اختى فى الاسلام لقد قرات مشكلتك
و بما اننى مصرية فانا افهمها جيدا جدا بل و ربما اخبرك باكثر مما تريدين ان تعرفى و لكن الحل عند الله
اولا : لن اعتب عليك فى زواج رجل يقيم علاقات مع نساء اخريات بل و يتزوج على امراته بدون ان تعرف بل و اراد ان يقيم معك انت شخصيا علاقة قبل ان يكتشف انك انسانة شريفة و طاهرة
لكن اعتب عليك عدم فهمك و دراستك للامور ربما لعدم حياتك فى مصر
كيف تقبلين ان تتزوجى و تبتعدى عن زوجك اميال و اميال بدون اى وعود لزيارات منتظمة بل و هو متزوج عليك الا تعلمى اى شىء عن عقلية الرجل المصرى
كيف لم تفهمى الامر من الناحية القانونية
الا تعرفين ان قانون الاحوال الشخصية الجديد يبيح للمراة فى مصر ان تتطلق اذا عرفت ان زوجها تزوج عليها بدون اذنها ؟
هل تعرفين ان زوجك ما دام لم يخبر زوجته كيف حصل على عقد زواج لكما و شرط اعلام الزوجة الاولى موجود بل و يجب ان تمضى على هذا الامر ايضا و يمكن لها ان تتهمه بالتزوير؟
هل تعرفين انها يمكن ان تطلب الخلع اذا عرفت بالامر ؟
هل تعتقدين بعد كل هذا انه ممكن ان يصارحها بامر زواجكما
ربما لو كانت امراة عاقلة جدا بل مومنة جدا ايضا و ستتقبل الامر بدون مشاكل كثيرة لانك كما تعلمين الزوجة الثانية غير منتشرة فى المجتمع المصرى
هذا بالنسبة لزوجته الاولى
اما انت ماذا ستفعلين ان لم تكن عاقلة هل ستصبرين على هذا الوضع طوال حياتك ؟
ام ستجعليه يضع حدا لما انت فيه من العذاب باعلام زوجته و تحمل النتائج او بان يجعل حياتك معه احسن من هذا بكثير و تكون لك حقوق الزوجة الاولى تماما عليه ؟
اعتقد انك يجب ان تغضى الطرف عن حبك له فى هذه الفترة و تبداى تفكرى بعقلك فى الامر من كل النواحى و توكلى على الله و استخيرى

حبيبتى مس ديور... تعرفي الاحساس اللى انا حاساه دلوقتى انك صديقه لى من زمان جدااااااا انتى بسم الله ومشاءالله عليكى فاهمه الدنيا كويس جدا وحنينه جدا.. وانا فعلا مقتنعه بكل كلمه بتقوليها وهعمل زى ما انتى بتقوللى انا هحاول اشتغل علشان اشغل نفسي وابطل تفكير فيه لان الواحده لما بتكون فاضيه بتقعد تفكر وبس وهو اخر حاجه قالها لى لما كلمنى يوم الاتنين بليل انه بيحبنى زى زمان بس احنا مبقناش نحترم بعض وانى كونت زمان بحبه وبحترمه ودلوقتى بطلت احترمه واخاف عليه زى زمان واننا الافضل نبقي اصحاب واخوات وانا المره دى ولا اعترضت ولا بكيت انما قولت له انى متفقه معاه في كلامه وعرفته انى هفتح مكتب سياحه مشاركه بينى وبين اختى وكان رده ربنا يوفقكم...
مس ديور انا عارفه ان الموضوع هيكون صعب عليا بس انا املى في ربنا كبير... لو ربنا رايد لى عيشه معاه حاله هينصلح لو ملناش نصيب مع بعض يبقي انا ادعي ربنا انى اقدر انساه... ادعى لى ارجوكى يا مس ديور...واشكرك كتير جدا على وقفتك جنبي واهتمامك وحنيتك.... ربنا يعوضك ويحميكى من المشاكل ويحقق لكى كل ما تتمنيه

عزيزتى افروديت اشكرك جدا على اهتمامك بمشكلتى واحب اوضح لكى حاجه في بدايه جوازنا كونا بنشوف بعض كل شهر او شهرين بالكتير كونت يا اما انا انزل مصر يا اما هو ييجيلي هنا... وكان بيفضل معايا بالاسبوعين والتلاته
والمشاكل ابتدت بينا من سنتين بس انما قبلها كونا حاسه انى في الجنه
اما عن المسائل القانونيه فانا كونت سايبه كل حاجه له وكونت عايزه جدا انى ارتبط بيه لانى كونت حبيته من كل قلبي وكونت باتمنى طول عمرى انسان زيه لانه محافظ جدا يعنى مثلا مراته متقدرش تخرج الا باذنه وهو اللى يوديها ويجبها ويجيب لها الاكل ولى حبت تخرج لازم يكون حد من اهلها معاها... فاهمانى يعنى المسلم الصح اللى بيحافظ على اهل بيته جدا وانى علشان عايشه بره كان ده حاجه جميله جدا انى احس بيها وعلشان كده اتمنيت انى ارتبط بيه
والنتيجه انتى قريتها في رسايلى السابقه
مش هقول غير ربنا يهديه وشكرك كتير افروديت

