت عنهم كلهم .. و ترى الحريه الي اقصدها مو زي منتي فاهمه .. انا ما اقصد اني محبوسه بالبيت طول الوقت انا ما يمر على يومين من دون طلعه .. لكن اي طلعه .. طلعه لفلانه والده و لا فلانه بالمستشفى و لا اهلي يبون يزورون فلانه و يبوني اروح و لا زواج و لا عزيمه هذا غير الاربعاء و الخميس الي اما عند اهلي و اما عند اهل زوجي و الجمعه يادوب استعداد للمدارس وين اليوم الي يكون خاص للاسره الصغيره لك و لزوجك و اطفالك.. هنا بالمجتمع السعودي حياتك للمجتمع اكثر مما هي لنفسك .. تلاحظين انك تقدمين للناس اكثر مما تقدمين لاطفالك .. و طبعا لا تنسين كل مشوار انت تطلعين فيه عيالك اما مع الشغاله او عن اهلك ..مساكين .. هنا للاسف افكر باشياء المفروض ما افكر فيها .. ايش البس وين اروح متى اجي بالي مشغول على طوول لكن مو بالاهتمام في بيتي لا لارضاء المجتمع .. المشاوير الي احتاجها لنفسي او لاطفالي دائما مؤجله .. انا ما الومك انت تعارضيني لا .. انت ما جربتي انا قبل لا اروح لامريكا كنت مثلك عادي عايشه و مبسوطه و ما حسيت انه عندي مشكله انتي مثلك مثل ناس كثير هنا ينتقدوني و مهما شرحت لهم يقولون ولو هذا ديرتك و المفروض انك متعوده .. صدقيني مهما قلت ما يقتنعون تدرين ليش لانه ما يحس النار الا واطيها .. و هم ما جربو .. يمكن لو انا كتبت موضوع اول ما جيت لامريكا كنت راح اقول نفس هذا الكلام . لاني احاول اتأقلم مع نظام جديد هذا ما يعيب امريكا و لا يعيب السعوديه .. العيب فيني لاني انا الي تغيير على الجو .. و لو تلاحظين احنا الحين بالصفحه العاشره و اغلب الي دخلو مؤيدين كلامي او على الاقل ما استغربوه ... و حتى الي استغربو كان اعتراضهم انه هذا مهما كان بلدنا و لازم احنا نصلحه و نغيره .. تدرين ليش نسبة التأييد عاليه لانهم كلهم مغتربات او كانو مغتربات .. عاشو الوضع و حتى لو ما وصفت لهم هم حاسيين .. انت ان شاء الله اول ما تروحين لبريطانيا .. راح تحنين للسعوديه و ما راح تشوفين الي احنا نقوله الحين بس .. بعد ست شهور على الاقل راح تتعودين و بعد ما تخلصين السنتين راح تتذكرين كلامنا .. لاحظي انت راح تجلسين سنتين بس .. و انا جلست في امريكا اكثر من 8 سنوات ..كل ما تطول المده كل ما تتعودين على البلد اكثر و تفقدينه اكثر .. الله يوفقك و ننتظر منك موضوع بعد سنتين و قولي لنا رايك .. الورود النديه هلا بك اختى و يا هلا و سهلا فيك موضوع اللقافه بالمجتمع للاسف ظاهره متفشيه .. احس الناس يحبون يزورن علشان يشوفون وش شكل بيتك و لا وش راح تحطين لهم .. و الكل يتنافس بالاشياء الي تقدم اما موضوع البطاقه الي للناس الي اصغر من 21 فهذا عادي مقارنه بالاشياء كثيره .. يكفيك اهتمامهم بالمعاقين و الامهات الحوامل و الي معها طفل صغير .. لهم مواقف خاصه جنب باب المول .. هذا غير اهتمامهم بالاطفال .. في كل دورة مياه طاوله للتغيير و في بعض الاحيان يوفرون لك حتى المناديل .. و لا عاد موضوع الشراء النت كل شي يجي لباب بيتك .. ما اقصد خضار و حليب و خبز من البقاله مثل السعوديه .. لا حتى الملابس و الاجهزه .. كل شي .. وش اعد وش اخلي الله يعين بس اما موضوع السواقه فهو فعلا كانت متعه في امريكا لا معاكسات و الناس محترمين جدا بالشوارع و لا حتى يفكرون يتعرضون لك علشان انك من جنسيته مختلفه و اذا اشتركت ب ِِAAA خلاص متى لا سمح الله ما احتجتيهم تلاقينهم مع انه و لله الحمد لاكثر من 8 سنوات ما تعطلت السياره و لا احتجتهم ,, اما بالسعوديه .. عساك تسلمين و انت مع زوجك .. مو عاد طالعه لحالك .. .. و الله انا عايشة ايام احداث سبتمر و اطيب من الامريكان ما شفت .. ما اذونا و لا بكلمه محترمين .. بالعكس صارو يسلمون علينا اكثر من اول .. و هنا لو تشوفين تكشرية الناس تقولين اني ذابحتلهم احد :16: اما موضوع انني احدد الزيارات فا انا احاول بس فيه اشياء لابد منها و كل شوي يطلع مشوار زياده و المكشله انه احيانا زياره وحده توهقك .. يعني وحده ولدت و زرتيها و قلت خلاص راح اقطع هذا الباب هي زارتني و انا زرتها و الحمد لله .. بعدها بفتره اختها ولدت و هم كلهم قرابيك ما تقدرين تزورين اخت و الثانيه لا .. و هكذا .. الله يعنيا و يقوينا على تغيير ما يمكن نغييره .. مشكوره اختي على مرورك .. حروووومه هلا و الله و غلا .. فركتي عيونك زيييييين ايه ايه هذي حنيني ما غيره .. و بعدين انت ما صدقتي لا تقولين له الجحه لين هي توافق و بعدين يصير رسمي .... و لا السكوت علامة الرضى يا حنيني ... !! شكل الرد الجاي من حنيني تخاف يصير اسمه الجحه من جد بس عاد تصدقين يا حروومه احس هذا الموضوع رجع الايام الخوالي فعلا ذكرني بايام زمان ... الله قولي امين يجبر بخاطر كل من شارك في هذا المضووع .. لما شفت جمعتكم في مضوعي دمعت عيني .. لا خلا و لا عدم

