لألألألألألأ.....أنتي حاجه مش معقوله أنتي أزاي أدرتي أتعيشي لحد دلوقتي بكل العواطف دي وأزاي حبيتي واحد كده ....جوزك قلبه قاسي والله بس بيحبك والدليل انه لما هددتيه تراجع مش أولت لك الراجل تروحي يمين ييجي شمال....وبعدين جوزك بيعرف يلوي زراعك أزاي .......وألا أيه رأيك ؟؟؟ ...كلميه بدون بكا ...صعب أنا عارفه انا كنت حساسه زيك بس أولت لازظم أتغير لن الراجل لما يشوفك تعمليله أشياء غلط وترضي بيها يدوس عليكي مشكله الست العاطفيه انها ما تقدرش أتعيش من غير راجل لأنها كتله من العواطف ..وبعدين أنتي عملتي حاجه غلط لما تتكلمي عن مراته أنتي حاجه وهي حاجه لأنك بالطريقه دي خليتي نفسك معاها على خط واحد يعني من الحوار اللي بيقوله أنك لازم تحمدي ربنا لأ...أن كنا عايزين نقارن لازم المقارنه بعدل يعني هي عندها بيت وأولاد وجواز معلن وحياه مستقره وأنتي لأ يعني لو بيقولها الكلام الجارح لأي كان لازم يقولك بحبك ليل ونهار علشان التضحيات اللي بتقدميها له وبعدين فيه حاجتين لما يتواجدو في الحياه الزوجيه قولي عليها السلام أول حاجه عدم الحترام والتانيه الفلوس لأن العلاقات لما أتكون ماديه تكون سطحيه ومش عميقه واسمحي لي أنتي كدابه ومش عاجبك موضوع الفلوس لأن دلوقتي لو يقول لك الباشا أنه محتاج فلوس حاتديه كل اللي عندك حتى لو تعرفي أنه علشان بيته مش علشانك لأنك بتمشي ورا عواطفك وبعدين أنتي ما بتسمعيش الكلام ليه ؟؟؟؟ راضيه بالتلفون بس لازم تشوفيه لازم وعمر الموضوع مش حيتغير بالشكل ده لأنه بالتلفون حايزن عالموضوع أياه وكراممتي ...وأني بتبكي ......لحد ما تنشفي...وتنشف دموعك ...ليه أنتي مش عشيقه أنتي مراته....ومش عايزه المره الجايه تجيني أنا كلمته وبكيت قولي أنا اولت له لازم تيجي والألألأ.......حتشوف وحييجي صدقيني ....

وأنا كمان عايزه أشوفك بس والله انا في أجازه ونازله الشغل بعد أسبوع وماليش أجازه ألا السنه الجايه ان شاء الله بس أنتي فين ؟؟؟في كندا على ما أعتقد ؟؟؟ وأنا دلوقتي باعرف كل ححاجه عنك بس لأنتي لأ ممككن بعديها نتراسل عالخاص وباي ياعسل....وعايزين أخبار حلوه

هالو يا يارق مس ديور...
اخبارك ايه؟؟ انتى باين عليكى قدرتى فعلا تتحكمى في عواطفك وعرفتى امتى تظهريها وامتى تخفيها ...انما انا للاسف مش قادره اوصل للمرحله دى،، احيانا بقدر اعمل كده بس بكتيرها اسبوع وترجع ريمه لعادتها القديمه!!! يمكن لانى بخاف انى افقده للابد لنه عنيد جدا ومش بيعمل الحاجه الا بمزاجه تعرفي انه السنه اللى فاتت بعد عنى لمده 7 شهور كاملين ولا تليفون ولا رساله ولا كلمه ولا اى حاجه بس هو اللى رجع انا مكلمتوش يعنى باختصار هو بيقدر يتحكم في مشاعره جداااااااا يمكن لانه عارف انه مهما بيعمل فيا انا بتنرفز وابعد انما مجرد ما ييجى يكلمنى اتكلم معاه ودى اكيد المشكله لانى بخاف اتصرف معاه زى ما المفروض يحصل واحسسه انى هابعد بجد لحسن يبعد هو بجد حفاظا على كرامته...
