انا ياخت الهنديه متابعه موضوعك من البدايه وطرح حلو واسلوب احلى ومالومك على اغلب الى تقولينه من سلبيات لانها موجوده فى مجتمعاتنا بس نستصعبها اذا غبنا وردينا لديرتنا مره ثانيه ومن زمان ودى اشاركك بالموضوع بس ترددت يمكن لانى عضوه جديده ويمكن لانى الاحظ هجوم احيانا من بعض البنات موعلى طبعا بس ملاحظه بودى ابدى تاييدى لرايك فيما يخص الجمعات اتصدقين احس مثل ماقلتى احنا نقضى اكثر الوقت للمواجيب اكثر مايكون لبيوتنا وهذى من الاحوال الى موعاجبتنى من زمان بديرتى هذى والد وهذى نازله بيت وهذىمرضه وهذىوهذى ولما تخلصين من الجماعه دشى بدائره الاصدقاء وبعدها الى معاك بالدوام وغير الجيران ترا معن راييى انى مواجتماعيه بالعكس ولله الحمد اجتماعيه لابعد الحدود بس مااغبى عليكم تعبت من ضريبة الاجتماعيه وبدات اخفف من الزيارات والمواجيب والكل مستغرب عس ماشر واسفه للاطاله بس بغيت اقول الى بجعبتى

حرووومه
هلا و الله و غلا
صادقه يا ربي لك الحمد غيرنا يتغرب لمرض الله يكفينا الشر و لا جالس هناك غصب عنه اما لسجن او غيره .. يا ربي لك الحمد على النعمه و الله يشفي كل مريض و يفك سجن الي مسجونين و يرد كل متغرب لاهله ..
مشكوره اختي على المتابعه

L20
مره ثانيه
انت لسه جديده و اتوقع انك لسه ما كملتي السنتين .. بس تتأقليمن و تجي وقت الرجعه اتوقع تجيين تكتبين موضوع هنا ..
مشكوره اختي لمرورك


مرة الدكتور
فعلا هذا الهدف الاستعداد النفسي .. و بصراحه كنت اتمنى انه كان فيه احد كتب مثل هذا الموضوع قبل لا ارجع .. يمكن كان استعديت .. لانه الكل يمدح بالرجعه و اول ما رجعت حسيت بعقدة الذنب و كنت اقول معقوله الكل مبسوط الا انا .. معقوله لهدرجه اميركا غسلت مخي .. مع اني كنت جدا قلقه من الرجعه .. و كنت افكر كثير بس ما كان عن امور محدده لا كنت مشتته و احط خطط بالاخير صارت خياليه ..
مشكوره على المتابعه اختي


بنت الناس 99
هلا و الله و سهلا و اهلا بك عضوه جديده بعالم حواء المتميز الي ان شاء الله ما راح تلقين فيه الا الي يسرك .. و يشرفني متابعتك لموضوعي و حتى لو عارضتيني في رائي ان شاء الله ما راح تلقين هجوم .. و فعلا مثل ما قالت الاخت manloa ملتقى الاحبة المغتربين تعاملهم مع بعض غير ما فيه هجوم و الكل يحترم وجهه نظر الاخر ..
مشكوره اختي على المتابعه

موضوعك راااااااااااااااائع وانا كل يوم اقراه ابي ابرمج نفسيتي للصعوبات والسلبيات

بس عندي كلمه وحده تقول ان امريكا اذا ولدتي بنت حطوك في غرفه لونها وردي واذا ولد
غرفه لونها سماوي

هذي موجوده عندنا في مستشفى الحمادي

:)

ورد الريف ......

لا والله

أنا ماحطوني ولا بغرفةمن اللي قلت عليهم ؟.!!!!!!


الهندية

سلبيات مجتمعنا غالبا نفس السلبيات تقريبا عندكم

لكن بزيد عليها :


عدم وجود الحرية الشخصية أقصد التدخلات
معاشرة ناس ما بتحبيهم لكن خايفة من لسانهم

المجاملات والرسميات وتمسيح الجوخ على قولنا

سمعاك لكلمات عيب وما بصير وشو طلعة وشو فوتة ...........الخ من هالحكي

إضافة لسلبيات الدوائر الرسمية والمعاملات ووو.............. الله يعين رجالنا يا رب

لكن إن شاءا لله نستطيع تغييره للأحسن بفضل الله تعالى

الإختلاط في بعض االعائلات - الحرية

ورد الريف
هلا بك اختي
المعلومه قالتها وحده من المغتربات بس انا ولدت و ما حطوني لا بغرفه و رديه و لا زرقاء لون الغرفه كان عادي جدا .. يمكن من مستشفى لمستشفى .. اما عن الحمادي ايه سمعت عنه و شفت بعيني لاني زرت كذا وحده والده فيها .
و مشكوره اختي على المتابعه

شام
اهلا فيك اختي و مشكوره لانك لبيتي طلبي و رجعتي و قلتي لنا عن سلبيات مجتمعك .. فعلا دائما افكر فيها اذا المجتمع فيه اختلاط احسه مره صعبه على النساء المحجبات الي هناك يعني الوحده دائما جالسه بحجابها .. و افكر بالعرايس يعني يا تكون غير محجبه و تلبس الي تبغى و لا محجبه و تتحجب حتى في ليلة عرسها .. لانه يدخلو رجال عليها .. مثل اخوان الزوج و غيرهم من الي يحضرون الزواج .. انا اشوف هذه الاشياء بالمجلات لما يجيبون صور لزواج جماعي و ارحم العروس المحجبه لانه فعلا جمال العروس بشعرها و تسريحتها و مكياجها .. تخيلي اذا راحت للبيت و شالت حجابها كيف ممكن يكون شكل الشعر بعد لبس الحجاب لساعات .. اشوف نفسي ,, اكون كاني مدهنه شعري و طالعه ,, لاصق و يلمع
اما الدوائر الحكوميه فا حدث و لا حرج .. الله يصبرنا ..
و موضوع شو طلعه و شو فوته .. الحمد لله مو عندنا تدرين ليه لانه عندنا فيه نقاب و الاغلبيه العظمى مغطيه وجهها (في الرياض) فا ما احد يدري اذا انت فلانه و لا لا ..
بس مدارات كلام الناس اتوقع اننا نشترك فيها .. و كان الناس عندهم رزقي و اخاف يقطعونه عني ما احد راضي يقتنع بان رضى الناس غاية لا تدرك ..
مشكوره اختي على مرورك