صبحكم الله بالخير بنات كيفكم زماااااااان زماااااان عنكم سافرت برى ورجعت لارض الوطن الحمدلله
بعد الغربه وعدم توفر كل شي مثل ماتعرفون قررت لما رجعت ارجع اهتم بصحتي بزياده
الموضوع للنحيفات خصوصا والسمينات عموما
الطريقه بأختصار انا احب اشرب عصير جزر وبرتقال يوميا واحب اشرب الشراب الاخضر يوميا لاني سبق وجربتهم بس 3 ايام وتركتهم من التعب يوميا اشغل العصاره والخلاط غير التقشير والتقطيع والغسيل
وبعدها انظف الاجهزه ولازم بضمير عشان لاتعفن فكانت الشغله مرهقه وتاخذ وقت
وتصيب بالملل والتراجع وهذا اللي صار تراجعت وتركت كل شي من 3 يوم
بتشوفون طريقه غريبه بس انا جربتها لمدة اسبوع ووقفت لاني طلعت من بيتي
ونقلنا وباقي مافضيت اسوي جديد وان شاءالله اذا فضيت ارجعها
والله سجلت دخول مخصوص عشان افيدكم ولاتنسوني من دعواتكم
انا اسوي حق اسبوع كامل 7 ايام
مابي المده طويله لاني اقدر اغسل واجهز في الاسبوع مره عكس لوكل يوم
تقدرون تستخدمون اكياس بس الافضل اكواب بلاستيك نوعيه جيده بغطاء
تلاقونها بمحلات الجمله
عصرت جزر وبرتقال كل واحد بعصارته :( وعصرت الشراب الاخضر
بالعصاره وبالخلاط يعني استخدمت 3 اجهزه
وبعدين عبيتهم في اكواب كل عصير لحاله يعني الجزر والبرتقال مع بعض
والاخضر لحاله صار عندي 14 كوب
عصرت على كل عصير ليمون قبل التعليب
صرت كل ليله انزل كوب عصير وكوب من الشراب في الثلاجه تحت
اشرب الاخضر بعد الغدا والجزر قبل النوم
مااقولكم يابنات صدمتني النتيجه كأنو طازج لذيذ جدا ومفيد ولافيه تغير لابطعم
ولاالون ولا الشكل كأني توي عصرته
اللي تبي تطول المده يعني تسوي حق شهر عادي بس انا قلت دام الشغله مره بالاسبوع ماشوفها تعب ومنها يكفيهم الفريزر بدون ماتقل برودته
تعرفون مع كثرة الاغراض تنخفض البروده
اللي بتسئل عن فوايده شي خيال للبشره من 2 يوم ويشيلون الامساك
وجهك ينور انا حبيت بشرتي صرت احب اشوف وجهي ولاتنسو انها مناجم من الغذاء
طبعا انا حزينه لاني ماكملت البرنامج بس ان شاءالله راجعه قريب
ارفعوا الموضوع واي سؤال رح ارجع ارد عليهم ان شاءالله
سممسممه @smmsmmh_1
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
جزاك الله خير