تسجيل حضور وسط الاقلام المبدعه...
ما شاء الله عندك ملكة الكتابه يا بدوره .

بس من وراء الكواليس بمارس صلاحياتى واقول

:hahaha: :hahaha:

اهلين بدوره صراحه ماكان ودي اعلق عشان مايخرب الموضووع لكن وقفت عند النقطه هذي:



وش رايك بالحكم على الجندي الامريكي اللي اختطف واغتصب هوواصدقائه ثم احرق جثة الطفله العراقيه واهلها حكمت عليه المحكمه السجن 18 شهر
وحميدان التركي فك الله اسره يحكم عليه سجن مدى الحياة لانه احتجز جواز الشغاله عنده
تشهد لدمقراطيتهم سجن غوانتنامو وسجون العراق والسجوون السريه حوول العالم والاختطافات
بعدين نجي ونقوول دول تحكم بالعدل والله انهم اشد من هتلر .

لكن الله ينتقم منهم عاجلا غير اجل.

اسفه يام محمد كتبت مشاركتي قبل لاشووف ردك.

ست الحسن والدلال وشذو
ما تفهموا مداخلتى بشكل ثانى حبيت ممازحتكن (امحق من مزحه ثقيله)
يعلم الله كم يعجبنى الحوار القيم الراقى .

لم يكن قصدى التوقف عن التحاور
بالعكس الاضافات تزيد الموضوع حماس وألا لم أسطرها بالأقلام المبدعه
لكن كل ما هنالك ما نبغى الحماس يزيد عن حده,,,,

تعرفوا كيف الحميه العربيه تأخذ الوحده وتصير تخانق ,,,
لما رجعت بلدى فى الزياره الماضيه ,,,
حصلت لى العديد من المواقف الأن أقول عليها طريفه ...
كنت كل مره أقول ومن دون قصد منى على أى شيئ ما يعجبنى بكندا عندهم كذا وبكندا عندهم هذه تنظيمها كذه..
يمكن كانت ردودى تُظهر نوع من الاعجاب الخفى بنظام الدوله العلمانيه وبنوع من الأسف على الفوضى فى بلدى ,,,
لكن السامعين لم يفهموا قصدى أو أن الحميه العربيه والوطنيه كانت تاخذهم ويشبطون برقبتى
كيف تنسى بلدك وما ادرى شو هذه الارض اللى كبرتك والخخخ من هذا النوع من الكلام .
وكنت دائماً اعتذر واوضح انى ما عاجبنى فى كندا ألا النظام والقانون السارى على المواطنيين بعيداً عن التوجهات السياسيه او التعصبات الدينيه فى بعض الاحيان ولا شيئ غير ذلك .
لكن بعض المحاورين لى فهموا انى خلاص (تكنيدت يعنى صرت كنديه )على قولتهم وعليه العوض فى وطنيتى وعروبتى .
وهات مين يصحح هالمفاهيم ....

بأختصار أحياناً نقع ومن دون قصد منا فى نقطة خلاف ظاهره وواضحه
رغم ان الاصل هو لا خلاف

دمتن بود

وما حبيت يتشعب الحوار وتشدو شعر بعض (الا هى شعوركم شو بقى فيهابالغربه)...
وبالاماره انتوا كل اشوى تدوروا على زيوت وكريمات لأصلاح ما أفسدته الغربه .

هلابالغاليات كلهم وخصوصا ختي ست الحسن...

كلامك اعلاه فيه مااتفق معاه وفيه ماختلف معاه ...

لأن النقطة الاساسية في كلامي ليس تمجيد الحضارة الغربية ولاالنيل من الواقع المؤلم للمسلمين...

ولكن النقطة الاساسية هو كيف ننظر للجانب المشرق من كل شيء ...وان نظرتنا للجانب السيء تعني خلل في تفكيرنا...

يعني مثلا لو شفنا جرائم الاغتصاب والقتل واعلان الحروب المستمر من قبل الاوربيين تحديدا (ماراح اتكلم عن الامريكيين لأن الامريكيين ترا ظاهرة تاريخية نادرة وتشوفين كل يوم طالع كتاب يحلل الامريكي كظاهرة مختلفة جدا جدا)..

لو شفنا هالشيء السيء في اوربا فليه مانسأل انفسنا ليه نقدر نشوف هالاشياء السيئة؟؟

يعني ليه صارت هالاشياء حاجة مشهودة؟؟؟مو لأن الاعلام يظهرها وبشفافية؟؟

شوفي احنا الاعلام لما بدأ للأسف يفضح الاشياء اللي كانت متخبية تحت بدينا نتململ ..ونقول لامانبي نشر غسيل...ومن هالكلام...

