ام _الحلوين :

انا عندي الحل مدري يعجبكم ولا لا ابوي لما رجعنا من امريكا استقر في الرياض والصراحه اهلي ما تحملوا.. ابوي تعب من مشاوير الرياض الطويله وامي صارت ما تجلس في البيت من كثر الارتباطات.......لاحضوا الكلام هذا من 15 سنه المهم....واحد من اصدقاء ابوي كان ساكن بالجبيل الصناعيه ومدحها لابوي وقاله قدم على وحده من الشركات الي هناك او حتا الكليه الصناعيه وفعلا قدم ومشت اموره ونقلنا بس بالنسبه لنا كانت النقله صعبه لان ابوي وعمامي كانو بانين مجمع لهم يعني بيوتهم لاصقه في بعض بس يمكن هذا الي خلا ابوي يترك الرياض لان اذا البيوت جنب بعض ..انسي يكون عندك خصوصيه وكل الي يصير في البيت منقول للبيت الي جنبك اما من الاطفال او الخدامات ميزة المنطقه هذي انها مصممه بالطريقه الامريكيه المدارس تابعه للهيئه الملكيه والانقليزي والكمبيوتر موجود من الابتدائي والمباني مصممه زي المدارس الامريكيه وببلاش يعني زي الحكوميه بس ارقى وافضل نوعية الناس هناك مختلفه نوعا ما....ومنتي ملزمه بزيارات او توجيب يعني كل الي موجودين معارف مو قرايب حبيتي تروحين اهلا وسهلا غير كذا لا انا تزوجت وسكنت بالرياض لاكن دائما احتاج اروح هناك نقاهه من الالتزاما والزيارات....اروح بس ابي اشوف امي الرياض اهلي يجونها خميس وجمعه وبالاعياد والمناسبات ...يعني كلما اشتهو يزورن زارو عمامي وبكذا اهلي ارتاحو مرره المنطقه تبعد 4 ساعات عن الرياض وساعه عن الدمام حتا بيوتهم زي امريكا وتستلمين البيت فيه كل الاجهزه الغساله والنشافه والمكيف المركزي الصراحه انا ودي عقب ما ارجع اسكن فيها حتا لو اهلي ارجعو للرياض....الوضع بالرياض مواهو محتمل الناس صارت تفكر بالمضاهر وبس حتا الاطفال صارو يلبسونهم ماركات يوم العيد مادري وين راحت عقول الناس يعني صارو يقيمون الوحده على لبسها وشنطتها وساعتها صار الوضع متعب اسفه على الاطاله بس حبيت اكتبلكم تجربة اهلي

انا عندي الحل مدري يعجبكم ولا لا ابوي لما رجعنا من امريكا استقر في الرياض والصراحه اهلي ما...

حمرة الورد :

ايوة تذكرت الاحد الماضي جات وحدة تلومني عشان طردت معين من فصلي في المدرسة الاسلامية .. قلت لها انت تعرفي ايش سوا ؟ قالت لا .. قلت لها سوا كدا وكدا .. لما تعرفي ايش سوا تعالي دافعي عنه . هي كانت بتمزح بس انا كنت جادة ولا تبسمت لها حتى وبعدين قلت له عن اذنك مشغولة .. لازم الوحدة تحط حدود .. لو يزعلوا الناس ايش نسوي ماباليد حيلة.. طبعاً عارفة انه مع الاهل اصعب .. او حتى معارف الاهل .. يعني لو صاحبة ام زوجك لازم تسمعي لها .. والإحراج لو ام زوجك قالت لها : لاتكلمي الهندية ماتحب احد يتدخل في تربية بزورتها . طبعاً ساعتها وجهك يصير ألوان بس عاد هده ضريبة الامومة. الله يعين على كل حال .لازم يسوو لنا مدينة جامعية يلمونا فيها ويريحوا قلبنا ..

ايوة تذكرت الاحد الماضي جات وحدة تلومني عشان طردت معين من فصلي في المدرسة الاسلامية .. قلت لها...