السلام عليكم ورحمة الله .اختي المصرية ازيك عاملة اية
ان شاء الله النهارده احسن واهدأ.
اختي المصرية:شعرت بالتاثر الشديد لحالتك لكنني حاكلمك بطريقة مختلفة شوية عن افروديت وابتسام_تحياتي لهما كثيرا وكذا الاخت ديور-
شوفي بقي يا مصرية انا عارفة ان الكلام في الفايت نقصان في العقل
ولكن يا اختي كلمتين مزنوقة فيهم وحاقولهم .واضح من كلامك انك بنت طيبة جدا,يعني بنت ناس قوي .ايه اللي جبرك يا اختي انك تتجوزي واحد متجوز.طيب ما فكرتيش في موقف الست الاولي ام العيال .اه وبمناسبة ام العيال ما هو المانع انك لم تنجبي الي الان منه.وبعدين لدي كمية استفسارات يحضرني منها التالي:
1-مانوع العقد الذي بينكما؟اعن زواج رسمي ام عرفي.
2-هل فعلا زوجته لا تعلم واللا تمثيلية.
3-ماموقف اسرتك انت (بما انه دائما يقول عيلتي محافظة).والاولي ان تتمسك عائلتك انتي بالاشهار يا اختي الزواج موافقةواعلان (اشهار).
ثم يا عزيزتي هل تعلمي انه كحما المحت العزيزة ابتسام ان لو مرات عرفت حتبقي مشكلة كبيرة يعني مش بس الزواج الثاني للزوج بدون علم الزوجة الاولي يعطيها -اي الاولي - الحق في الطلاق لا بل والاكثر ان المسالة قد تصل للحكم علي الزوج بالحبس لو تضررت الاولي و رفعت الامر للقضاء .ثم يا مصريتي كلمة في سرك: كونك عايشة في الخارج ليس مبرر بعدم معرفتك بالعرف المصري بتاعنا فانا قد عشت وتعلمت في بلد اوروبي .ولن حينما تزوجت اهلي سالو علي العائله بتاعته من طق طق لسلامو عليكو.عموما خدي راي مامتك او باباكي وهما اكيد مش حيرضيهم الوضع ده.اختي المصرية ارجوكي تعذريني لان حكايتك اثرت في جدا قلبي معاكي .والله اسال لكي الخير والسداد واسفه لوكنت زعلتك:27:
daria
•
المصريه
•
عزيزتى Daria
اشكرك الف شكر على مشاعرك الرقيقه تجاهي ان كل يوم بيزيد احساسي عن اليوم اللى قبله انى مش بكتب مشكلتى على النت انما انى بتكلم مع اهلى. وصدقينى ده احساس صادق نابع من جوايا...
اما عن تساؤلاتك فانا فعلا معرفش اى حاجه عن العرف المصرى لانى لما بنزل مصر كل اللى بقعده اسبوعين ثلاته او شهر بالكتير جدا وكونت بنقضيه في اى مكان سياحي في مصر يعنى بكون بعيده كل البعد عن الجرايد ولو اتفرجت على تليفزيون بتكون كلها افلام لانى بشتاق لها جدا اما عن بابا وماما فلاسف بابا كان اصيب بنزيف في المخ والحمدالله عدت على خير بس مبقاش زى زمان ربنا يشفيه وماما زى معظم الامهات بتوع زمان على نيتها خالص وكانت دايما سايبه لى انا كل حاجه انظمها وارتبها وزى ما ذكرت ان الشقه بتاعتنا لما احتاجت توضيب انا اللى نزلت علشان اتكفل بالموضوع ده وفي كل مشكله انا اللى كونت بتدخل علشان احلها يعنى انا الكبيره بتاعتهم وقبل ما كان يحصل اى حاجه كانوا لازم ياخدوى رأيي لانى كونت زمان معروفه برجاحه العقل وما زلت بس للاسف مش مع جوزى لانى بكون معاه مستسلمه لكل رغباته وبفكر دايما بقلبي وبيتملكنى الاحساس بالخوف انى افقده وعلشان كده حصل اللى حصل وابتديت افقد احترامه ويمكن حبه بسبب تهاونى في كرامتى بعد ما كان اول شئ شده ليا هى شخصيتى واسلوبي...