انا طلبت منه امبارح انه ييجى صدقينى وقاللى ربنا يسهل قولت له زى ما انت نصحتينى انى مشتاقه له وانه بقالله كتير مشوفتوش فضحك وقاللى اه بقاللى شهر مسافر من عندك قولت له يعنى مش هتيجى على عيد ميلادى قاللى ربنا يسهل بس انتى عارفه انى مشغول كتير ولانى اخد الفلوس من اهلك على اساس شركه فلازم ارجع لهم الفلوس بمكسب كبير احسن بكتير من فوائد البنك علشان يعرفوا ان الشغل معايا افضل بكتير..
انا عارفه وفاهمه كويس انه عايز يغرى اهلى انهم يشاركوه بدل ما يحطوا فلوسهم في البنك وان نسبه الربح معاه اكتر بكتير بس انا والله يا مس ديور محتاره في الموضوع ده من ناحيه اقول مهو كويس لاهلى ومن ناحيه تانيه اخاف ان لما ربنا يفتح عليه انى مشوفوش خالص وكل شويه ياخد مراته وعياله ويروحوا يصيفوا ويتفسحوا وانا قاعده هنا مستنياه لحد ما يرجع .... انا احيانا بلوم نفسي على تفكيرى السيئ ده لانى كده بكرهه انه يفسحها ويخرجها يمكن لانى خايفه انه يرجع ينشد لها اكتر وينسانى .. خايفه انه لو مراته اديته الاهتمام الحسي والعاطفي اللى هو مفتقده منها انى انتهى من حياته فبقعد اقول لنفسي ما يمكن هو لو خرجها وفسحها وراحوا يصيفوا ممكن هي تقول لنفسها انا لازم اسعده واهتم بيه زى ما هو بيهتم بيا... فاهمنى يا مس ديور؟؟ صدقنى انى مش عايزه اكون وحشه وافترى على حد وعارفه انها مراته ومن حقها انه يفسحها ويخرجها بس اعمل ايه في الغيره اللى بتقتلنى من جوه؟؟ تعرفى انه لو خرج معاها علشان يشتروا هدوم للعيال فدايما بينزل معاها القاهره ويقضوا طول اليوم لو تعرفي انا بكون حاسه بالغيره اد ايه؟؟ وبقعد اتخيله وهو بيهرج وبيضحك معاها؟؟
انا مش عارفه العيب فيا ولا فين بالظبط... انا اتمنى انك تكونى قدرتى تفهمينى وانك متاخديش عنى فكره وحشه؟؟
على فكره انا من هولندا ومعرفش ابعت لكى على الخاص انا حاولت مش عارفه ابعت انا مش عارفه اذا كونتى انتى معاكى الاميل بتاعي ولا لاء لانى مش عارفه ممكن يظهر للاعضاء الاميل الخاص ولا ايه
عرفينى لو مش معاكى وانا اكتبه لكى لانى عايزه اعرف عنك كللللللللللللللللل حاجه لانه من الواضح انك مريتى بتجارب كتير جدا وقاسيتى برضه كتير
اسمع منك يا اختى وحبيبتى وصديقتى

هاي حبيبتي ...ربنا يجعل ايامك كلها عسل يا عسل أخبارك ايه ...انا ما ألومكيش على الغيره لأنها حاجه طبيعيه بس ما تزعليش مني أنتي لما أرتبطتي فيه وتجوزتيه كنت بتعرفي أن في حد تاني بحياته يعني ما حسبتيش حساب للموضوع ده يعني كنتي عارفه بالأمور وكملتي المشوار طيب...دلوقتي كمليه للأخر ودايما استغفري ربك لأن دي مراته وأنتي كمان ومش ممكن أنه يسيب وحده علشان التانيه طب هو لو بيهملها وما يخدش باله منها أنتي تامني له أزاي ؟؟؟ ممكن اتفكري انه لو بعد الشر عليكي تمرضي حايخليكي دايما تنصحيه مراتك وولادك علشان تكبري في عينه وعلشان ربنا يخليها في ميزان حسناتك وعلشان ربنا يسهل عليكي ويخلوه ليكي ويخدمك ..ويبطل عناد ..وتملكيه بالعواطف والحنيه اللي عاوزهم جوزك دايما الشيطان بيضحك عليكي قولي الحمد لله لأنها مراته يعني مش حاجه حرام وألا عيب لن الست في حاله الخيانه بتكره الزوج وما تحترموش ...ل قولي هو عند مراته أنا مطمنه للموضوع ده مش عند حد تاني لحاجه تانيه ...