لزانيا هلا بك اختي و شكرا على مرورك و اهتمامك بموضوعي عادي اختي حصل خير اما عن موضوع اني...

حنيني :

مراحب بالجميع ياهلا والله بالغلا كله يالله انك تحيي حرومة وتسعده انا واعيالي وابو عيالي كلنا بخير ونعمه والوالدة بعد بشرينا عنك وعن دراستك ايه الله يذكر ايام الماسنجر بخير.... القلوب شواهد :icon33: من نظفت الجهاز والماسنجر راح يبيلي احمله من جديد وخبرك النت عندنا بطيء مايشجع بس تراي ارسلتلك دعوة في جيميل (( ايميل قوقل )) اتمنى انك تقبلينه لانه ما سنجره اسهل استخدام ما يحتاج تحميل :icon35: اما الاسم جا بوقته يالهنديه قاعده ادور اسم باغير اسمي ولو انه ما انتهى وقت الحنين بديت احن على امريكا والايام الخوالي والاسم جدا مناسب مع بدايه الصيف والناس >>> يوء اقصد الصيف والحر للمعلومه الي مايعرف ايش هي الجحه (( يعني حبحب)) واشكرك يالهنديه على الموضوع الي جمعنا ولم شملنا الله يجمعنا بجنات النعيم

مراحب بالجميع ياهلا والله بالغلا كله يالله انك تحيي حرومة وتسعده انا واعيالي وابو عيالي...