اما عن مراته فانا متأكده انها متعرفش حاجه هى اكيد شاكه في حاجه لانها لقيت في يوم من الايام صورتى معاه في المحافظه وكانت مشكله كبيره جدا بينهم بس هو علشان شخصيته قويه جدا جدا معاها الموضوع انحصر على قطيعه بينهم لمده كام اسبوع وهو قاللى انه اقنعها ان كل اللى بينا انى زى اخت وصديقه انا واهلى وشغل وهي طلبت منه انه ينهى الشغل اللى بينا ويقطع علاقتنا بس هو رفض وباصرار وطبعا هى استسلمت لقراره لانها عارفه كويس جدا انه عنيد ومبيحبش يخلى ست تمشي كلمتها عليه ودى حاجات انا شوفتها بنفسي لما روحت عندهم كام مره حسيت هى بتخاف قد ايه منه وقد ايه بتعمل له حساب لدرجه انه مره اخوه خبط عليها علشان ياخودها هي والاولاد في حفله عيد ميلاد ابنه مقدرتش تروح معاه الا لما اتصلت بيه وكان معايا وقتها واستأذنته هو معودها على كده..وهى عيلتهم كلهم كده محدش يدخل البيت الا في وجود الزوج ولا حتى واحد جاى يصلح حاجه في البيت.. ودى الحاجات اللى انا حبيتها فيه وانا منكرش ابدا انه خلانى اقضي اسعد ايام حياتى في اول سنتين علشان كده مش قادره ابعد عنه وعلى فكره انا حلوه ودمى خفيف جدا بشهاده الجميع يعنى متجوزتوش علشان مش لاقيه بل بالعكس ودى حاجه هو لمسهاان ناس كتير جدا بتتمنى بس انها تكلمنى ولشخصيتى انا مش علشان عايشه بره او علشان عيلتى مبسوطه لان مفيش حد في مصر يعرف عننا حاجه وبيتنا في مصر بسيط جدا جدا لدرجه انه لما جه اول مره يزورنا هنا مكنش مصدق اننا عايشين عيشه مرفهه كده هنا لانه شاف ان بيتنا في مصر بسيط فاعتقد اننا حالتنا متوسطه.. وعلشان كده انا مشكتش فيه لما طلب انه يتجوزنى لان ده حصل قبل ما يشوف الوضع هنا والمشكله انى عارفه ومتأكده انه بيحبنى انتى عارفه ان الستات عندها الحاسه التاسعه في المواضيع دى واخواتى كلهم بيأكدوا ده هما طبعا مش راضين عن تصرفاته انما بيقولوا ان واضح جدا انه بيحبنى جدا جدا بس هو من النوع اللى متربي على ان الست متعليش صوتها ولا تغلط في الراجل ويوم ما مراته تكلم كلمه متجبهوش بيخلى يوم اسود وطبعا معايا انا واعترف بالحق غلطت فيه كتير واتنرفزت عليه اكتر بس ده نابع من الغيره اللى جوايا ما انا كمان مراته وليه حقوق عليه بس انا رضيت من البدايه بكده وهو مضحكش عليا في شئ اما عن الاطفال فانا عندى طفل ربنا يخليه ليا يارب من زوجى الاول وانا مش عايزه اطفال منه على الاقل حاليا لانى مستحيل اقبل ان ابنى او بنتى يتربي بعيد عن باباه وده ممكن يزود الضيق جوايا وانا مستحيل اقدر اسيب اهلى واعيش في مصر وهو طبعا مستحيل هيقدر يسيب عياله وشغله وييجى يعيش هنا ولو انه قاللى كذا مره انه بيفكر يصفي شغله وييجى يعيش هنا ويبقي ينزل كام مره في السنه علشان يشوف عياله وطلب منى اشوف له شغل يدخل له عائد كبير علشان تبقي زى ما بيقول الغربه ليها تمن... وانا مشوفتش حاجه ولا نيتى انى اشوف لانى عارفه ان روحه في اطفاله ومستحيل هيقدر يخطى الخطوه الكبيره دى لانه لما بيجى عندى ولو قعد معايا اسبوع بس بيكلم مراته يوم ويوم علشان زى ما بيقول يطمن على عياله....