دايما من النصايح علشان تتغلبي على عواطفك فكري لميزه الأمور حتى المشاكل لازم تلقي لها مزايا علشان يهون عليكي الأمر دايما أستغفري ربنا لما أتفكري التفكير السخيف واشغلي نفسك على طول علشان ما تتحرقيش على الفاضي والأوهام...بالعكس دايما فكري..لما ييجي حاعمل أيه نروح فين ألبس ايه تتسوقي تغيري المكان وتجدديه علشان كل مره يتفاجأ بيكي وزني عليه انا عايزه أشوفك وهو مبسوط على فكره للطلب اوي من كلامه باين والراجل بيحب الست اللي أتقول أنا مشتاقه وعيزاك وجوزك بيتعب أوي ومحتاج للمور دي بس .....عندي سؤال بعيد عن العواطف .......حياتك معاه بعد 10او15 سنه حاتكون ازاي كمان كده ؟؟؟ أحنا لازم نلقه حل دائم مش مؤقت.......

أنتي بكندا ؟؟؟بععيد قوي بس والله قريبه من قلبي والأيميل بتاعي amonali888@hotmail

عزيزتى المصريه
قرات رسالتك التى بعثتيها وجميع الردود التى وصلتك وكنت اريد ان اعلق عليها ولكن لم يكن اشتراكى معتمد
المهم مشكلتك غريبه جدا وافعالك اغرب وزوجك هذا لم يورد على حد ايه الى بيعمله ده؟ انا هاكلمك بصراحه من قرأتى لها حاسه ان زوجك يستغلك اسوأ استغلال وهو عارف نقطه ضعفك كويس وبيلعب لعبه كبيره ولحد الان هو دائما الفائز وانت الخاسره وغلطتك الوحيده انك تزوجتيه وهذا جلب لكى المشاكل كلها الان ممكن اعرف انت ايه بالضبط ؟انت مش انسانه لها كيانها وشخصيتها ومالها ايضا اين انت من كل ده ؟
لااعرف انت بصراحه لا يوجد لديك شخصيه وهو عايزك كده فين قوتك ؟ قوه الاراده لديك مالك ولديك اخوتك وعندك كمان عملك وهو افضل من اى عمل واعتقد ان لديك الجنسيه الكنديه مش كده؟ عايزه ايه من واحد مزواج مش بعيد يكون متزوج واحده كمان !!! ممكن اسال لماذا لا يوجد لديك اطفال؟ اين بيتك معاه؟فين العدل بين الزوجات
فين حقك الشرعى معه؟اين الدين؟ ربنا مقلش كده هل بيصلى ؟بيصوم؟ لاعتقد والا كان طبق ابسط حقوقك وهو العدل بينك وبين زوجته الاولى وانت فين كرامتك وفين اهلك ازاى يسمحوا بوضع مثل هذا الوضع انا اسفه كلامى جامد بس لازم اقول ذلك لان الطبطبه عليك مش هاينفعك ولا الى انت بتعمليه هاينقذك من الى انت فيه بصراحه زوجك طمعان فى فلوسك مش اكتر واعتقد مسأله الحب ده وهم
الكلام كتير ولكن وقتى مش ملى الان اتركك وفكرى فى كلامى جيد واحسبيها وربنا معاك
اتركك الان لنا كلام آخر
باى

صباح الخير يا ابتسام اخبارك واخبار مصر على حسك ايه؟؟ اولا مرسي جدا على اهتمامك بالمشكله
وثانيا انا اتجوزته لانى ملقتش في حد هنا ولا حتى في مصر شخصيه زى شخصيته يمكن علشان انا في بلد كلها حريه ومساواه بين الرجل والمرأه كونت مفتقده الاحساس الحلو اللى حسيته منه او الغيره الرهيبه اللى بيغرها لانه يا ابتسام خلانى قطعت علاقاتى مع كل الناس انا كونت هنا عادى ممكن اكلم رجال او ستات الكل هنا سواء مش زى مصر عيب ان الواحده تكلم واحد بس طبعا كل ده في نطاق الادب والاحترام زى ما تربيت
كونت بحب انه ممكن يمسك منى الموبيل علشان يعرف مين اللى بيكلمنى وكونت بعشق اوامره انى مخرجش من البيت الا لما ييجى يوصلنى ويرجعنى ... دى يا ابتسام حاجات نادره في راجل وانا حبتها لانى كونت بحس بحبه في كل تصرف وكل كلمه
وعلى فكره يا ابتسام انا بطبعي شكاكه جدا في البدايه قولت له انه عايز يتجوزنى علشان ياخد الجنسيه وعلشان يسافر بره وطبعا اتضح ان ده شئ مستحيل لانه متزوج وعندنا القانون بيعاقب الجمع بين الزوجتين فميقدرش يقدم على الجنسيه هنا..
