orkidia :

اهلين ام فارس الله يخليك خجلتيناو الله(بحكي بلسان الكل) على كل حال هذا من ذوقك ما شاء الله الله يخلّيهم يعني فارس ما في مشكلة معه اما فادي فكانت بنتي بعمره ما تاكل شي لكن كانت تحب الخبز فاعطاها الطبيب فيتامين و معقولة الاسنان بهالفترة ما بتخلّي الولد اله خلاق على شي في شوربة كنت اعملها و طيبة ممكن تجربي له ياها بركي الله بيهديه و بياكل سفينة مسلوقة و منتفة كتير صغيرة جزر مبروش بقدونس مفروم ناعم صنوبر مقلى و محمر او محمر تحميص بالفرن شعيرية عصرة حامض ملح و رشة بهار ملعقة صغيرة معجون طماطم من شان يعطي لون حلو كمشة رز(و ممكن متل ما بتحبي المهم تطلع ثقيلة شوي ما كتير) ممكن تضغطيهم خمس دقايق و ممكن تعمليهم بطنجرة عادية و ممكن اذا ابنك بيقبل ياكل تعطيه ياهم متل ما هن و اذا لا بتحطيهم بالخلاط و ان شاء الله يقبل ياكل و نحنا بانتظارك بإذن الله

اهلين ام فارس الله يخليك خجلتيناو الله(بحكي بلسان الكل) على كل حال هذا من ذوقك ما شاء الله...

orkidia :

اهلا دوناتة الله يقويك كله عندي ما بينفع اما نظام الاكل فما خصو بالروتين لان كل يوم عندي الغدا شي و العشا شي يعني العائلة كلها ما بتحس بالروتين و الخضار لو كان احلى شي ما في نفع اللي ما بدها ما بدها ياه بتقول حلوين بس انا ما بحبهن و بتذوق و بتقرر ما بدها المعجنات ما بتحبها كتير بتحب الخبز كتير خاصة انه فرنسا مشهورة بالخبز و ما اكتر انواعه اما الكاتوه فبالرغم من انها بتحبه كتير بتاكل قطعة و لبعد فترة لتلرجع تاكل بتعمل معي الكاتوه و بترق العجينة بالشوبك على قد ما بسمح لها طبعا اما بخصوص التلفلفزيون فنحنا عم نحاربه و كل الخبراء بينصحوا بإطفائه وقت الاكل سواء للصغار و للكبار سواء على صعيد عربي ام غربي فهاي بتسمحي لنا فيها ما رح نطبقها باختصار بنتي ملولة حتى من الاشياء الجديدة و بانتظار المزيد من تجاربك ان شاء الله يا هلا بالساجده لله وحده لا شكر على واجب ان شاء الله بتشوفيها ست الصبايا بتعرفي انه بنتي هي و عمرها اشهر كانت تاكل اكل من البيت هلق ما بتذوقه باعتبار اني ما كان عندي حليب فعلى اربع اشهر هي فطمت حالها فكنت طعميها من اكل البيت كل شي يخنة و رز و شوربات و كبة و كوسا محشي كل شي على الخمس شهور و ما عم بالغ طلعت الفرق على وعيها ملاحظة في اخت بالمنتدى طلبت مرة نصيحة شو بدها تطعمي بنتها و هي عمرها خمسة او سبع شهور قلت لها شو كنت طعمي بنتي ردت عليي حسيتها عم تصرخ بوجهي"ااي بس انا بنتي عمرها خمس شهور مش خمس سنين" وينها هلق و على كل الله يجعلك من الساجدات له دائما و يا ريت تقولي لنا شو بتعملي لها او بشو عم تعذبك و نحنا بانتظارك ان شاء الله

اهلا دوناتة الله يقويك كله عندي ما بينفع اما نظام الاكل فما خصو بالروتين لان كل يوم عندي...