اما عن جوازى فهو تم عند واحد محامى صحبه لانه زى ما قال ميقدرش يروح لمأذون لانه لازم يجيب موافقه الزوجه ومراته لو عرفت هتسيب البيت وتطلب الطلاق وهتذله علشان يشوف عياله..
وانا قبلت بكده بالرغم من انى لو حد قاللى في يوم من الايام انى ممكن اكون زوجه تانيه كونت اقوله انت بتحلم لانى كونت دايما ضد الفكره والمبدأ وكونت دايما بتجنى على الزوجه التانيه لانها بتاخد انسان من بيته وجيت انا حبيته لدرجه رهيبه وقبلت بكل التنازلات لمجرد انى اكون معاه واتمتع بمشاعر الحب اللى كانت مسيطره عليا...
انا في المسأله كلها لوحدى ومش عايزه ارهق بابا وماما بالمشكله لانهم ناس كبار في السن وكل اللى امى هتعمله هو البكاء وبابا هيملاه الحزن عليا وعلى اللى وصلت له.
اما عن اخواتى فهم اصغر منى وانا بحكى لهم لمجرد التخفيف عن اللى جوايا
وطبعا انا مش زعلانه منك على اللى قولتيه لان كل كلامك صح
على العموم انا بحاول دلوقتى اسيطر على مشاعرى معاه ولو طنشنى ومكلمنيش انى مسألش بس المشكله انه كل ما يحس انى هضيع من ايديه الاقيه يقرب ويحاول بكل الطرق يرجعنى تانى واول لما ارجع وابتدى احسسه بحبي يبتدى هو في اهمالى بحجه الشغل.. علشان كده مش عارفه اتعامل معاه لانه مش محدد الاتجاهه بتاعه شويه يبعد وشويع يقرب شويه يعند وشويه يحقق لى كل رغباتى
اتمنى انى اكون قدرت افهمك الوضع
ومتشكره مره تانيه على اهتمامك انتى وكل الاخوات
اشكرك الف شكر على مشاعرك الرقيقه تجاهي ان كل يوم بيزيد احساسي عن اليوم اللى قبله انى مش بكتب مشكلتى على النت انما انى بتكلم مع اهلى. وصدقينى ده احساس صادق نابع من جوايا...
اما عن تساؤلاتك فانا فعلا معرفش اى حاجه عن العرف المصرى لانى لما بنزل مصر كل اللى بقعده اسبوعين ثلاته او شهر بالكتير جدا وكونت بنقضيه في اى مكان سياحي في مصر يعنى بكون بعيده كل البعد عن الجرايد ولو اتفرجت على تليفزيون بتكون كلها افلام لانى بشتاق لها جدا اما عن بابا وماما فلاسف بابا كان اصيب بنزيف في المخ والحمدالله عدت على خير بس مبقاش زى زمان ربنا يشفيه وماما زى معظم الامهات بتوع زمان على نيتها خالص وكانت دايما سايبه لى انا كل حاجه انظمها وارتبها وزى ما ذكرت ان الشقه بتاعتنا لما احتاجت توضيب انا اللى نزلت علشان اتكفل بالموضوع ده وفي كل مشكله انا اللى كونت بتدخل علشان احلها يعنى انا الكبيره بتاعتهم وقبل ما كان يحصل اى حاجه كانوا لازم ياخدوى رأيي لانى كونت زمان معروفه برجاحه العقل وما زلت بس للاسف مش مع جوزى لانى بكون معاه مستسلمه لكل رغباته وبفكر دايما بقلبي وبيتملكنى الاحساس بالخوف انى افقده وعلشان كده حصل اللى حصل وابتديت افقد احترامه ويمكن حبه بسبب تهاونى في كرامتى بعد ما كان اول شئ شده ليا هى شخصيتى واسلوبي...