هاي مصريه أزايك ؟...أتمنى انك تكوني أحسن أشويه مناليومين اللي فاتوا كلامك كله صح وكلام أفروديت كمان بس أنا لما الواحد يكون تعبان ما أقدرش أأقسى عليه لازم تعرفي أن كل شيء له حل وكل شيء له آخر لازم تفتحي المشروع بتاعك حايكون فكره هايله وبعدين حاتكبري في عينه وحيحس أنك مش تحت رحمته وانك مسكينه....لأ زي ما هو مشغول ممكن تكوني اني مشغوله ..وبكره لما أيقول أنه مشغول ...يكون في المقابل ساعات تانيه أتكوني أنتي مشغوله فمابيكنش مجال للضنينه والوسواس والحقد وبعدين أنا كنت أنك لسه متجوزه لكن زي ما بتقولي كانت الأيام الحلوه ...فمالمانع ترجع علشان كلمه منك المشاكل بعد السنين دي طبيعيه طب ياما ناس بعد الشر عليكي بتطلق وبترجع وتستمر بحياتها طب ربنا الكبير بيسامح العبد ما بيسامحش أزاي ..؟؟ وأكرر لازم أتشوفيه تحاولي تصلحي المور بشطارتك وبعدين الراجل لما يتعود عليك بعيده خلاص يتعود لازم تشوفيه أكرر لازم تشوفيه من حقك ولازم تعيشي أيام حلوه من حقك أنك اتعيشيها لأنك تعبانه أوي وانا حاسه فيكي والله.....ولازم تتأسفي الأول وبعدين تطالبي بحقك لما أتشوفيه طبعا بعدين فكري ليه الحب أختفى ..يمكن علشان أنتي دايما أتحاسبيه ممكن أنتي دايما بتشتكي الظروف بعد ما أنصدمتي فكري كويس وحاولي تلاقي الحلول علشان ترجع الأيام الحلوه ويارب يبعد الهم عنك ويحل كل مشاكللك ويهدي جوزك وتعيشي بهنا ...يارب ....

ازيك يا مس ديور واخبارك انتى وعائلتك ايه؟؟ اتمنى انكم تكونوا في احسن صحه واحسن حال..... اما عن اخبارى فانا الحمدالله يعنى شويه بكون عاديه وشويه ارجع للحزن تانى وانا طلبت منه اننا نتكلم النهارده وكلمنى وكان لسه على رأيه اخوات واصدقاء ولما رفضت كده وقولت له اوكى ننهى حياتنا مع بعض حسيت انه ابتدى يلطف شويه وقعدت اتكلم فيه واحاول افهمه انا قصدى ايه واعتذر له عن اللى حصل وكان رده انه لما يرجع الفلوس لاهلى يبقي ممكن نرجع لبعض ويمكن احسن كمان لانه هيكون وقتها في مركز قوه لانه اكتشف ان الفلوس اهم حاجه في الدنيا وانها اللى بتسند الضهر وبتخلى الانسان ضعيف وانا لما سمعت كلامه بكيت جدا وقولت له اوكى ربنا يوفقك وانا هبعد نهائى ووقتها قاللى ان ربنا يسهل وادينى وقت بس انى انسي الجرح اللى نسيته وخلينا نتكلم عادى مع بعض دلوقتى وانا هحاول انسي ولما سألته ليه مش بيعمل كده مع مراته مع انهم بيحصل بينهم مشاكل كتير قاللى انه من فتره حصلت بينهم مشكله وقال لها لولا العيال اللى بينا انا كونت سيبتك من زمان وبيقوللى انها امبارح فتحت الموضوع وعاتبته وقالت له انا مش هنسي لك اللى انت قولته ابدا فقال لها متنسيش قالت له يعنى لسه مصمم عليه راح قال لها ايوه......
وبعدها قاللى اظن ان ده اكبر حاجه ممكن تتقال من زوج لزوجته انما انتى بقولك خلينا اخوات واصدقاء لانى انا دلوقتى مش عارف اتعامل معاكى
المهم تعبت من الكلام والبكاء ومعرفش حتى اتفقنا على ايه انا طلبت منه انه يكلمنى كل يوم اطمن بس عليه ويطمن عليا وكان رده سبينى براحتى وعلشان انا لما اعمل كده من نفسي انتى هتكونى مبسوطه وانه مش بيحب يعمل حاجه حد بيطلبها منه.. فقولت له اوكى لانى تعبت حقيقي .. ولانه كان عايز يروح يزور المقابر علشان امه الله يرحمها
انا حاولت يا مس ديور اكون جامده زى ما انتى قولتى بس الصعب الموضوع عايز وقت لانى فعلا من النوع العاطفي جدا.... ادعي لى.
مس ديور انا اتمنى انى اشوفك واتعرف عليكى.. انتى مش بتسافرى للخارج خالص
ياريت لو يوم هتسافرى تعرفينى وتيجى تقضي عندى فتره..
انا ارتاحت لك جدا وحاسه انى اعرفك من زمان واتمنى حقيقي انى اشوفك وجها لوجه فاتمنى انك تقبلي دعوتى لتقضيه اجازه هنا...
وشكرا لكى الف الف الف شكر لاهتمامك بيا..