يااختي ست الحسن مجتمعنا ككل المجتمعات من عهد آدم وحواء ومرورا بعهد سيد الخلق صلى الله عليه وسلم والى الآن ...بتلقين الجريمة وتلقين المجرم وتلقين الخطا ...

ولكن كيف تحكمين على هالمجتمع او غيره بأنه متقدم وصالح؟؟؟

لما يكاشف نفسه ومايستحي انه يظهر اغلاطه وعوراته...

شوفي عندك الان المجتمع الغربي وصورته في الاوساط العربية انها مجتمعات دعارة وخمر وصياعة..هالصورة ن اللي روّج لها؟؟؟

الاعلام الغربي نفسه ...مع ذلك هل ضرهم هالشيء؟؟؟

شوفي عدد المهاجرين (وعلى رأسهم المسلمين) اللي يطيحون عند رجولهم صباح ومسا...رغم كل مايقال عنهم زي الثوم ماكول مذموم...

لكن احنا لا...ننمي في انفسنا وفي تصورنا اننا مجتمعات طاهرة ومافيها اخطاء ولما يطلع احد يحاول الاصلاح نرميه بأنه عميل وخائن ويحاول ينشر الغسيل...

يعني هل كانت دعوات الانبياء والمصلحين نشر غسيل ؟؟؟مثلا يعني؟؟؟

لانحاول نخدع انفسنا باننا مجتمعات سوية ...ان جيتي للجريمة شوفي عندك كيف يرتفع معدلات الجريمة في البلاد الاسلامية يوم عن يوم...

الوضع الاجتماعي صح مستقر ولكن كلما يتفكك يوم عن يوم...ليه زادت مشكلات النساء ليه زادت مشكلات الشباب ..ليه الشذوذ يتفشى بين الجيل القادم.؟؟؟

اسئلة كثيرة لو كاشفنا انفسنا بخصوصها لوجدنا انه يوجد خلل في بنية تفكيرنا كعرب وكمسلمين ناتج من اغفال القيم الاخلاقية الكبرى في القرآن الكريم...واغفال الاساليب التربوية الفعالة في تطوير المجتمع...

وامر آخر اعمق اللي هو طريقة تنظيم البلدان الاسلامية ....واسلوب الحكم فيها ماهو اسلامي ولاديني ولاغيره...مجرد اعادة لفكرة الاستبداد السياسي اللي تربي الخوف في الناس وبالتالي ينشؤون جيل خائف خانع مايعرف من الدين الا المظاهر وينسى الاساسيات...

يعني بالله عليك ليه مجتمعاتنا العربية من اولها والى آخرها مازالت الرشوة ..لامنب قايلة الرشوة الرشوة هلحين صاروا يحاكمون عليها ....اقول الواسطة...

فيه احد تعرفينه ماستخدم الواسطة؟؟؟

الواسطة بحد ذاتها عمل غير حضاري....لأنه ان كان من حقي اني احصل على هالوظيفة او على هالمقعد فليه استجدي واحد مسؤول عشان يعطيني اياه...وان كاني مااستحقه فليه آخذه؟؟؟

مع ذلك شوفي يمينك ويسارك...شوفي الفساد الاداري حتى في ابسط دائرة حكومية تشوفين تزلف ومحسوبية وغير ذلك...

اختي الكريمة العيب والخلل في عقل المسلم المعاصر...لأن الوعي الديني عند الاغلب غائب..

الوعي الديني ان الدين صلاة وعبادة وامور اخرى شكلية...غير ذلك الصدق والنزاهة والالتزام بالموعد والفاعلية والاتقان وغيرها من القيم هذي صارت برستيج وشي زايد على اللزوم...

فهمتي اش اقصد بنقد المسلمين ؟؟؟هو نقد طريقة تفكيرهم المتخلفة...

ولعلمك فإن الوضع في اوربا كان اسوأ الى سنوات موب بعيدة عن هلحين...لكن اش اللي حصل؟؟؟

تطوير في اسلوب التفكير...تطوير في نمط الادارة ...تمدين للناس المتخلفة والكحيانة اللي كانت تمجد فكرة الحرب وتقدّس الدماء وتؤمن بالافكار المتخلفة...

احنا وش علينا ياست الحسن الا اننا نرجع رجعة حقيقية للقرآن الكريم والقيم الروحية الكبرى اللي فيه...

احنا مو بحاجة الى القيم الغربية احنا احنا قيمنا منا وفينا...قيم القوة والعزة والانتظام والنزاهة ومحاسبة النفس وانتقادها وعدم الخجل من الاعتراف بالخطأ...