اما عن مراته فانا متأكده انها متعرفش حاجه هى اكيد شاكه في حاجه لانها لقيت في يوم من الايام صورتى معاه في المحافظه وكانت مشكله كبيره جدا بينهم بس هو علشان شخصيته قويه جدا جدا معاها الموضوع انحصر على قطيعه بينهم لمده كام اسبوع وهو قاللى انه اقنعها ان كل اللى بينا انى زى اخت وصديقه انا واهلى وشغل وهي طلبت منه انه ينهى الشغل اللى بينا ويقطع علاقتنا بس هو رفض وباصرار وطبعا هى استسلمت لقراره لانها عارفه كويس جدا انه عنيد ومبيحبش يخلى ست تمشي كلمتها عليه ودى حاجات انا شوفتها بنفسي لما روحت عندهم كام مره حسيت هى بتخاف قد ايه منه وقد ايه بتعمل له حساب لدرجه انه مره اخوه خبط عليها علشان ياخودها هي والاولاد في حفله عيد ميلاد ابنه مقدرتش تروح معاه الا لما اتصلت بيه وكان معايا وقتها واستأذنته هو معودها على كده..وهى عيلتهم كلهم كده محدش يدخل البيت الا في وجود الزوج ولا حتى واحد جاى يصلح حاجه في البيت.. ودى الحاجات اللى انا حبيتها فيه وانا منكرش ابدا انه خلانى اقضي اسعد ايام حياتى في اول سنتين علشان كده مش قادره ابعد عنه وعلى فكره انا حلوه ودمى خفيف جدا بشهاده الجميع يعنى متجوزتوش علشان مش لاقيه بل بالعكس ودى حاجه هو لمسهاان ناس كتير جدا بتتمنى بس انها تكلمنى ولشخصيتى انا مش علشان عايشه بره او علشان عيلتى مبسوطه لان مفيش حد في مصر يعرف عننا حاجه وبيتنا في مصر بسيط جدا جدا لدرجه انه لما جه اول مره يزورنا هنا مكنش مصدق اننا عايشين عيشه مرفهه كده هنا لانه شاف ان بيتنا في مصر بسيط فاعتقد اننا حالتنا متوسطه.. وعلشان كده انا مشكتش فيه لما طلب انه يتجوزنى لان ده حصل قبل ما يشوف الوضع هنا والمشكله انى عارفه ومتأكده انه بيحبنى انتى عارفه ان الستات عندها الحاسه التاسعه في المواضيع دى واخواتى كلهم بيأكدوا ده هما طبعا مش راضين عن تصرفاته انما بيقولوا ان واضح جدا انه بيحبنى جدا جدا بس هو من النوع اللى متربي على ان الست متعليش صوتها ولا تغلط في الراجل ويوم ما مراته تكلم كلمه متجبهوش بيخلى يوم اسود وطبعا معايا انا واعترف بالحق غلطت فيه كتير واتنرفزت عليه اكتر بس ده نابع من الغيره اللى جوايا ما انا كمان مراته وليه حقوق عليه بس انا رضيت من البدايه بكده وهو مضحكش عليا في شئ اما عن الاطفال فانا عندى طفل ربنا يخليه ليا يارب من زوجى الاول وانا مش عايزه اطفال منه على الاقل حاليا لانى مستحيل اقبل ان ابنى او بنتى يتربي بعيد عن باباه وده ممكن يزود الضيق جوايا وانا مستحيل اقدر اسيب اهلى واعيش في مصر وهو طبعا مستحيل هيقدر يسيب عياله وشغله وييجى يعيش هنا ولو انه قاللى كذا مره انه بيفكر يصفي شغله وييجى يعيش هنا ويبقي ينزل كام مره في السنه علشان يشوف عياله وطلب منى اشوف له شغل يدخل له عائد كبير علشان تبقي زى ما بيقول الغربه ليها تمن... وانا مشوفتش حاجه ولا نيتى انى اشوف لانى عارفه ان روحه في اطفاله ومستحيل هيقدر يخطى الخطوه الكبيره دى لانه لما بيجى عندى ولو قعد معايا اسبوع بس بيكلم مراته يوم ويوم علشان زى ما بيقول يطمن على عياله....