ودلوقتى بقوله انه اتجوزنى علشان فلوسي وصدقينى انا نفسي مش عارفه اذا كان ده صح ولا غلط على العموم هو هيرجع الفلوس على اخر السنه وزى ما قريتى قبل كده انه كان عايز يعمل الشغل مع اهلى لمده سنتين ولو حبوا يكملوا معاه يكملوا بس انا قولت له على اخر السنه لانى مش سعيده ان فيه علاقه فلوس بينا..
اما عن شغلى فانا مش شغاله يا ابتسام انا بفكر افتح مكتب سياحه مشاركه مع اختى بس هو متضايق جدا من الموضوع ده وبيكلمنى طبعا على اساس اننا اخوات واصدقاء فمش قادر يدينى امر زى زمان انما بيوضح لى ضيقه وبيقول انه اقعد سنتين في حرقه اعصاب لحد ما قدر يغيرنى ويخلينى متكلمش مع مخلوق خالص ولا حتى واحده ست زى ما عامل مع مراته بالضبط ودلوقتى انا عايزه افتح مكتب سياحه وطبعا لازم تكون علاقاتى مع الناس كويسه ولازم ابتسم واهرج ده على حسب كلامه
يمكن انتى معاك حق انما يا ابتسام اللى ايديه في الميه مش زى اللى في النار لانه مش عارفه انساه ويوم ما يبعد عنى اترعب انه هيطلقنى ونفسيتى بتكون في الحضيض
انا عمرى ما كونت كده كونت زمان دايمت محتفظه بكرامتى جدا مع اى حد ويا ويل اللى يعدى حدوده معايا او يدوس على كرامتى انما انا معرفش هو عامل فيا ايه ومخلينى معاه سلبيه ولو زعلته وكتير بكون على حق انا برضه اللى بعتذر له واكيد ده الغلط
انا دلوقتى بفكر انى اقوله اننا مش هننفع مع بعض تانى و لو عايز صديقه او اخت تدور على حد غيرى لانى قبل كل حاجه مراتك ولوانت مش عايز ده دلوقتى ومستنى لما ترجع لاهلى الفلوس يبقي انا مش هستنى لانى انسانه وعندى كرامه ومش عايزه كل شويه اتعامل كاخت كل ما تحصل مشكله واحنا ممكن فعلا نكون اخوات زى ما انت بتقول بس للابد وبالطريقه اللى تناسبنى مش اللى تناسبك
ايه رأيك يا ابتسام في الكلام ده؟؟ لانى محتاره اعمل كده ولا ايه؟؟ لانى تعبت كل شويه مشاكل اعصابي راحت وابتسامتى اللى كونت معروفه بيها ضاعت
انا كل اللى عايزاه يرجع لى زى زمان ولو مش عارف يبقي نبعد عن بعض صحيح وبامانه ربنا انا مبقدرش مسمعش صوته وبكون فعلا في انهيار بس الحياه اللى انا عايشاها برضه مش حياه لانى مش محصله اى حاجه..