ودي اقول التغيرات الي تصيب الاطفال .. لكن انا مجرد مثال يعني ماني عالمه .. بس راح اقول الي صار لعيالي ..
عيالي و لله الحمد و المنه تغيرو تغير ملحوظ .. شي شي غير طبيعي .. ولدي الي لسه ما كمل السنيتن صار يضرب !!!! و يضرب مين يضرب اي شي ممكن يوقف بطريقه
لو تضرب راسه الطاوله ضربها لو شاف مع اخته لعبه يبيها ضربها .. لو يبي يلعب مع اخته برضه ضربها .. لو يبيني اعطيه حليب ضربي و لو ما يبي ينام برضه ضربني .. ملاحظه اسلوب الضرب ممنوع في البيت يعني انا ما اضرب احد من عيالي و لا ابوهم يضربهم .. لاني استخدم العقاب اما باحرمان .. او اي شي ثاني .. بس الولد من وين جاب الضرب الله اعلم .. !!!
اما بنتي .. فا ياسلام ,, البدايه كانه كئيبه الكل يلعب عليها و ياخذ اغراضها و يتريق عليها الكل يقول انت ما تعرفين كذا و انا اعرف .. و طبعا لانه مسموح الى حد بيعد التلفظ بألفاظ سيئه بين الاطفال لانهم (بزران و ما يفهمون) فا مو من حقك الاعتراض او حتى انه تخاصمينهم .. و صارت بنتي تسمع و تجي تشتكي و كنت اقوله معليش اهم شي انت لا تردين .. و كنت في قرارة نفسي مو راضيه .. لاني اعلم البنت تكون سلبيه ,.., ايش يعني يجي احد يسبها و يهزئها و احيانا يضربها و انا اقوله معليش الشكوى لله .. اجلسي عندي و لا تلعبين معهم ,,. طبعا انا ما ابي بنتي تقول نفس الكلام او ترد عليهم بنفس الالفاظ ,, و لا ابيها تتعلم تمد يدها .. لانه غلط .. بس ايش اسوي (اذا لم تكن ذئبا اكلت الذئاب)
الشي الثاني .. حسيت انه هذا الشي راح يؤثر عليها بالمدرسه و في حياتها عموما .. حتى بعدين اذا تزوجت .. اخاف يجيها تبلد و لو سبها زوجها او مد يده عليها لاسمح الله راح تتذكر اني من يوم هي صغيره و انا اقولها معليش ,... استحملي !!!!
يا ناس انت عارفين ايش يعني انك تمسكين نفسك في اشد نوبات غضبك على طفلك علشان ما تمدين يدك عليه و تضربينه و تطبقين قوانين انت مقتنعه فيها و بالاخير يجي احد و بكل بساطه يضرب طفلك ل لا سبب .. !! :22: :30: :eek:
شي يقهر صح
بس انا حليت المشكله و الله ما ادري اذا حلي ايجابي او سلبي .. صرت اجلس مع بنتي يوميا و اخليها تتكلم عن متاعب يومها و المواقف الي تواجها ,,. و انا اعطيها حلول مؤدبه .. يعني اذا احد غلط عليك قولي له انا متضايقه منك و ما راح العب معك الحين لين ما تغيير اسلوبك معي .. (كنت اقول لنفسي انا احلم ما احد راح يسمعها) لكن بديت اكرر لها دائما صيري قويه و قد ما تصيرين قويه قد ما الناس يحترمونك .. و القوه مو في اخذ حقوق الناس لا بس لا تسمحين لاحد ياخذ حقوقك و القوه بالاحترام و قد ما تصيرين محترمه قد ما يحترمونك الناس و يصيرون يبون يقلدونك .. و اذا احتجتي مساعده كلمي المعلمه .. بس حسسي الطفل الي يبي يضرب او ياخذ منك شي غصب عليك انك ما راح تسكتين له .. و كنت دائما اكرر .. تدرين ليش انا ما اضربك .. لان الضرب للحيوانات ,, لان الحيوان ماله عقل يفكر فا يضربونه .. بس الانسان المفروض ما يضرب ابدا .. و الحمد لله بنتي صارت اقوى من اول .. بس للاسف صارت متسلطه .. صحيح بادب يعني ما تضرب و لا تقول كلام شين بس صارت تعادي و تخلي كل الي حولها يعادون اي شخص يضايقها .. و هذا الشي مضايقني .. ما ادري اذا هو صح و لا الله ,, و ماشاء الله صار لها شعبيه بين الاطفال و صارت تقودهم ,, و صارت تستمتع بالمدرسه .. لكن ما ودي بنتي تصير متسلطه ..
