يا أخوات قبل رمضان دخلنا تحدي ال ينحف أسرع مننا أربع
كلهم نحفوا إلا انا 💔💔💔💔💔💔💔
كلنا كنا في السبعين ووحده في الثمانين
ال في السبعين وحده صارت ٦٢ والثانية ٦٨ وال في الثمانين صارت ٧٢
وانا مكااااااني
ودي أنحف لكن وربي الإرادة صففرررر ودي يجي عيد الأضحى وأنا غييير
ابغى انزل ١٠ كيلوا. لكن كيف والإرادة صفر كذا مدرررري
قلت ب ابدأ برجيم الكربوهيدرات لكن شفت الكمية كثير يعني بالعادة أكلي أقل منه وانا من الناس ال تحب النوع الواحد او نوعين ولا ثلاث عادي لكن رجيم الكربوهيدرات طلباتوا كثير وانا كسلاااانة انا من يوم خلقت سمينة ومن دخلت عمر العشرين وزني ثابت حتى لو اكلللت مايزيد اكثر من ٧٣ ولا ينزل من ٧٠
طيب ال نحفت خلال شهر ونزلت ١٠ كيلوا تعطيني الطريقة ولها دعواتي ربي يسعدكم أخواتي لا تطنشوا الموضوع
شاركي في النقاش
سجلي الدخول لإضافة تعليق.
التعليقات
6- يا اختي وش شهر ١٠ كيلو هذا مو صحي ابدددداً ورح ترجعينه دبل انا جلست سنه كامله عشان ينزل مني ١٣ كيلو ، كل الي سويته تخفيف اكل وصرت الحلى اكل باليوم حبتين شوكلت صغار مع قهوه والخبز قطعتين صغار باليوم والرز او المكرونه احط ٥ ملاعق مع دجاج ، الباقي تخفيف اكل ومشي ساعه كل يوم وكنت الاحظ فرق صراحه بس للاسف رجعت نص الي خسرته لاني مليت من الدايت وانا مدمنة حلى ، بس خلي عندك ارادة بتنحفين والله
- صاحبة الموضوع #102766116..
- لا تعملي ريجيم قاسي اقطعي السكر خففي النشويات اعملي الصيام المتقطع
- واشربي شاي اخضر بين الوجبات وقهوه قشر مع زنجبيل
- 10 كيلو بشهر انتي كذا جالسه تطلبين المستحيل
خلي تفكيرك واقعي ومنطقي عشان تكونين اقرب للمصداقيه والشفافيه مع نفسك
اذا نحفتي بالاسبوع الواحد 2 كيلو هذي بحد ذاتها انجاز ونعمه
والمهم هو النزول في مقاسات محيط الجسم وليس النزول على الميزان
والشي الثاني اذا كان هدفك من النزول عشان الآخرين وتنافسك معاهم مو عشان نفسك فعمرك ماراح تجدين الاراده وتنحفين
لازم يكون هدفك النزول عشان نفسك عشان صحتك يعني تكونين مقتنعه فعلياً انك تبين تاكلين اكل صحي وتتبعين نظام غذائي سليم متوازن يغذيك ويطرد السموم من جسمك ويقويك
وشفتي موضوعك اللي من كم يوم كاتبه فيه نظام غذائي صارم قاسي تظنين انك كذا بتنحفين اكثر واسرع وانا اقترحت عليك تعديله وزيادة الكميات
شوفي نفسك اليوم عجزانه تلاقين الاراده لانك من الاساس متصوره ان النحافه حرمان من الاكل وتجويع وهذا الشي غلط
تقدرين تنحفين بمجرد انك تقللين كميات النشويات في وجباتك للنص وتعوضينها بطبق سلطه وخضار غير نشويه
وتخففين كميات العصاير والحلويات والسكريات لنص الكميه اللي متعوده تاكلينها على الاقل اذا ماقدرتي تقطعينها
اهم شي ما تحطين نفسك في مشاعر حرمان وتجويع لانها اكبر معيق لك
يعني ببساطه كلي نص الوجبه اللي تاكلينها بالعاده + زيدي كمية السلطه الخضراء
وادخلي لجدولك اليومي نشاط رياضي مثل الرقص او الزومبا او تمارين الخمسه ميل او الهروله لو تبدأين بمدة 10 دقايق ثم مع الايام تزيدينها الى 20 دقيقه مع التركيز على التنفس الشهيق والزفير
ومو شرط كل يوم رياضه خصصي لك يوم او يومين راحه عشان تستجمعين طاقتك وتريحين عضلات جسمك وعظامك
الامور سهالات اذا نظرتي لها من نظره وزاويه ثانيه غير اللي انتي متبنيتها حالياً
مواضيع مشابهة
تابعي تجارب أخرى من هذا القسم.