اما عن جوازى فهو تم عند واحد محامى صحبه لانه زى ما قال ميقدرش يروح لمأذون لانه لازم يجيب موافقه الزوجه ومراته لو عرفت هتسيب البيت وتطلب الطلاق وهتذله علشان يشوف عياله..
وانا قبلت بكده بالرغم من انى لو حد قاللى في يوم من الايام انى ممكن اكون زوجه تانيه كونت اقوله انت بتحلم لانى كونت دايما ضد الفكره والمبدأ وكونت دايما بتجنى على الزوجه التانيه لانها بتاخد انسان من بيته وجيت انا حبيته لدرجه رهيبه وقبلت بكل التنازلات لمجرد انى اكون معاه واتمتع بمشاعر الحب اللى كانت مسيطره عليا...
انا في المسأله كلها لوحدى ومش عايزه ارهق بابا وماما بالمشكله لانهم ناس كبار في السن وكل اللى امى هتعمله هو البكاء وبابا هيملاه الحزن عليا وعلى اللى وصلت له.
اما عن اخواتى فهم اصغر منى وانا بحكى لهم لمجرد التخفيف عن اللى جوايا
وطبعا انا مش زعلانه منك على اللى قولتيه لان كل كلامك صح
على العموم انا بحاول دلوقتى اسيطر على مشاعرى معاه ولو طنشنى ومكلمنيش انى مسألش بس المشكله انه كل ما يحس انى هضيع من ايديه الاقيه يقرب ويحاول بكل الطرق يرجعنى تانى واول لما ارجع وابتدى احسسه بحبي يبتدى هو في اهمالى بحجه الشغل.. علشان كده مش عارفه اتعامل معاه لانه مش محدد الاتجاهه بتاعه شويه يبعد وشويع يقرب شويه يعند وشويه يحقق لى كل رغباتى
اتمنى انى اكون قدرت افهمك الوضع
ومتشكره مره تانيه على اهتمامك انتى وكل الاخوات
الصفحة الأخيرة
انا معاكى في كلامك يا ابتسام انه ممكن يكون بيستلذ بتعذيبي وان كونت قولت له الكلام ده اكثر من مره انى بحس انه عايز ينتقم منى بس ليه وعلى ايه مش عارفه؟؟؟
المهم انا بعد اللى عملته معاه كونت مرتاحه نفسيا لانى حطيت النقط على الحروف على الاقل مع نفسي واـاكدت اخيرا ان مش دايما القرب منه جنه صحيح بحبه ومقدرش اعيش من غيره انما انا اقتنعت بكلامكم كلكم ان هو مش قادر يوصللى احساس حلو واصبحت حياتى معاه مليانه بالحزن والقهر علشان كده قولت لنفسي ما دمت انا كده كده تعبانه يبقي الافضل انى اختار التعب المؤقت وهو البعد عنه وربنا اكيد هينعم عليا في يوم من الايام بنعمه نسيانه ولما وصلت للقرار ده ارتاحت وتركت امورى على ربنا..
ولكن حدث ما يكن في الحسبان انى دخلت النت ولقيته وكلمنى وقاللى انه داخل النت علشان يبعت لى اميل وطلب انى اقراه واقوله رأيي فيه طبعا كان كاتب انه بيحبنى وحاول ينسانى كتير ومقدرش وياما حاول يكرهنى ومعرفش واكيد انه بفكر فيه انه انسان جبان ونذل لانه اتخلى عنى بعد ما وقفت جنبه بس ده مش صح لاننا انفصلنا عن بعض كتير قبل كده ومن قبل ما يكون بينا ماديات وبيقوللى لو ليا لسه عندك خاطرى متكرهنيش لانه صعب عليا انى احس انك بتكرهينى وانا المفروض انى انسي اللى قولتيه بس انا مش قادر وكل يوم بحلم بكلامك واخرها امبارح...
