sabah elfol 3aliko

صباح الخير

مدام وائل ورانيا
مشاركتكم تحفة دائما وبها المفيد
وشكرا يا ايمان على اللينكات انا مشتركة بمنتدى التربية والتعليم
بس انا علطول فاتحة عالم حواء بطريقة بايخة بجد باة ادمان لكن ربنا يشفينى قبل رمضان
انا بدات اخرج عشان اهرب من فتحة
اللينك الاخير للاسف مفتحش
وكمان سؤال بايخ اية طريقةتطبيق التوست عشان عمرى ماعملتة لو تدينى رابط حتى
يبقى لك كل الشكر وربنا يجازيك خير
ونفسى فعلا نخصص الياهو او الفيس بوك للدردشة يوم فى الاسبوع
ونرجع للتجمع بتاعنا نضيف كل ما هو مفيد ونقول اليوميات عشان ننشط بعض اكتر
بس لعزرينى على سؤال اخوات الزوج
انا على عكس ما توقعتم لانى نفسى اندهلهم باسمائهم زى اخواتى لكن هما بيتضايقو
مع انهم اصغر من اخواتى وبجد بنحرج وبحس بالهبل وفرحت لانكم كلم تقريبا من رايي المهم ما علينا

انهاردة هعمل صينية مكرونة باشاميل
ونوية افك المراوح كلها تنضييف وتزيت وامسح النجف
وطبعا فى غسبل
وافرز الادوية كلها وارمى الاكسبير لحسان كترت اوى بعيد عنكم
وهنضف الحمام على فكرة اللى معود نفسة على الفلاش لازم يغير كل غسلة
يعنى مرة كلور مرة يكب جاز لان الفلاش بيقتل نوع من البكتريا النافعة وبيساعد على نمو كائنات تانية
يعنى يكون مرة فى الشهر

سلام

يابنات اللى بيجهزو شقتهم او جهزوها قريب
عايزة أسأل على خلاطات الحمامات الايطالى والألمانى بكام فى مصر وعلى اووكر البيبان كمان الخامات الكويسة صناعة ايه وبكام

السلام عليكم ورحمة الله وبركاته
صباح الخير على الجميع انا شاكره جدا لمدام وائل ومادو عن السؤال
مدام وائل مشاركه جميله لكن الرابط الاخير ما فتحش معايا
سبانش - جزاك الله خيرا على المعلومه بخصوص تحديد النسل
لو اى اخت حابه تحدد وعندها عذر صحى او اى سبب بس اهم شىء
ما يكونش بسبب الماديات لان دى فيها حرمانيه لان الايه واضحه فى هذا الجانب
( نحن نرزقهم واياكم )
سبب اختفائى امس
حبيت اعمل تغيير فى البيت وكنت بشترى مفارش
وورد حبيت اعمل تغيير فى غرفة الاولاد
لان موضوع ماما زوزو شجعنى
وبفكر اشترى ماكينة خياطه مع انى مش بعرف اخيط نهائى
بس عجبتنى افكار ماما زوزو فى التدوير فى بواقى القماش
او اى ملابس غير مستغله لان الافكار حلوه وانا بحب دايما التغيير
روشانا - كانت اتكلمت عن الغلاء
ربنا يعين الجميع على الغلاء
وخبراء الاقتصاد بيتوقعو ان الغلاء حا يصل اضعاف فى الفترات القادمه
ولابد ان الاسر تغير نمط استهلاكها ويكون التركيز على الاساسيات
فى الشراء وانا فعلا ملاحظه ان جميع الناس استهلاكها اتغير
فى الشراء واهم شىء للتغلب على الغلاء
الصدقه وكثرة الاستغفار لانه جالب للرزق والبركه
وان شاء الله نتعاون جميعا لعمل برنامج للاستعداد لرمضان
برنامج ايمانى ونصائح فى المطبخ
الهم بلغنا رمضان
مدام وائل- ربنا يرزقك الصحه ويبارك لك فى ابنك
جميل ان الواحد يتذكر الموت دائما لكن بدون ما يترك اثر سلبى على النفسيه
تذكر الموت لابد ان يكون حافز لفعل الخير
وستصغار الدنيا بكل ما فيها من مشاكل
وكنت قرات معلومه
لو الشخص تذكر المةت فى اليوم عشرين مره ومات فى هذا اليوم فهو
فى منزلة الشهداء
فعلا لو تذكرنا الموت مش حا نزعل نهائى ولا حا نتعصب
وحا نصلى بخشوع فعلا حا يكون يوم مثالى
فاتمنى ان ذكر الموت يكون حافز لنا لفعل الخير
اللهم احسن ختامنا جميعا
انا كنت حابه اسال عن الميكريوف
انا حابه اشتريه لكن نفسيا خايفه منه
وفعلا كل ما اروح اشترى اخاف وارجع
فلو فى حد عنده فعلا الاشعاع الخارج منه خطر
انا سمعت دكتور عبد الباسط بيقول ان كلها حاجات مش مؤكده
فاتمنى تفيدونى فى الموضوع
ولى عوده ان شاء الله

صباح الخير عليكم يا بنات طبعا فاضل شهر ونصف وتنقضى الاجازة وندخل فى رمضان والمدارس والمصاريف الى علينا طبعا انتم عارفين فى الوسط المصيف وفواتير التليفون انا حاسة ان الاجازة خلصت على الفاضى والواحد لم ينجز شى الى سافرت تصيف ممكن تقول عاملت اية فى الغلاء دة وازاى حنقدر نواجة الكم الهائل من المصاريف الى علينا شهر تسعة انا عندى اقتراح بالنسبة لرمضان ان اكتر حاجة بنصرف عليها هى الحلويات ممكن نخفف شوى وكمان الحر السنة دى حيخلى الصيام طويل ودى فرصة حلوة للعبادات لكن الى محملنى الهم هو العام الدراسى السنة دى انا على التزمات كتيرة وربنا فى العون ممكن اقترحات للتوفير لو امكن