ازيكم يا بنات يا نسايات .....

معلش مشغوله عنكم بقى لي فتره لان البردو العيا خد وقت كبير و كل حاجه في البيت كانت متلتله

غسيل فظيع و مفيش اي خزين في البيت و تراب في كل حته

فيادوب شميت نفسي و بدات في الحمله

المهم انا الحمد لله احسن كتتتتتير بس يوسف لسه تعبان والله يابنات الولد ده تعب اعصابي من كتر ما بيعيا

تفتكروا عشان مرضعش؟؟؟؟

والله الموضوع ده محسسني بالذنب الرهيب بس اعمل ايه مكانش فيه ولا نقطه سبحان الله اصل اللبن ده رزق


انا طبعا بحاول اتابع الردود عالسريع بس مش لاحقه لانكم ماشاء الله في تزايد مستمر

بس يعني قريت حاجات عالسريع منها الحماوات و السلايف و اخوات الزوج

و عشان الخص القصه انا شايفه ان كل حاجه بالعقل بتكون انجح في العلاقات دي

يعني مش دلدقه على راي مشمش و في نفس الوقت مش جفاء و قطيعه

و لكن الوسطيه مطلوبه جداااااا عشان نعادل الامور و كل الاطراف ترتاح


انا عن نفسي بعمل كده
لطيفه و ذوق و خدومه جدااا بس سايبه مساحه لنفسي كبيره عشان متخنقش و مسمحش بالتدخل اللي هو سبب البلاوي


و بالنسبه لسلفتي فانا مش بحترمها اصلا و لذلك معاملتي في المناسبات و بس و مش هدي فرصه لاكتر من كده

لانها انسانه كذابه جدااااااااااااااا للاسف و لبستني في الحيط كذا مره و لذلك اعتزلت التعامل مع ان حماتي كانت مضايقه

بس انا و جوزي قررنا كده و قلنالهم بمنتهى الوضوح اننا مختلفين عن بعض و مينفعش نتعامل الا في حدود الواجبات الاضطراريه


بس كده و الدنيا ماشيه


اما عن زوجه اخويا فللاسف قطيعههههههههههههههه من ناحيتها وحتى لما بحاول اتصل بيها في اي مناسبه مش بترد ابداااا

وولاده بقى قلبي بيتقطع من كتر ما بيوحشوني بس مش بايدي للاسف

و ربنا هو المطلع


المهم كلكوا واحشنييييييييييي جداااااااااااااااااااا بس الدنيا مش مظبطه

اكملكوا....


معلش يا بنات مش هدخل المنتدى كتير الايام دي عشان قرايب جوزي جايين من بره و هيقضوا كام يوم في اسكندريه

و طبعا انا هبقى الجايد بتاعهم فهنقضيها شوارع

و اول مالاقي وقت هبقى ااجي ابص عليكوا فورااااااااا

بس ياريت محدش ينساني عشان انا عارفه انتوا نسايات

عودا حميدا يا عطر

انا بنضف المطبخ والاوضه ومش لاحقه اخلص باىىىىى
ادعولى اخلص

ميرسي يا حبيبه

و ربنا معاكي و يقويكي اصل تنظيف المطبخ ده من ارذل الحاجات اللي ممكن اعملها

عطر .. حمد الله عالسلامه يا حبيبى .. زعلانه منك .. بقى احنا برضه نقدر ننساكي ؟