هذا غير تغيير منطق بنتي و صارت تقول ليش فلانه امها تشتري لها و انا لا و ليش فلانه عندها كذا و انا لا .. مع اني يا ناس ما اقصر عليها بس صار ما يملى عينها شي و من كثر الاغراض الي عندها ما احس انها تفرح فيهم و تلعب فيهم .. لا .. لانه يجيها هدايا كثير من الي حولها و طبعا تظل تتذكر انها هديه من الناس مو من ماما و بابا و لازم الام و الابو يشترون لها شي بعد .. و بالاخير دلع و محاسب و ليش فلانه عندها و انا لا .. لا و الفلم الهندي الجديد .. ( انتم ما تحبوني كثير لانكم ما تجيبون لي كذا) !!!!!! :eek: حلم حياتها تروح تتوقعون ل وين
لابو ريالين .. خخخخخخخخخخخخخخخ
مع انه راحته كثير بس لين الحين تحبه .. طبعا هذا غير محلات الالعاب
ايش اقول بعد .. ايه من مساوئ الرجوع .. انه بنتي يوم هي صغيره .. كنت احطها في حضانه .. و بصراحه ممتازين يعني يعلومنها كيف تخدم نفسها بنفسها .. ترتب الالعاب بعدها تأكل لوحدها .. تعودت على الحمام بدري .. و لله الحمد .. اما ولدي .. ما فيه امل ,., و الاسباب كثيره .. اولا انه فيه خدامه يعين انت تعدلين من هنا و هو بس يجلس مع الخدامه شوي يضيع كل الي انت علمتيه .. و الشي الثاني انه البيوت هنا غير مو عمليه و تخافين يوسخ الكنب و لا السجاده .. مو مثل هناك عادي يوسخ عندك بدل المنظف الف ممكن يشيل البقع .. انا مره انكبت شطه على فرشه بيج و راح الاثر .
الشي الثالث ,, انه فيه شي هنا اسمها حرب اعصاب و لا الحرب البارده .. المجتمع يخليك تتحسفين على اي شي تبين تعلمينه طفلك .. يعني تبين تبدين تعليمنه ياكل لحاله .. حرام عليك توه صغير .. و الله بس راح يكبب الاكل و ما راح يوصله منه شي .. تبدين فعلا تحسين انه يمكن ولدك ما يشبع و تصيرين بشكل تلائقي تأكلينه اسرع و اضمن !! :09:
و لا اذا معه شي ممن يحطه بفمه خلاص انا معوده ولدي اني احذره و اعطينه انذار و بعدين اذا ما سمع اخذ الشي منه .. طبعا مدام الشي الي معه مو خطر و لا لاحد .. يعني غرض لي .. تلاقيني و انا اكلم ولدي .. ماما اذا حطيته بفمك ترا راح اخذه .. خلاص .. الولد عارف انه هذه التهديد راح ينفذ لاني انفذ .. بس ما الحق اكمل الجمله .,. الا و يجي احد ياخذ الي معه انتي صاحيه تتركينه معه ,,
قلت انا حذرته و جالسه اتابعه .. و هو متعود على هذه الطريقه .. ترد عليك و تقول .. صاحيه انت هذا (بز) ما يفهم !!!!!!!!!!!!!!!!!!!!!!!!!!!! :( قال ايش قال حذرته!
مع اني قناعتي تقول عاملي طفلك على انه يفهم يصير يفهم و عامليه على انه بزر يصير ما يفهم ؟؟ صح و لا لا
ايش اقول و ايش اخلي .. انا مررررره مضايقني الموضوع .. لما يكون عندك قيم و جالسه سنين تعودين اطفالك عليها و بالاخير تلقينها تتبخر .. شي يقهر .. و طبعا الطفل دائما يحب الي يخفف عنه القيود .. و يعطيه اكثر .. و هذا الشي مو من مصلحتي
عموما على موضوع اللغه .. لا تتحمسون كثير ان اطفالكم يتكلمون انجليزي .. الحمد لله من اول شهر ينسون الانجليزي .. الحين لو ابي اتكلم مع بنتي و ابيها ترد كلامها بحل يا الهنود ( لا تفهموني غلط الهنود حلوين و ما فيه مثلهم .. ( تذكرت اني الهنديه) بس للاسف ما ينفهم
عموما اسفه طولت عليكم .. بس فعلا الموضوع جا على الجرح