هو كان طبعا باعت الكلام على اساس انه يريحنى او يبسطنى انما انا اتنرفزت جدا وقولت له انه انذل واجبن مما يتخيل وانه انسان مش كويس الخ الخ طبعا لما سمع الكلام اتنرفز وقاللى انه بيندم انه اتجوزنى وبيندم على كل لحظه قضاها معايا الخ الخ وانه هيرجع لى الفلوس اخر الشهر لانه مش عايز يكون فيه بينا تعاملات ماديه بس انا قولت له يخللى الفلوس لاخر السنه زى ما اتفقنا قبل كده بس الخط فصل وبعدها مش علشان كان رايح يودى بنته للدكتور
وقطعنا يومين وامبارح كلمنى وكان صوته حزين على ما اعتقد لانه حاسس انى ابتديت اتغير واتغير كتير كمان وقولت له انه يخللى الفلوس معاه لاخر السنه وان علاقتنا زى ما اتفقنا منتهيه لانه انسان مش عادل والمسلم الصح لازم يكيل الامور بمكيال واحد مش اتنين وان فيه مشاكل كتيره بينه وبين مراته ومع ذلك بيمارسوا حياتهم عادى وبيكلمها وبيشوفها ومجاش في يوم يقولها خلينا اصحاب واخوات وانا مش هقبل كده على نفسي لانى مش عشيقتك علشان تتصرف معايا كده وكونت بكلمه بهدوء ومن غير عصبيه وفضلت على كلامى اننا ننفصل فقاللى وليه تضيعي العشره دى كلها اللى بينا ما تخلينا كده لحد ما اقدر انسي واتعامل معاكى عادى قولت له انا بطالبك انك تعاملنى زى ما بتعامل مراتك الاولى فقاللى انا مراتى لو قالت ربع كلامك كونت ورحمه امى طلقتها وانتىوالله والله العظيم الانسانه الوحيده اللى حبيتها ومازلت بحبها علشان كده جرحى من كلامك كبير قولت له اللى اعرفه ان الحب تسامح مش زى ما انت بتعمل انا عارفه انى غلطت في كلامى انما انا اعتذرت لك كتير ومادمت انت مقسي قلبك اوكى خليك مع تفكيرك انما انا مقدرش استحمل ده كفايه بعدك عنى وانا ساكته كفايه انى لما بكون في مصر بشوفك سرقه انا محتمله فوق طاقتى علشان بحبك انما متجيش تقسي عليا كمان انا مبحبش القسوه تدينى حنيه تاخد حب تدينى عطف وحنان تلاقي اهتمام ورعايه وخوف وغيره انما قسوه لاء
المهم ابتدى يجر ناعم لما لاقانى مصممه على البعد والطلاق وقاللى اوكى احنا نتعامل عادى زى ما بعامل مراتى بس من غير كلام حب لحد ما اقدر انسي اللى حصل..
قولت له اوكى وكان المفروض يكلمنى بليل بس انا الضغط وطى عندى جدا فبعت له رساله انى مش هقدر اكلمه علشان انا تعبانه فقاللى الف سلامه وربنا يقويكى فحسيت انه اتضايق فبعت له وسألته اذا كان زعل وانى تعبانه فعلا ومش قادره اقف على رجلى فقاللى لاء خلاص... ولحد دلوقتى مسألش حتى برساله عامله ايه
انا عارفه انه فاكر انى بلعب لعبه معاه وعارفه انه متضايق انى ابتديت اخرج وهشتغل لان ده ضد طبيعته وعارفه ان شاكك انى امبارح خرجت ومكونتش تعبانه علشان كده مسألش عليا
بس انا سايباه يفكر كل ده يمكن يبتدى يغير من اسلوبه اكتر واكتر؟؟
ولا ايه رأيك؟؟؟؟؟