وهذا اللي قصدته من اشادتي بالحضارة الغربية لأنها اخذت اجمل مالدى المسلمين وتحولت للأسف ...سواء اعترفنا ولا انكرنا ...رحنا ولاجينا تحولت لأمة متفوقة علينا في امور كثيرة جدا...جدا...


وحنا قاعدين بدل مانحاول تطوير انفسنا نعدد خطايا هالحضارة ومن ضمنها يااختي( شذو )جريمة الجندي الامريكي بحق العراقية عبير...وجرايم السلنق اللي في ابو غريب ...



الان هذي قضية القضايا من ضمن البشاعات الامريكية اللي ارتكبت في العراق...

وتحت السطح فيه غليان شعبي شديد ضد هالتناقض الامريكي اللي احرج الأمريكان (الأمة المتحضرة المتطورة ال ال ال ) قدام العالم...

فإن كان الامريكان قادمين بالعدالة والحرية للعالم فكيف صار الي صار في العراق؟؟؟

وان كان الامريكان موب وجه عدالة وحرية اجل ليه يروحون للحرب وهم امة متحضرة ترفض الحرب وتدعو للسلام؟؟

هذي فكرة النقاش الجديد اللي يشتعل في امريكا وخصوصا على جبهة الديموقراطيين...

مافي احد حر ونزيه وعنده وعي كافي باللي يصير الا يسخر ويستخزي من فعائل الرئيس بوش....

ولو ان الاحصائيات كانت صادقة ياشذو لوجدتي ان نسبة هائلة من الشعب الامريكي ترفض وتجرّم فكرة الحرب على العراق من اجل مكافحة الارهاب من اصلها...
فكيف عاد بالجرايم اللي صارت ومن ضمنها جريمة غوانتانامو؟؟؟


واللي يأيدون فكرة الحرب والامة القوية هم من جبهة الجمهوريين او المتعصبين دينيا اللي يؤمنون بأن العنف هو الحل الوحيد لإحلال السلام في الشعوب المتخلفة زينا احنا يالعرب...يعني باختصار عرابجة الامريكان اللي مازالوا يؤمنون بالقوة والعرق الابيض والسخافات هذي...

يعني ليسوا سواء ....ليسوا سواء...وهذا كلام القرآن الكريم موب كلامي...


اختي ست الحسن برجع على نقطة العمال الاجانب اللي يرتكبون جرايم بحق السعوديين ..

هلحين تبي تقولين لي ان فيه عمال هنود او بنغال ارتكبوا جرايم بحق سعوديين ونجوا بفعلتهم من العقاب بسبب التسامح الي عندنا؟؟؟


طيب اوكي ...ان كان المجرم راح ينجو بفعلته فمن الملوم هنا؟؟؟موب القضاء؟؟؟

وان كانه مانجى بفعلته وأعدم أو عوقب فهذا اللي مفروض يصير وش الجديد يعني؟؟؟

وسؤال آخر بريء يمكن ماله علاقة بتساؤلك اختي ست الحسن بس يمكن يوضح شوي من قصدي بخصوص الفوضوية في انظمتنا العربية...

ليه مايقدر مهرب مخدرات او قاتل من جنسية من العالم الثالث ينجو بفعلته وجريمته بدون عقاب ....بينما ليه ينجو امريكان وبريطانيين من نفس الفعلة اللي سووها في نفس الديار؟؟؟

يحتاج اقول لك قصة الممرضات النيوزلنديات ووحدة بريطانية معهم اللي قتلوا خويتهم الاسترالية في مستشفى وتم الافراج عنهم رغم ثبوت التهمة واعترافهم بالجريمة؟؟


لما راحت الممرضة البريطانية معززة مكرمة لديرتها ارتكبت جريمة أقل اظن ضربت وحدة من خوياتها او سرقت محل والله مااتذكر نشروها مجلة المجلة ...وراحت فيها سجن سبع سنوات للحين مسجونة الاخت...

فهمتي عن ايش اتكلم ياست الحسن؟؟
اتمنى اكون افدتك وجاوبتك بافاضة...

اخت ام محمد عندي زيت لوز مااخاف من معط الشوشة اصلا....


بس كان ست الحسن ماعندها زيت ندز لها وانا اختس...:)



مروركم ياغاليات يشرفني وحواركم شرفني اكثر واكثر...


خصوصا انتي ياست الحسن ليه تقولين انا ماغلطت وماغلطت بالعكس انتي اثريتي الموضوع وطرحتي اشكاليات كبيرة انا لحين قاعدة افكر فيها...

واحنا في هالموضوع بالعكس نمارس الشي ء اللي ندعو له ويدعو له القرآن الكريم من الحوار والجدال بالتي هي احسن ...

يعني بالعكس افرحتيني من حيث لاتعلمين اختي ست الحسن...