صبااااح الفل والورد والياسمين عالبنات الشاطرين الحلوين .. النهارده من ساعة ما صحيت الصبح وانا مشغوله جدا .. انا باحب زي ايمان قبل رمضان استعد بانى اعمل كل فترة حاجه فى البيت .. النهارده بقى يوم النيش والبوفيهات .. بالذمه يا بنات مش حرام .. كميات من الكاسات والكوبايات والاطباق وده طقم جاتوه وده خشاف وده سمك .. حاجات مرصوصه للديكور وخلاص .. الوفات عالرفوف مستنيه الضيوف هاهاهااه باقول شعر .. والاخر مين الضيوف يعنى اهلنا وحبايبنا برضه .. المشكله بقى التنضيف والتلميع والغسيل والتنشيف والرص بحذر شديد .. الصراحه هشام بيساعدنى فى موضوع الرص ده .. اول ماقوله النيش يقول يا خفى الالطاف نجنا مما نخاف .. هاهاهااه .. اصله عارف ان لو حاجه انكسرت باقلبها مناحه .. ولو منه هو بقى بتبقى معركة .. يعنى كل المشاكل دى عشان بس يفضلو مرصوصين كده وخلاص .. زينه يعنى واحنا يتهد حيلنا ونتخانق كمان لو حاجه اتكسرت .. المهم بقى لقيت فكرة لذيذه قوى فى فاترينه محل للادوات المنزليه .. لقيتهم ناثرين اوراق ورد مجففه عالرفوف بين الكاسات عجبنى شكله حدا وكان عندي شويه فى فواحه وريحتهم راحت خلاص .. رحت منتوراهم فى النيش وطلع شكله لذيذ ومبهج قوى .. ايه رايكم ؟
عين ..والله يا حبيبتى مانا عارفه ايه حب الرجاله من وهم عيال للكورة .. احمد طالع لباباه بيموت فيها موووت .. تصدقى رغم ان هشام هااااادي جدا وكلامه قليل لكن بقى عنده استعداد يتكلم فى الكورة 24 ساعة .. لا واكتشفت انه مشترك فى منتدى رياضى بيتكلمو فيه عن الكورة برضه هاهاهاااه .. يلا ماحدش احسن من حد عشان يبطل غيره منكم هاهاهاههها .
صباح الخير عليكم يا بنات طبعا فاضل شهر ونصف وتنقضى الاجازة وندخل فى رمضان والمدارس والمصاريف الى علينا طبعا انتم عارفين فى الوسط المصيف وفواتير التليفون انا حاسة ان الاجازة خلصت على الفاضى والواحد لم ينجز شى الى سافرت تصيف ممكن تقول عاملت اية فى الغلاء دة وازاى حنقدر نواجة الكم الهائل من المصاريف الى علينا شهر تسعة انا عندى اقتراح بالنسبة لرمضان ان اكتر حاجة بنصرف عليها هى الحلويات ممكن نخفف شوى وكمان الحر السنة دى حيخلى الصيام طويل ودى فرصة حلوة للعبادات لكن الى محملنى الهم هو العام الدراسى السنة دى انا على التزمات كتيرة وربنا فى العون ممكن اقترحات للتوفير لو امكنصباح الخير عليكم يا بنات طبعا فاضل شهر ونصف وتنقضى الاجازة وندخل فى رمضان والمدارس...
برافو عليكى يا توته .. انا فعلا فى رمضان باحب اخفف من الحلويات وكمان فرصه نخفف الوزن شويه .. ده غير ان الحر مابيخليش نفس للاكل يادوب الميه والعصاير فبجد كميات الاكل الرهيبه اللى الناس بيعملوها دي ماعرفش هايبقى مصيرها ايه السنادي .. والله حرام خصوصا فى ظل الغلا الرهيب اللي مالوش اخر ده .
الصفحة الأخيرة
روشانا
هاعمل ايه بحاول اخلص اى حاجة في البيت عشان قربنا نسافر مصر بعد اسبوعين ان شاء الله ومش عايزة ازنق نفسي للاخر
ولما هنيجي هيكون رمضان فاضل له كم يوم فبحاول اخفف عن نفسي بعض الحاجات وطبعا الشغل اساسا ما بيخلصش
كل سنة وانتم طيبين
مادو
معلومات مفيدة وجميلة عن الانيميا جزاك الله خير
نهى
اهلا بيكي معانا منورة
سبانش ولا روز وعروس النيل وداليا ومدام وائل وكل البنات صباح الخير