نيرفانا - حمد الله على سلامة زوجك
فعلا لازم نظامنا فى الاكل يتغير ونقلل جدا القلى
لان كارثه تخيلى اكل بيستوى فى الزيت كم السعرات الحراريه
ايه رايك فرصه ورمضان ايضا على الابواب نعمل اكل صحى
وفى ناس بتخاف من كلمة اكل صحى يعنى اكل ما لوش اىطعم
صحى اننا نقلل الدهون ونقلل القلى لو مره كل اسبوع اواتنين
يبقى معقول ونشوى فى الفرن اكتر الاكل المشوى خفيف
وايضا شهىيعنى لو قللنا دهون ونشويات وسكريات
ان شاء الله نصل لصحه ممتازه بس اهم حاجه التلقليل وليس المنع
يالا نتشجع واول خطه لرمضان اكل خفيف وصحى
انا جارتى فى رمضان جابت لى قطايف كانت حلوه جدا وخفيفه جدا
سالتها على السر قالت انها مش بتقليها بتضع عليها ملعقة زبده
وفى الفرن وتقلبها حتى تحمر لكن لسه ما جربتش
لو حد جرب ياريت يدينا النتيجه لانها خفيفه جدا
وانا معاكى يا نيرفانا اننا لازم نتغير واتمنى نتبادل
جميعا الافكار فى الاكل الخفيف الصحى

نيرفا الحبيبة انا كمان جوزى راح الصين وراجع قرفان من كل حاجة فى مصر هو صحتة بقت احسن لانة غير روتين الحياة القاسية الى احنا فيها وهو الاكل الصينى روحى المطعم الى فى انتر كونتنتال وشوفى الاكل بتاعهم راح تحسى انة مقرف احنا كلنا حلو جدا كل حاجة حلوة بس الخضار من كتر المبيدات وشكلة كمان مش متنضف بيسد النفس لكن انا حقترح عليكى اكلات انا بعملها زى خضار مقطع شرائح زى عود الكبيريت كوسة وجزر وبسلة وتشوحية مع معلقة سمنة وملح وفلفل وبعدين تشوى سمك او صدور دجاج على الفحم وتحطيها جمبة ممكن رز بسمتى تسلقية وتحطى علية رشة بقدونس وملح وربع معلقة سمن كدة السعرات الحرارية قليلة جدا دة طبق انا بعملة

مادو
شكرا على المعلومات دى انا حفظتها عندى

memsi;

الحمد لله ان الروابط عجبتك

عروس النيل شيماء سما مدام وائل عطر ماما زوزو وباقى البنات ازيكو وووو كلكممم
يومياتى
طبقت هدوم ورتبت الدولاب وهبدا فى تنضيف البيت كله علشان رمضان والعيد يبقى ترويق خفيف

بس انا سلحفاه بطيئه اشتغل حبه واقعد على السرير استريح فهبدا من دلوقتى يادوبك الحق اخلص ههههههههه


اشتريت ديتول يالا قولوليى ايه استخداماته التانيه غير النظافه الشخصيه وهل يفيد فى مسح الارض وممكن يقضى على النمل



انا بقيت عصبيه قوى وجوزى بقا يضايق منى غصب عنى هو بيقول انى نكديه وانى لازم اتحمل المسئوليه اكتر من كده وهو عطول انهار بره بحس بعبء كبير ابنى 5 سنوات معتش بيسمع كلامى والعلاقه مع ابنى اصبحت سيئه لانى على طول باضربه بقا يزعق ويرفض حاسه ان شخصيتى ضعيفه ادام ابنى يا جماعه مين فيكم ممكن تنصحنى فى عناده الدائم معايا تصورو انه كان بيسمع كلام مدرسته اكتر منى بكتير وكان ميتنفسش ادامها انا شايله هم الحضانه
كل يوم معركه وعيط علشان يرضى يروح ولا كتابه الواجب الماءساه الكبيره فى حياتى طول اليوم نكتب فيه وكان ساعات يروح من غير ما يكون كاتبه تفتكرو الخلل فين انا مش هزعل منكم بس قولوليى على حاجه تنفع معايا
سلام الله عليكم

حبيبة اوسو - تسلم ايدك على الرابط فعلا جميل
وانا استفدت منه كتير
بالنسبه لابنك ما تزعليش منى الخلل عندك ابعدى عن العصبيه تماما
لانك طول ما انتى عصبيه ابنك كمان عصبى وحا يعاند جدا والعلاقه
حا تتازم مع ابنك الطفل محتاج هدوء فى التعامل وتحفيز وكلمات تشجيع
حا تلاقيه شخص مختلف تماما يعنى تعالى اكتب الواجب وتتعصبى
استحاله انه حا يستجيب وحا يعصبك اكتر وممكن يعاند ويكتب غلط
خلت خديه بالسياسه والتحفيز وخلى المذاكره لعبه مسليه
واهم حاجه ما تستعجليش النتيجه يعنى تحاولى مره لو ما استجابش خلاص تملى
وانتى عالجى نفسك اولا بالبعد عن العصبيه والانفعال حا تلاقى جو البيت
اختلف تماما مع ابنك وزوجك هو بيسمع كلام مدرسته لانها مش بتعنفه طول اليوم
اذكرى ايجابيات ابنك طول اليوم ولو عمل اى حاجه صح مهما كانت بسيطه
شجعيه جدا وهللى واحكى لباباه عنها والعيله كلها حا تلاقى ابنك بقى حاجه تانيه خالص
كانا بنشكى من اولادنا لكن انا راييى العيب فينا احنا الامهات والسبب كتر العصبيه
جربى وحاولى وكلنا معاكى ولما تتعصبى اعملى اى مشروب دافىء ينسون او بردقوش
لانه مهدا وشغلى قناة المجد قرآن حا تحسى انك اخذتى هدنه وهديتى اعصابك
وحا تقدرى تواصلى وربنا يهدى اولادنا جميعا ويعنا على تربيتهم
وربنا يرزقنا جميعا الهدوء والاستقرار النفسى

قلت امسى على احلى تجمع

فعلا كلام عروس فى تربيه الابناء جميل جدا

ولو جربتى تبعدى عن العصبيه هتشوفى الفرق
جامد جدا

الله يعينك على تربيه ابنك