يا بعد عمري يالهندية..

هذا أسوأ مقطع :( ...لا و بعد نسوا الانجليزي ؟ طيب ليه ما دخلتيها مدارس عالمية و إلا منارات الرياض و إلا نجد ؟ هذي أقوى المدارس بالانجليزي..حرام كله يضيع..و لبنتك الحق دامها طفلة مبتعث إنها تقعد في المدارس العالمية أول 3 سنين من رجعتكم بعدين تروح لمدارس سعودية..

بالنسبة لتأكيل الأطفال...أووووووووووووووه..خذي و خلي..لو أقول لك شيء ما راح تصدقيني...صديقة أمي ما لها جلد ( ما لها خلق) على تأكيل الأطفال..وش سوت ؟ جابت فلبينية بس وظيفتها تأكل أطفالها و ترتب وراهم..!!!! لدرجة إنها تطلع الأكل لها فوق لغرفة أطفالها !!! كلللللل هذا اهتمام بالصحة !!

بس ودي أقول لك شيء..بس اخاف إنك تقولين إني ما أحس بالوضع...

مبادئك بالتربية رااااااااااااااائعة..و أبغى أقول لك إنك فعلا و نعم الأم...لكن الله يعين على هالضغوط...بس تدرين يالهندية..لو إنك من البداية حطيتي حط للتدخلات..مو بس بطريقة تربيتك لأطفالك..بكل شيء...

صدقيني..وحدة تقول لي إنها بعد 8 سنين في كندا رجعت..و طبعا قالوا لها اللي قبلك عن المصاعب اللي هناك...تقول هذا الحرمة إنها من البداية حط حد للتدخلات بالنسبة لاهلها و اهل زوجها..و حتى المناسبات الاجتماعية..مو كل من هب و دب أروح له...تقول بالبداية قالوا لي شايفة حالها..مغرورة..جاها cultural shockوووو هلم جرا من التهم..بس الحين لها حول 3 سنوات راجعة..تقول العالم تأقلموا و تعودوا على طريقتي..إني أجامل و أزور..بس مو على حساب زوجي و أولادي..

و بالتوفيق يا قلبي

والله يا اخت هنديه فعلا اشياء تضايق وترفع الضغط.:angry2:
بس انت عارفه انا اوقات افكر بيني وبين نفسي اقول سبحان الله ما في شيء كامل, كمان تربيتهم في بلد غير مسلم امرمو سهل . خصوصا اذا بلغوا سن المراهقه تبدا المسائل تصير اصعب واصعب. كل شيء وله ضريبه وكلها تحديات بتواجه الام والاب في تربية الابناء. انت عارفه انه بعض التصرفات اللي انت ذكرتيها انا صارت معايا هنا في الغربه من بعض العرب اللي هاجروا من بلادهم وجابوا معاهم كل الافكار والعقد اللي هما اتربوا عليها. تربية الابناء في رائي مسؤوليه وامانه كبيره فين ما نكون بس تحديات هادي الامانه تختلف باختلاف المكان والزمان. وانا اعتقد انه من اهم الوسائل في التربيه ان يكون باب التواصل مفتوح يعني زي ما انت بتسوي مع بنتك ماشاء الله عليك, انا استغل هادي الاوقات اللي اولادي يكونوا مقبلين فيها ويبغوا يسمعوا اني (اسمم افكارهم):42: استغفر الله قصدي اني اشرح لهم واقول لهم كل اللي ابغى اقول له , ودايما اركز لهم على نقطه ان الله خلقنا مختلفين وفينا الطيب والبطال بس مو معنى كده اننا ما نحب بعض او نعادي بعض كل انسان حر في تصرفاته بس في النهايه احنا اهل واصحاب. والله المستعان

صحيح انا حبيت اسال الاخت saudi girlعن المعلومه اللي ذكرتها بخصوص (لبنتك الحق دامها طفلة مبتعث إنها تقعد في المدارس العالمية أول 3 سنين من رجعتكم بعدين تروح لمدارس سعودية..) كيف ممكن اتأكد من صحة هادي المعلومه من فضلك وهل بامكانك ان تفيدينا اكثر؟ اكون شاكره لك كل الشكر

مرة الدكتور..

حياك الله أختي...و هذي المعلومة قالتها لي وحدة من المغتربات عندنا من اللي رجعوا للرياض الصيف الماضي...و سألوا في وزارة التربية و التعليم و قالوا لهم كذا...و الحين هي مدخلة اولادها في مدارس عالمية..